تجربتى مع الجين2 بعد صيانه 1000

[FERFESH]

على فكره ياجماعه انا عملت صيانه الالف والحمد لله العربيه ممتازة والحمد لله انا رحت التوكيل الساعه 9 وكنت اول عربيه استلمها منى المهندس وقالى ايه الاخبار والشى الوحيد الى كان عندى هو
الساعه مكنتش شغاله اخدو منى العربيه وقالى كمان ساعه وفعلا بعد ساعه رحت وقالى اتفضل العربيه
وصلحو الساعه بس باليل جيت اقفل العربيه الزجاج الخلفى مقفلش
رحت التوكيل تانى يوم وصلحو لى الزجاج وقالى كان كبل واقع وقالى هاحسبهالك على صيانه اللاف
الحمد لله العربيه جميله وانا لحد دلوفتى مشتكتش من حاجه غير الى انا قلتلكم عليها
:embarrassed2:ياجماعه انا عندىطلب من اعضاء المنتدى ممكن كل واحد عنده العربيه يكتب تجربته بصراحه لان فى هجوم كبير فى المنتدى على العربيه

[Eng.Sameh]

يا باشا ربنا يباركلك فيها ويحفظهالك من اي مشاكل خالص وتفضل حمره علطول ( البطيخه :laugh: ) ، واعتقد ان الهجوم اللي موجود سببو حاله او حالات فرديه ، وده متوقع في فتره التخلص من المخزون ، لكن واضح ان عربيتك انتاج حديث ، ربنا يحفظهالك ، والف مبروك يا جميل

[tutankhamoun]

مبروك يا فرفش باشا .......... و عقبال صيانة ال 100 ألف

بالنسبة للهجوم على العربية راجع لأسباب كتيرة

-- كسل التوكيل بالتعريف بالماركة عموما ( و كتر خير العربية اللي بتبيع من غير و لا إعلان واحد )
-- طبيعة الشعب المصري اللي ممكن يفتي و هو أساسا مش عارف شكل العربية و لا هي مصنوعة فين و لا أيه حكايتها .... مش الجين 2 بس .... أي ماركة غير معروفة
-- و أنا كنت فاتح موضوع عن تقييم أصحاب الجين فقط للسيارة و طلبت عدم دخول من لم يمتلكها

لأن أغلب الناس اللي بتذم في العربية مركبتهاش و كل الحكم مبني على أساس أنها مش ياباني

و و الله العظيم الجين 2 لو كانت ياباني على عيوب التقفيل اللي ظهرت في موديلين فيها و بالسعر ده ...... كانت باعت بالهبل حتى لو كانت وحشة أو أقل من كدا

بس هانعمل أيه .........
لو ظهر عيب تقفيل في الجين 2 ......... تقوم الدنيا
إنما لو ظهر عيب صناعة في هوندا و لا تويوتا .... محدش بيفتح بوقوه ( فمه ) ليقول كلمة وحشة في حقهم
مع إنهم خبرة كبيرة جدا و المفروض ما يطلعش من عندهم عيب صناعة ............. مش عيب تقفيل

على العموم .... ربنا يباركلك في عربيتك و يبارك لكل ماكل للجين 2 أو تويوتا أو هوندا أو أي ماركة تانية و ربنا يكفينيا جميعا شر الطريق و يحرسنا من شرور أنفسنا

[zikos]

أنا المفروض اعمل صيانة الألف.. ممكن أعرف بتتكلف كام؟

[tutankhamoun]

أنا المفروض اعمل صيانة الألف.. ممكن أعرف بتتكلف كام؟

185 جنيه مصري .............. ثمن الزيت + الضريبة

زيت توتال 5000

[FERFESH]

شكرا ياجماعه والله فعلا العربيه جميله ومتستاهلش الهجوم دة عليها فعلا انا حاسس ان كل واحد عمال يفتى فى العربيه وممكن صح مشفش العربيه اصلا
وشكرا ليك يا توت
وانا عاوز اسئلك سوال
ايه اخبار دهان العربيه بتاعتك لان لاحظت ان فى كذا واحد زم فى الدهان
اما بالنسبه للاخ zikos زى ماقلك الاخ توت حوالى 185 جنيه بس حضرتلك ماقلتش ايه اخبا ر عربيتك وفتحه الكبوت منين اى هى حديثه ولا مخزونه زى مابيقوله
:embarrassed2:ياريت كل واحد عندة العربيه بجد يقول تجربته وياريت الى مستلم العربيه 2008 علشان منسمحش لكل واحد يفتى زى ماهو عاوز

[tutankhamoun]

الدهان ما شاء الله و لا حول و لا قوة إلا بالله .............. ممتاز و لم ألاحظ أي مشاكل نهائيا ............
الناس اللي بتشتكي من الدهان دي .............. ممكن تكون العربية مخزونة في الشمس لمدة كبيرة و مع عوامل التراب و التغيرات الجوية و عدم الإهتمام بالسيارة و نظافتها ..........فده أكيد بيأثر على الدهان
عكس الشخص اللي بيستخدم سيارته على طول و بيغسلها و مهتم بنظافتها و العربية بتتحرك

و أنا شايف إن ده عيب توكيل أساسي
أنا شوفت المخازن ............... عريانة و التراب أكل العربيات ( سيتروين - بروتون ) على حد سواء
و معلش علشان الماركتين مش ماشيين قوي في السوق لأن التوكيل كسول جدا في الدعاية
بس إن شاء الله المشكلة دي تنتهي ............. لأن الوقت العربية بتتباع بالحجز ................. ما شاء الله

[mazagnge]

يا عم توت / فيرفش

اللي مش ها يسمع الكـــــــــــلام
ها نحط الجين المحمي في صرصور ودنة

[FERFESH]

ايه ياعم مزاجنجى انت مش ملاحظ انك دخيل على عالم الجين انت مالك يا دسيس يا بتاع الانسر عارف لو مسكتش هاخطفك وشوف مين الى هايسئل عليك

[mazagnge]

ماشي ياع م فر فش

ما هو صحيح ما يعرفش الواحد حنية الام ... الا لما يعرف مراة ابوة

..... " ما تسألنيش اية العلاقة "

[mohamed el hussien]

يا باشا
الف مبروك وربنا يباركلك فيها ويكفيك شرها
وخد بالك العربية مغرية اووي في الجري

وسيبك يا باشا من كل الكلام دة
واستمتع بالعربية
ولا تدي للكلام دة اهتمام
طالما عربيتك زي الفل

ولا حصل معايا حاجة
غير الحاجات بتاعة التقفيل اللي في الاول
يعني من الاخر اول 10 الالاف كيلو كدة

ومش بيحصل مع الناس كلها
يعني (زجاج-سنتر-انذار-مفتاح المرايا)
دي العيوب بوجة عام مش بتحصل مع عربية واحدة
وكان الكلام دة بيقولوا في موديل 2006
بعد كدة ظبطةا العيوب دي

بس عموما لو اي حاجة من الحاجات دي حصلت
ولا تزعل ولا حاجة
كلة في الضمان ومش بتكرر تاني العيوب دي

انا بس بطمنك عشان لو حصل حاجة

وناس كتير اووي اعرفهم ولا اي حاجة
العربية مظهرش فيها اي عيب

ان شاء الله انت تبقي كدة

يا راجل دي عربية عسل والله
حتحس بقيمتها بعد كدة
في مواقف كتير
وحتعرف انها حمالة قسية