مكان فيوز الولاعة في البرسونا

[chahutpartout]

السلام عليكم و رحمة الله و بركاته
كنت عاوز اعرف مكان الفيوز بتاع الولاعة بتاع البرسونا
الولاعة فجأة بطلت تشحن حاولت اعرف مكان الفيوز في الخريطة بتاعت الفيوزات اللي في الكبوت بس ما لاقتوش للاسف

شكرا للاهتمام

[epzomata]

نفس سؤالى برده... غلبت أعرف هو فين و مافيش فايده.

[rajina]

اعتقد مكانه نفس مكان الجين تو.... هو بالنسبة للجين تو مكانه اسفل التابلو ناحية اقصى اليمين

[D . a .\ AYMAN]

دايما بيكون في علبة فيوزات تانية موجودة أسفل عجلة القيادة ناحية الباب ودي غالبا بيكون فيها فيوزات المكونات الكهربائية في مقصورة السيارة يعني الكاسيت وأنوار التابلوه والمكيف والولاعة ... الكلام ده في الأغلب الأعم من كل العربيات

[chahutpartout]

رجعت للكاتالوج و لقيتهم كاتبين انه موجود في مقصورة السائق عند العامة الامامية ( هو دة اللي هما كاتبينه)
و حطين صورة مشاورين علي مكان عند الزرار اللي بافتح منة الكبوت

طبعا مش عاوز اقولكم اني قعدت ادور نص ساعة علي علبة الفيوزات ديه و لا لاقيتلها اي اثر
مش عارف

[chahutpartout]

اسف مكتوب عند الدعامة الامامية

[tamerosman]

رجعت للكاتالوج و لقيتهم كاتبين انه موجود في مقصورة السائق عند العامة الامامية ( هو دة اللي هما كاتبينه)
و حطين صورة مشاورين علي مكان عند الزرار اللي بافتح منة الكبوت

طبعا مش عاوز اقولكم اني قعدت ادور نص ساعة علي علبة الفيوزات ديه و لا لاقيتلها اي اثر
مش عارف

انا برضه قريت نفس الكلام فى الكتالوج و برضه نزلت ادور على مكان علبة الفيوزات الى تحت الدركسيون او تحت درج التابلوه و مش لاقيها !!!!!!!!!!!!!!!!!

[D . a .\ AYMAN]

مابتكونش تحت الدركسيون ولكنها بتكون ناحية الباب جوة من تحت التابلوه في جنب العربية

[mostafa57357]

السلام عليكم فيوز مخرج ال 12 فولت يوجد ناحية الراكب الأمامى حتى تستطيع رؤيته افتح باب العربية الأمامى يمين وانت خارج العربية استلقى بجنبك اليسار على الكرسى الأمامى(لا تجلس عليه) وانزل براسك اسفل درج التابلوه موجها نظرك ناحية الباب

[chahutpartout]

حاجربه بكرة ان شاء الله
و يارب الاقيه
و شكرا جدا علي اهتمامك

[chahutpartout]

يااااااااه
اخيرا لقيته دة مكان صعب قوي و علشان اشوفه لازم اعمل بالظبط زي ما انت قلت
انا حاغيره بكرة ان شاء الله لاني محتاج اجيب فيوزات الاول
بس فعلا شكرا جزيلا