إعـــــــلان

Collapse

.

,
See more
See less

تجربة شد مع verna

Collapse
X
 
  • Filter
  • الوقت
  • Show
Clear All
new posts

  • تجربة شد مع verna


    بصوا انا بكتب الموقف دة وانا عارف ان ناس كتير ممكن متصدقش وانا شخصيا كان جايز جدا اكون واحد منهم لو مكنش انا اللى بحكى ودة من كتر الخزعبلات اللى الواحد بيسمعها عن الفيرنا
    باختصار انا من اكتوبر وعربيتى جين اوتو 2010 وكنت فى كارفور داندى مول مع واحد صحبى بنجيب موبيل وراجعين واللى من اكتوبر حيعرف الوصف كويس
    الاول بس انا مش من الناس اللى بتشد وبتغرز بحب السرعة جدا بس مع نفسى ولما الظرف يبقى سامح (طريق سفر ونضيف من الاخر وطبعا فااااضى)

    المهم راجع عند ميدان جهينة وكان فاضل 5 ثوانى على الاشارة ومحتطش فى دماغى لانى حعديها حعديها المهم عديت الاشارة وبعدى الميدان وهووووب الاشارة قفلت (نسيت او مخدتش بالى ان تقاطع الميدان بردة اشارة وحتقفل زى الاولى بالظبط ) المهم روحت واقف اول ما قفلت ( دة طبعى بردة بقف فى الاشارات حتى لو الطريق فاضى :( بحاول ابقى بنى ادم))
    المهم خير اللهم اجعلة خير لقيت عربية ورايا عمالة تقلب واللى جواها عمال يشوح وكانة عندة مغص عمال يتلوى فى الكرسى كدة وانا مش فاهم هوة عايز كام ولا اية ؟؟؟؟
    فتحت الازاز وطلعت متر قدام وشاوتلة يجى جنبى واول ما جة لقيت شابين لطاف اعدين جوة وعلى وجههم عبوث وضيق شديد !!!!!

    المهم انا شاورتلة بحركة بايدى فيما معناة (هوة فى حاجة !! اية فى اية !! )
    فما كان من الشاب اللطيف انة فتح الازاز بتاعة وقالى (انت وقفت لية مرة واحدة ؟؟ووقفتنى وراك )
    قلتلة مش في اشارة هوة انت مبتشوفش (بصراحة كان الطبيعى انى اوضحلة باسلوب اكثر رقيا ولكن هوة اساسا استفزنى بنظراتة وتهكمة فانا كنت مشحون منة تلقائيا من قبل ما اجيبة جنبى )
    المهم قالى لا ياعم انا مبشوفش واعد يبرطم بكلام وتهتهات غير مفهومة (تقريبا من اعراض المغص اللى كان عندة ) قلتلة والله انت مبتشوفش دى مشكلتك مش مشكلتى وبعدين بالراحة بس متتشنجش كدة لحسن تزعل ................... !!!!! OPS

    انا بصراحة كنت عايز انزل اضربة مش عارف لية بس هوة مستفز وهوة دة اللى انا كنت متوقعة لسيناريو الواقعة ولم اكن اتوقع السيناريو التاااااااااااااااااااااااااااااااااااااااااااالى

    المعلم الاشارة واقفة والعداد بيعد 5 ثوانى ونازل والبرنس ابتدى يحرق وهوة واقف وبيسمعنى صوت موتور الفيرنا على RPM عالى ( مش عايز اقولكوا يا جماعة الصوت خرافى بجد هنيئا مريئا لكل اللى معاة فيرنا بالصوت المبهج دة :(( )

    صحبى اعد جنبى كان متصور نفس السيناريو (حننزل نضربة و واهو نفك شوية من كبت اللى الواحد عايشة يعنى الثورة ضاعت والبلد واقعة والحال واقف و........فيرنا كماااااااااااااااااااان )
    بس اول لما بدا يحرق صحبى نصحنى وقالى اوعى تشد معاة دة فيرنا ومانوال فكك منوا حيطلع وبعدين دة عيل صغير وبتاع كبر دماغك
    وانا لسان حالى وعقلى الباطن بيقول ولاول مرة فى نفس واحد (متجوزوش يبابا متجوزوش يبابا متجوزوش يبابا )

    قلتلة هى طلبت غباوة وانا فعلا حشد معاة
    اصدقكم القول : كنت خايف اوى بس هى كانت ضلمت خلاص ومكنتش جربت العربية قبل كدة فى موقف زى دة لاء وفيرنا كمان كينج كونج نايل موتورز الاول :)

    المهم انا ربنا الهمنى انى مدام داخل المعركة يبقى اعمل الصح يا حزلئوم والباقى على ربنا
    جبت الفتيس على 1 وقلت حجيب اخرها وليكن ما يكون حقلبك مانوال لدقايق يا حبيبتى وابوس ايدك ما تكسفينى
    وهووووووووووووووووووووووب (موسيقى تصويرية وكان ناقص البت اللى بتطلع تضرب نار بين العربيتين دى ومعاها العلم تطلع ههههههه )

    انا حوصف واتمنى تتخيلوا معايا الفيرنا فركت والموتور بيصووووووت بجد (يالهووووووووووووووى ) وراح ناطط نطة غريبة كدة وطلع
    انا الاسد اللى قدام على العلامة (اكلك منين يا بطة اكلك منين :))) ) طلعت وبحرك الفتيس اول لاخرة تانى لاخرة وهوب التالت ................لحظة لحظة
    الفيرنا فيـــــــــــــــــــــــــن ايوة انا سامع الصويت بس فين ؟؟؟؟؟؟؟؟
    معقولة :-0 عديتها بجد وكمان بفرق دة فى المرايا اللى فى نص العربية مش اللى فى الجنب حتى
    المهم اعدت احرق على التالت لحد ما وصلت لاول مطب بعد مول العرب وقمت مدى انتظار ومستنى الريس يجى
    صاحبى جنبى فاتح بقة لحقتة بمنديل(ابوس ايدك متريلش الفرش من عند جينز كار والحج احمد حيزعل اوى لو عرف اللى انت عملتة دة انا كمان مش مستوعب اصبر بس )
    المعلم جة على المطب وبدل ما يهدى راح واخدة ازح (بقصد انة يطلع منى ) ولكنة لم يكن يعلم ان هذا ما كنت انتوية بالفعل(مش عدم الترشح لا:))) ) انا كنت فعلا لو كان صبر عليا سيكا كنت حخلية يطلع منى علشان اشوف حجيبة تانى من الحركة ولا لاء
    وقد كاااااااااااااااان يا سادة يا كرام

    وحدث مرة اخرى وكان وقعها اقوى لكل من الراجل اللى سايق الفيرنا والراجل اللى واقف ورا عم... اقصد اللى اعد جنبة ......... وصحبى :)) بس انا المرة دى لاء كنت متاكد انى حطلع لانى عارف غباوتها لما بتبقى واخدة سرعة اصلا :)))))
    المهم علشان مطولش وصلت طبعا بدرى عنة لحد المطب التانى ولتانى مرة استناة بردة علشان اعلمة كل معانى الادب واخلية مينامش الليل الا و (اوعى يجيلك جين2 )
    عايز اقولكوا ان فى المرة التالتة ملف واسع شوية بس خطر لان اخرة مطب يعنى لازم تلحق نفسك قبل ماتلبسة موتورة كنت حاسس انة حيتخلع من الشاسية وينزل على الارض وهوة بيشتمة بافظع الشتايم من كتر صوتة العالى ومش عارف يسد بردة
    صحبى قالى ابوس ايدك كدة بيموت الضرب فى الميت حرام
    قلتلة خلية يبقى عبرة لكل واحد فاكر انه شماخر راكب ماكلارين :))))
    وهووووووب تالت مرة لدرجة ان الراجل دة كان داخل اكتوبر وانا وكل اكتوبر متاكدة من كدة بس هوة عند تالت مطب قرر يلف ويرجع تانى (نسى الايشارب عند طنط ماجدة فراح يجيبة لمامتة )

    مع تحياتى
    جين2 فخر لكل مالك


    الموضوع معمول اولا الغرض منة الضحك من الاسلوب اللى قد يكون ساخر ومبهج للبعض وقد يكون سمج للبعض الاخر ودة طبيعى
    يعنى الموقف انا حكيتة مش علشان اثبت ان الجين2 سحقت الفيرنا او او او
    الموقف انا حكيتة لغرض اسمى وهو ان الشخص اللى راكب العربية دى لا يستحق ان يقود مركبة من الاساس باى حال من الاحوال لانة لا عندة زوق ولا فن واحترام لابسط قواعد المرور (وانا كمان كان المفترض انى لا انساق لاستفزازة ولكن قد كان )
    ارحب جدا بكل حد حيدخل يقول انة عيب سواق
    ارحب جدا باى واحد حيدخل يقول ان العربية بايظة
    الموضوع فى الاول وفى الاخر للضحك ولاضفاء جو مبهج بعيدا عن ما يعيش معظمنا فية :((((
    منتدى بروتون نايم قلنا نصيحة
    وارفع راسك فووووووق انت جين توووووووووووووووووووو
    :)
    [sor2]http://img534.imageshack.us/img534/7595/resize63.jpg[/sor2]

  • #2
    اسلوبك جامد قوي يابو حميد واللهِ, أنا مش قادر أبطل ضحك...هههههههههههههههه.

    سبحان الله انهارده برده وانا راجع عالمحور من شوية لقيت هيونداي كوبيه 2005 مجنطة 17 وفيها 4 شكمانات وصوتها عالي وصاحبها كان ساخنان وعمال بيجري...المهم رغم إني مش من هواة الشد بس الجو انهارده فيه نسمة برد و جينا كانت بتتلكك بصراحة... بس الدائري خلص والمحور فتح ولقيته بيجري جامد وانا تلقائيا لقيت نفسي بجري وراه و كنا بناخد غرز واسعة لحد 140, بعد كده الطريق فتح شوية جبنا 160 بس عند النقطة ده أنا حسيته قلق...المهم أنا خدت غورزتين ورا بعض وكملت جري شوية بتاع كيلو كده... الزينون والصوت والذي منه اختفوا تماما.
    هديت شوية بعد كده لحد ما المحور خلص و لقيته جاي بعد أول مطب بيحرق وبتاع سبته مع نفسه خالص, حتى كان معايا واحد صاحبي لقيته بيقوله يا عم بعد ايه ماخلاص.

    لأ خد بالك احنا برضه عندنا الاسد الماليزي ههههههههههههه.
    [sor2]http://img833.imageshack.us/img833/8875/protonsig.jpg[/sor2]

    [IMG]http://i668.photobucket.com/albums/vv44/baskoty/_resize-67.jpg[/IMG]

    Comment


    • #3
      المشاركة الأصلية كتبت بواسطة raul_7 مشاهدة المشاركة
      اسلوبك جامد قوي يابو حميد واللهِ, أنا مش قادر أبطل ضحك...هههههههههههههههه.

      سبحان الله انهارده برده وانا راجع عالمحور من شوية لقيت هيونداي كوبيه 2005 مجنطة 17 وفيها 4 شكمانات وصوتها عالي وصاحبها كان ساخنان وعمال بيجري...المهم رغم إني مش من هواة الشد بس الجو انهارده فيه نسمة برد و جينا كانت بتتلكك بصراحة... بس الدائري خلص والمحور فتح ولقيته بيجري جامد وانا تلقائيا لقيت نفسي بجري وراه و كنا بناخد غرز واسعة لحد 140, بعد كده الطريق فتح شوية جبنا 160 بس عند النقطة ده أنا حسيته قلق...المهم أنا خدت غورزتين ورا بعض وكملت جري شوية بتاع كيلو كده... الزينون والصوت والذي منه اختفوا تماما.
      هديت شوية بعد كده لحد ما المحور خلص و لقيته جاي بعد أول مطب بيحرق وبتاع سبته مع نفسه خالص, حتى كان معايا واحد صاحبي لقيته بيقوله يا عم بعد ايه ماخلاص.

      لأ خد بالك احنا برضه عندنا الاسد الماليزي ههههههههههههه.
      +11111111
      اسد محترم وقلائل اللى يعرفوا دة
      [sor2]http://img534.imageshack.us/img534/7595/resize63.jpg[/sor2]

      Comment


      • #4
        يا جدعان السواق عليه 70%
        People who worship money are very easy to spot, their favourite colour is green
        [shr71=http://i55.tinypic.com/15g9lk9.jpg]Physics[/shr71]

        Comment


        • #5
          المشاركة الأصلية كتبت بواسطة autotycoon مشاهدة المشاركة
          يا جدعان السواق عليه 70%
          ده كلام سليم فعلا, بس في حالة أحمد ده كان شد مواتير, مش محتاج غير عربية و سواق بيدوس ويحرق بنزين. :)
          [sor2]http://img833.imageshack.us/img833/8875/protonsig.jpg[/sor2]

          [IMG]http://i668.photobucket.com/albums/vv44/baskoty/_resize-67.jpg[/IMG]

          Comment


          • #6
            المشاركة الأصلية كتبت بواسطة autotycoon مشاهدة المشاركة
            يا جدعان السواق عليه 70%
            +1111111111
            كلامك صح طبعا بس الموقف دة كان عبارة عن انى انا وهوة واقفين على الدواسة الطريق فاضى واسع مفيهوش ملفات تقريبا
            واى حد من اكتوبر عارف كويس
            نورت الموضوع :>
            [sor2]http://img534.imageshack.us/img534/7595/resize63.jpg[/sor2]

            Comment


            • #7
              احييك يا ميدو ع الاسلوب الرائع وموضوع فعلا جميل
              وابقي خلي بالك علشان هتلاقي القسم اتملي ب الهيونداويه اللي عاوزين ياخدوا بالثار
              اوعي حد فيهم يقولك تعالي شد معايا وتروح معاه
              صورة التوقيع كبيرة جداً بما يخل بتنسيق الصفحة.
              الرجاء تصغير الصورة و إعادة رفعها مرة أخرى.

              Comment


              • #8
                منصدقش ليه ، عربيتنا وحفظينها وعارفينها كويس ، لو قولت غير كدة مكناش هنصدق الصراحة :D
                أسلوبك جميل :))

                ونفس الوضع كلام Raul_7 طبيعي جداً ، واكيد كل اللى راكب بروتون عارف ثباتها كويس اوي ،
                وأكيد بردو عارف كويس جداً ان تسارع العربية فوق ال90 أعلى بمراحل من تحت 90

                بس هما شالوا الردارت من على المحور ولا ايه ، 90 حلوة جداً يا جماعة ، وبلاش غرز والحاجات دي
                سيبوهم يفرحوا بعربياتهم
                حرام عليكم كدة :D
                [CENTER][B]لا إله إلا أنت سبحانك ، إنى كنت من الظالمين[/B]
                اللهم إغفر للمؤمنين و المؤمنات الأحياء منهم و الأموات
                لا إاله إلا الله عدد ما كان وعدد ما يكون وعدد الحركات والسكون
                [/CENTER]

                Comment


                • #9
                  يا شباب ..... الشد غلط و عواقبه مش حلوة
                  ثانيا
                  الأخ صاحب الفيرنا في الموضوع واضح ان هو شخص مش محترم و مكنش يجب تعمل عقلك بعقله
                  ثالثا و الأهم ...... الناس في الطريق ذنبها أيه ؟؟

                  و الله يا جماعة معلش محدش يزعل مني بس موضوع الشد ده بالذات بقى بايخ قوي و كتر و الموضوع بجد خطير لدرجة لا تتصوروها .

                  ممكن أقولكم على عقوبة القيادة الخطرة في أنجلترا ( تسارع - غرز - عدم ترك مسافة كافية بين السيارات و بعضها )
                  لو الحادث لم ينتج عنه وفيات
                  حبس سنتين واجبين ... سحب الرخصة نهائيا أو مؤقتا أو خصم 11 نقطة من الرصيد حسب تقدير القاضي للحادث .
                  و غرامة غير مُحددة و مفتوح تقديرها للقاضي المخول بالقضية ..... يعني ممكن يحط عليك غرامة مثلا 100 ألف أسترليني .

                  لو الحادث نتج عنه وفيات
                  يبقى الحبس 10 سنوات واجبة
                  و الباقي ينطبق
                  [img2]http://i59.tinypic.com/2vxpukz.jpg[/img2]

                  Comment


                  • #10
                    نقطة أخيرة بالنسبة للجين 2 خصوصا بالموتور الجديد اللي فيه iafm
                    الموتور ده فايق قوي قوي و حلو ....... بس برضه الشد غلط
                    خلينا نستمتع بالموتور من غير ما نشد مع حد و لا نضايق حد
                    و ربنا بجد يهدي الشرطة علشان الأشكال اللي زي دي محتاجة الضرب على القفى
                    ============

                    بمناسبة أكتوبر يا أستاذ ميدو
                    عارف الاشارة اللي صينية الحي السابع اللي توديك على الحصري
                    تقريبا ببقى واقف فيها لوحدي في نص الصينية
                    و ألاقي
                    حيوانات حواليا من يمين و شمال ...... بيكسروا الاشارة عادي جدا
                    دي بلد ملهاش غير الأعتقالات و الضرب على القفا و قلة الأدب
                    كدا يمشوا عدل ........ غير كدا شوية و لا مؤخذة ^#%$&#*%$#$%^

                    و إلا سواقين النق نقل ....... الفيوم ......... الله يحرقهم خربوا 6 أكتوبر و شوهوا صورتها



                    [img2]http://i59.tinypic.com/2vxpukz.jpg[/img2]

                    Comment


                    • #11
                      المشاركة الأصلية كتبت بواسطة tutankhamoun مشاهدة المشاركة


                      بمناسبة أكتوبر يا أستاذ ميدو
                      عارف الاشارة اللي صينية الحي السابع اللي توديك على الحصري
                      تقريبا ببقى واقف فيها لوحدي في نص الصينية
                      و ألاقي
                      حيوانات حواليا من يمين و شمال ...... بيكسروا الاشارة عادي جدا
                      دي بلد ملهاش غير الأعتقالات و الضرب على القفا و قلة الأدب
                      كدا يمشوا عدل ........ غير كدا شوية و لا مؤخذة ^#%$&#*%$#$%^
                      و إلا سواقين النق نقل ....... الفيوم ......... الله يحرقهم خربوا 6 أكتوبر و شوهوا صورتها


                      مرة كنت راكب ميكروب اقصد ميكروباس جنب السوائق ،
                      بغض النظر عن سواقته طول الطريق ، والمشاة الى مش بيدوا لهم فرصة يعدوا وإذا عدوا يجروا ، واسلوب بوز بيز ...

                      المهم فى اشارة الرماية ... الاشارة بعيد عنها ب20 متر وقفلت ...
                      ودي الرماية يعني مش حتي صينية زي بتاعه الحصري او "ميدان ماجدة (اللى انت كنت واقف فيه تقريبا يا استاذ توت)" ..
                      يعني ممكن جداً حوادث تحصل
                      لإن الطريق الثاني فى ناس مصريين بردو وما بيصدقوا فى آخر ثانية فى العد يجروا ..
                      المهم لقيته مكمل عادي والطريق الثاني فتح!! ....

                      وانا قلبي وتفكيري وقف مش مستوعب اللى بيحصل قدامي مع جحوظ فى البصر وإرتفاع نبضات القلب ، خلاص انا فى موقف واحد بيعمل حادثة ...

                      عدت على خير ولمحت فى المراية عربية ماشية فى اتجاها ورانا علطول ...
                      بعد ما عدت بسلامة قعدت اضحك بطريقة هيستيرية ،
                      تخيل واحد احاسسه هيموت وبقي عايش :d ، الحمدلله

                      بعدين قولت انبه عليه ان فى كاميرات يمكن يلتزم
                      وكمان دي من النوع اللى بيعدي الخط الابيض بيتصور ،
                      يعني ممكن يكون واقف فى الاشارة ويتصور بردو علشان معدي خطوط المشاة

                      فتحت كلام بقوله ، هو الكاميرات مش شغالة ولا ايه ؟!! بيقولي شغالة ...
                      طيب مش خايف تتصور ؟!! كله بيخلص ياباشا تدفع مش عارف كام فى القهوة والرخصة تتجد وتيجي لك لحد عندك
                      طيب اذا كان اللي بيخلصها لك غار فى 60 داهية ؟!! إحنا لنا طرقنا
                      طيب مش خايف تعمل حادثة ؟!! ......
                      طيب مش خايف اضربك هههه
                      الناس تنحت بدرجة مش طبيعية ....

                      انا يوم لما حبيت اجرب العربية واشوف سرعتها ، طلعت الفجر على طريق كله فاضي ،
                      وبقف فى الاشارة ولو مفيش غيري ،
                      المشكلة يبقي الأمين ولا العسكري واقف وبيشور بدراعة والاشارة واقفه
                      وتلاقي ناس بتكسر كل دة ، مرة مختدش بالي والله وكنت هكسرها وقفت ورجعت للإشارة
                      وأعتذرت وكان ممكن اعدي والعربيات بعيد عني ...
                      [CENTER][B]لا إله إلا أنت سبحانك ، إنى كنت من الظالمين[/B]
                      اللهم إغفر للمؤمنين و المؤمنات الأحياء منهم و الأموات
                      لا إاله إلا الله عدد ما كان وعدد ما يكون وعدد الحركات والسكون
                      [/CENTER]

                      Comment


                      • #12
                        اسلوب كتابتك جامد
                        جروب مالكى وعاشقى لانسر كريستاله
                        https://www.facebook.com/groups/lancer.egypt.1996.2000/

                        Comment


                        • #13
                          بسم الله ما شاء الله , ربنا يباركلكوا فى العربيات يا شباب , بس بالله عليكوا بلاش شد و جرى مع أى حد حتى لو استفزك , لا قدر الله لو حصل حادثة او أى واحد اتصاب هتفضل ندمان طول عمرك و تلوم نفسك لان الموضوع مش مستاهل
                          [B][FONT=Times New Roman][SIZE=3][COLOR=blue]السلام عليكم و رحمة الله و بركاتة[/COLOR][/SIZE][/FONT][/B]
                          [B][FONT=Times New Roman][SIZE=3][COLOR=blue][/COLOR][/SIZE][/FONT][/B]
                          [B][FONT=Times New Roman][SIZE=3][COLOR=blue] علاء سعيد[/COLOR][/SIZE][/FONT][/B]

                          Comment


                          • #14
                            يارافع راس البروتوناوية ياجامد
                            ماهو هو ده العادي من بروتون
                            eng f3lix سابقا

                            Comment


                            • #15
                              الحمد لله لسه قاتل الاسد الى على جين تو يوم الاتنين على الصحراوى ---بس بجد موضوع تحفه

                              Comment

                              Working...
                              X