إعـــــــلان

Collapse

.

,
See more
See less

تجربة شد مع verna

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة mido_soliman مشاهدة المشاركة

    بصوا انا بكتب الموقف دة وانا عارف ان ناس كتير ممكن متصدقش وانا شخصيا كان جايز جدا اكون واحد منهم لو مكنش انا اللى بحكى ودة من كتر الخزعبلات اللى الواحد بيسمعها عن الفيرنا
    باختصار انا من اكتوبر وعربيتى جين اوتو 2010 وكنت فى كارفور داندى مول مع واحد صحبى بنجيب موبيل وراجعين واللى من اكتوبر حيعرف الوصف كويس
    الاول بس انا مش من الناس اللى بتشد وبتغرز بحب السرعة جدا بس مع نفسى ولما الظرف يبقى سامح (طريق سفر ونضيف من الاخر وطبعا فااااضى)

    المهم راجع عند ميدان جهينة وكان فاضل 5 ثوانى على الاشارة ومحتطش فى دماغى لانى حعديها حعديها المهم عديت الاشارة وبعدى الميدان وهووووب الاشارة قفلت (نسيت او مخدتش بالى ان تقاطع الميدان بردة اشارة وحتقفل زى الاولى بالظبط ) المهم روحت واقف اول ما قفلت ( دة طبعى بردة بقف فى الاشارات حتى لو الطريق فاضى :( بحاول ابقى بنى ادم))
    المهم خير اللهم اجعلة خير لقيت عربية ورايا عمالة تقلب واللى جواها عمال يشوح وكانة عندة مغص عمال يتلوى فى الكرسى كدة وانا مش فاهم هوة عايز كام ولا اية ؟؟؟؟
    فتحت الازاز وطلعت متر قدام وشاوتلة يجى جنبى واول ما جة لقيت شابين لطاف اعدين جوة وعلى وجههم عبوث وضيق شديد !!!!!

    المهم انا شاورتلة بحركة بايدى فيما معناة (هوة فى حاجة !! اية فى اية !! )
    فما كان من الشاب اللطيف انة فتح الازاز بتاعة وقالى (انت وقفت لية مرة واحدة ؟؟ووقفتنى وراك )
    قلتلة مش في اشارة هوة انت مبتشوفش (بصراحة كان الطبيعى انى اوضحلة باسلوب اكثر رقيا ولكن هوة اساسا استفزنى بنظراتة وتهكمة فانا كنت مشحون منة تلقائيا من قبل ما اجيبة جنبى )
    المهم قالى لا ياعم انا مبشوفش واعد يبرطم بكلام وتهتهات غير مفهومة (تقريبا من اعراض المغص اللى كان عندة ) قلتلة والله انت مبتشوفش دى مشكلتك مش مشكلتى وبعدين بالراحة بس متتشنجش كدة لحسن تزعل ................... !!!!! Ops

    انا بصراحة كنت عايز انزل اضربة مش عارف لية بس هوة مستفز وهوة دة اللى انا كنت متوقعة لسيناريو الواقعة ولم اكن اتوقع السيناريو التاااااااااااااااااااااااااااااااااااااااااااالى

    المعلم الاشارة واقفة والعداد بيعد 5 ثوانى ونازل والبرنس ابتدى يحرق وهوة واقف وبيسمعنى صوت موتور الفيرنا على rpm عالى ( مش عايز اقولكوا يا جماعة الصوت خرافى بجد هنيئا مريئا لكل اللى معاة فيرنا بالصوت المبهج دة :(( )

    صحبى اعد جنبى كان متصور نفس السيناريو (حننزل نضربة و واهو نفك شوية من كبت اللى الواحد عايشة يعنى الثورة ضاعت والبلد واقعة والحال واقف و........فيرنا كماااااااااااااااااااان )
    بس اول لما بدا يحرق صحبى نصحنى وقالى اوعى تشد معاة دة فيرنا ومانوال فكك منوا حيطلع وبعدين دة عيل صغير وبتاع كبر دماغك
    وانا لسان حالى وعقلى الباطن بيقول ولاول مرة فى نفس واحد (متجوزوش يبابا متجوزوش يبابا متجوزوش يبابا )

    قلتلة هى طلبت غباوة وانا فعلا حشد معاة
    اصدقكم القول : كنت خايف اوى بس هى كانت ضلمت خلاص ومكنتش جربت العربية قبل كدة فى موقف زى دة لاء وفيرنا كمان كينج كونج نايل موتورز الاول :)

    المهم انا ربنا الهمنى انى مدام داخل المعركة يبقى اعمل الصح يا حزلئوم والباقى على ربنا
    جبت الفتيس على 1 وقلت حجيب اخرها وليكن ما يكون حقلبك مانوال لدقايق يا حبيبتى وابوس ايدك ما تكسفينى
    وهووووووووووووووووووووووب (موسيقى تصويرية وكان ناقص البت اللى بتطلع تضرب نار بين العربيتين دى ومعاها العلم تطلع ههههههه )

    انا حوصف واتمنى تتخيلوا معايا الفيرنا فركت والموتور بيصووووووت بجد (يالهووووووووووووووى ) وراح ناطط نطة غريبة كدة وطلع
    انا الاسد اللى قدام على العلامة (اكلك منين يا بطة اكلك منين :))) ) طلعت وبحرك الفتيس اول لاخرة تانى لاخرة وهوب التالت ................لحظة لحظة
    الفيرنا فيـــــــــــــــــــــــــن ايوة انا سامع الصويت بس فين ؟؟؟؟؟؟؟؟
    معقولة :-0 عديتها بجد وكمان بفرق دة فى المرايا اللى فى نص العربية مش اللى فى الجنب حتى
    المهم اعدت احرق على التالت لحد ما وصلت لاول مطب بعد مول العرب وقمت مدى انتظار ومستنى الريس يجى
    صاحبى جنبى فاتح بقة لحقتة بمنديل(ابوس ايدك متريلش الفرش من عند جينز كار والحج احمد حيزعل اوى لو عرف اللى انت عملتة دة انا كمان مش مستوعب اصبر بس )
    المعلم جة على المطب وبدل ما يهدى راح واخدة ازح (بقصد انة يطلع منى ) ولكنة لم يكن يعلم ان هذا ما كنت انتوية بالفعل(مش عدم الترشح لا:))) ) انا كنت فعلا لو كان صبر عليا سيكا كنت حخلية يطلع منى علشان اشوف حجيبة تانى من الحركة ولا لاء
    وقد كاااااااااااااااان يا سادة يا كرام

    وحدث مرة اخرى وكان وقعها اقوى لكل من الراجل اللى سايق الفيرنا والراجل اللى واقف ورا عم... اقصد اللى اعد جنبة ......... وصحبى :)) بس انا المرة دى لاء كنت متاكد انى حطلع لانى عارف غباوتها لما بتبقى واخدة سرعة اصلا :)))))
    المهم علشان مطولش وصلت طبعا بدرى عنة لحد المطب التانى ولتانى مرة استناة بردة علشان اعلمة كل معانى الادب واخلية مينامش الليل الا و (اوعى يجيلك جين2 )
    عايز اقولكوا ان فى المرة التالتة ملف واسع شوية بس خطر لان اخرة مطب يعنى لازم تلحق نفسك قبل ماتلبسة موتورة كنت حاسس انة حيتخلع من الشاسية وينزل على الارض وهوة بيشتمة بافظع الشتايم من كتر صوتة العالى ومش عارف يسد بردة
    صحبى قالى ابوس ايدك كدة بيموت الضرب فى الميت حرام
    قلتلة خلية يبقى عبرة لكل واحد فاكر انه شماخر راكب ماكلارين :))))
    وهووووووب تالت مرة لدرجة ان الراجل دة كان داخل اكتوبر وانا وكل اكتوبر متاكدة من كدة بس هوة عند تالت مطب قرر يلف ويرجع تانى (نسى الايشارب عند طنط ماجدة فراح يجيبة لمامتة )

    مع تحياتى
    جين2 فخر لكل مالك


    الموضوع معمول اولا الغرض منة الضحك من الاسلوب اللى قد يكون ساخر ومبهج للبعض وقد يكون سمج للبعض الاخر ودة طبيعى
    يعنى الموقف انا حكيتة مش علشان اثبت ان الجين2 سحقت الفيرنا او او او
    الموقف انا حكيتة لغرض اسمى وهو ان الشخص اللى راكب العربية دى لا يستحق ان يقود مركبة من الاساس باى حال من الاحوال لانة لا عندة زوق ولا فن واحترام لابسط قواعد المرور (وانا كمان كان المفترض انى لا انساق لاستفزازة ولكن قد كان )
    ارحب جدا بكل حد حيدخل يقول انة عيب سواق
    ارحب جدا باى واحد حيدخل يقول ان العربية بايظة
    الموضوع فى الاول وفى الاخر للضحك ولاضفاء جو مبهج بعيدا عن ما يعيش معظمنا فية :((((
    منتدى بروتون نايم قلنا نصيحة
    وارفع راسك فووووووق انت جين توووووووووووووووووووو
    :)
    احييك على أسلوبك موتنى من الضحك والله
    [SIZE="4"][COLOR="DarkRed"][B][SIZE="3"][SIZE="3"][B]WARNING: I hate FELOL so so much. They are double crossers, cowards, transformers and have no principles to live by. My advice to all of you guys if you want to live healthy and happy, is to avoid them by every possible means because they are like fatal killing diseases[/B][/SIZE][/SIZE][/B][/COLOR][/SIZE]

    Comment


    • #17
      المشاركة الأصلية كتبت بواسطة mazagngi2010 مشاهدة المشاركة
      اسلوب كتابتك جامد
      شرفتنى ودة اللى يهمنى ان الموضوع يعجبك

      المشاركة الأصلية كتبت بواسطة alaasaid مشاهدة المشاركة
      بسم الله ما شاء الله , ربنا يباركلكوا فى العربيات يا شباب , بس بالله عليكما بلاش شد و جرى مع أى حد حتى لو استفزك , لا قدر الله لو حصل حادثة او أى واحد اتصاب هتفضل ندمان طول عمرك و تلوم نفسك لان الموضوع مش مستاهل
      متفق معاك مليون فى المية هى الفكرة ان اكتوبر مساعدة شوية على الموضوع دة ولكن انا رافضة شكلا وموضوعا وبحييك على حرصك وربنا يسترها علينا جميعا

      المشاركة الأصلية كتبت بواسطة eng f3lix مشاهدة المشاركة
      يارافع راس البروتوناوية ياجامد
      ماهو هو ده العادي من بروتون
      حبيبى يا فيلكس انا ضيفتك على الفيس علشان عايز اسالك على كام حاجة يا معلم

      المشاركة الأصلية كتبت بواسطة lanos2004 مشاهدة المشاركة
      الحمد لله لسه قاتل الاسد الى على جين تو يوم الاتنين على الصحراوى ---بس بجد موضوع تحفه
      نورت القسم والاسد مبيموتش على فكرة هوة تلاقية كان نايم او مش عامل صيانة ولا حاجة وبعدين ماخلاص باة المنتدى كلة عارف انك معدل فى الموتور تقريبا او مسقط موتور تانى فخلى الطابق مستور :) وعلى الرغم من كدة انا بحب الانوس جدا لان دى اول عربية اتعلمت عليها السواقة (بس مبتعرفش بردة :)))

      المشاركة الأصلية كتبت بواسطة tfsi مشاهدة المشاركة
      احييك على أسلوبك موتنى من الضحك والله
      يا فندم اخجلتم تواضعنا ونورت المنتدى بجد
      [sor2]http://img534.imageshack.us/img534/7595/resize63.jpg[/sor2]

      Comment


      • #18
        المشاركة الأصلية كتبت بواسطة moh19227 مشاهدة المشاركة
        احييك يا ميدو ع الاسلوب الرائع وموضوع فعلا جميل
        وابقي خلي بالك علشان هتلاقي القسم اتملي ب الهيونداويه اللي عاوزين ياخدوا بالثار
        اوعي حد فيهم يقولك تعالي شد معايا وتروح معاه
        هههههههههههه يباشا ربنا يخليك وربك حيسترها ساعتها احنا جامدين اوى ومبنخافش هههه ولو حد قالى تعالى حبقى اقولك تيجى معايااااااااااااااا

        المشاركة الأصلية كتبت بواسطة MounT مشاهدة المشاركة
        منصدقش ليه ، عربيتنا وحفظينها وعارفينها كويس ، لو قولت غير كدة مكناش هنصدق الصراحة :D
        أسلوبك جميل :))

        تسلم الايدين اللى كتبت الكلمتين دول

        ونفس الوضع كلام Raul_7 طبيعي جداً ، واكيد كل اللى راكب بروتون عارف ثباتها كويس اوي ،
        وأكيد بردو عارف كويس جداً ان تسارع العربية فوق ال90 أعلى بمراحل من تحت 90
        +11111111111

        بس هما شالوا الردارت من على المحور ولا ايه ، 90 حلوة جداً يا جماعة ، وبلاش غرز والحاجات دي
        سيبوهم يفرحوا بعربياتهم
        حرام عليكم كدة :D
        لا مشالوش الرادارات هوة raul كان واخدها بلطجة (تقريبا كدة عندة واسطة ع المحور :))

        المشاركة الأصلية كتبت بواسطة tutankhamoun مشاهدة المشاركة
        يا شباب ..... الشد غلط و عواقبه مش حلوة
        ثانيا
        الأخ صاحب الفيرنا في الموضوع واضح ان هو شخص مش محترم و مكنش يجب تعمل عقلك بعقله
        ثالثا و الأهم ...... الناس في الطريق ذنبها أيه ؟؟

        و الله يا جماعة معلش محدش يزعل مني بس موضوع الشد ده بالذات بقى بايخ قوي و كتر و الموضوع بجد خطير لدرجة لا تتصوروها .

        ممكن أقولكم على عقوبة القيادة الخطرة في أنجلترا ( تسارع - غرز - عدم ترك مسافة كافية بين السيارات و بعضها )
        لو الحادث لم ينتج عنه وفيات
        حبس سنتين واجبين ... سحب الرخصة نهائيا أو مؤقتا أو خصم 11 نقطة من الرصيد حسب تقدير القاضي للحادث .
        و غرامة غير مُحددة و مفتوح تقديرها للقاضي المخول بالقضية ..... يعني ممكن يحط عليك غرامة مثلا 100 ألف أسترليني .

        لو الحادث نتج عنه وفيات
        يبقى الحبس 10 سنوات واجبة
        و الباقي ينطبق
        +11111111 متفق معاك 1000000%

        المشاركة الأصلية كتبت بواسطة tutankhamoun مشاهدة المشاركة
        نقطة أخيرة بالنسبة للجين 2 خصوصا بالموتور الجديد اللي فيه iafm
        الموتور ده فايق قوي قوي و حلو ....... بس برضه الشد غلط
        خلينا نستمتع بالموتور من غير ما نشد مع حد و لا نضايق حد
        و ربنا بجد يهدي الشرطة علشان الأشكال اللي زي دي محتاجة الضرب على القفى
        ============

        بمناسبة أكتوبر يا أستاذ ميدو
        عارف الاشارة اللي صينية الحي السابع اللي توديك على الحصري
        تقريبا ببقى واقف فيها لوحدي في نص الصينية
        و ألاقي
        حيوانات حواليا من يمين و شمال ...... بيكسروا الاشارة عادي جدا
        دي بلد ملهاش غير الأعتقالات و الضرب على القفا و قلة الأدب
        كدا يمشوا عدل ........ غير كدا شوية و لا مؤخذة ^#%$&#*%$#$%^

        و إلا سواقين النق نقل ....... الفيوم ......... الله يحرقهم خربوا 6 أكتوبر و شوهوا صورتها



        ولو قلتلك انى كل ما اقف فيها لازم تقريبا انزل من العربية وابرق واشاور على الاشارة من كم ال.......... اللى بيكلكسولى علشان اتحرك ومش كلهم نص نقل بتاع الفيوم دة والله كتير جدا عربيات محترمة اوى
        وملاكى وشباب المفروض انة بيفهم (بس مش عايز يبقى بنى ادم)
        الثقافة محتاجة تتغير يا استاذ توت لكل طوائف الشعب
        [sor2]http://img534.imageshack.us/img534/7595/resize63.jpg[/sor2]

        Comment


        • #19
          ههههههههههههه مقدرتش ابطل ضحك والله ياميدو جيت فوقتك ياجلالتك :d:d حلو اوى موضوع عمل حركه كده عربيته نطت لقدام ...وموضوع الايشارب من عند طنط ماجده ده ههههههههههه والله فقريين يابروتوناويه اوعو حد يعلم علينا الى الامام الى الامام جين2 جين2 جين2 هههههههههههههههههههههه
          [FONT=Comic Sans MS]elsha3er[/FONT]

          Comment


          • #20
            يا جماعة بالله عليكم بلاش العند مع اي حد يستفزكم
            انا ابن خالي كان برضه بيشد مع واحد و عمل حاثه كبيره عند مول العرب
            و كان قضاء الله و توفى من اسبوعين في مستشفى دار الفؤاد بعد غيبوبة دامت 20 يوم
            شاب لسه في عز شبابه ضيع نفسه في لحظة

            Comment


            • #21
              انا معايا الفيرنا 2010 المانيوال
              طبعا مش هقلك نشد مع بعض :D لأني مش من أنصار سباقات الشوارع لكن هي بتيجي بالصدفة ليس الا
              بس خلينا نقول ان بروتون يفترض انها بتستعمل محركات Campro !
              لو انا مش غلطان يعني
              المحركات دي على السرعات العالية أداءها مختلف تماما عن السرعات المنخفضة ودي قوتها في كدة
              فطبيعي جدا ان في الشد الفيرنا تطلع منك في الاول بفارق شبه ملحوظ ومن ثم مع السرعات العالية انت هتطلع منه بسهولة
              انا يمكن مشديتش مع جين تو قبل كدة
              انا شديت مع واجا تقريبا ويومها علمت عليه تعليمة السنين -كانت زفة فرح - وكانوا قافلين الطريق وانا جيت وراه وكلاكسات ونور وبتاع البيه سخن حاول بس معرفش يعني :D
              ايا ما كان انا معجب بالتجربة
              بس متخليش حد يستفزك خصوصا لما تلاقي اللي قدامك اسلوبه مش كويس فدا مش مضمون في طريقة سواقته اصلا كان ممكن يقفل عليك الطريق او يعمل معاك حاجة انت في غنى عنها
              ربنا يحفظ طريقك يا رب
              Ashraf_Ibrahim

              Comment


              • #22
                الجين طول عمره فخر
                مفيش مقارنة اصلا مع الفيرنا
                الفيرنا بتجري يمكن بس العيب الوحيد انها مش بتقف
                ___________ فين الفرامل فين معرفش !!!!!

                Comment


                • #23
                  المشاركة الأصلية كتبت بواسطة tutankhamoun مشاهدة المشاركة
                  يا شباب ..... الشد غلط و عواقبه مش حلوة
                  ثانيا
                  الأخ صاحب الفيرنا في الموضوع واضح ان هو شخص مش محترم و مكنش يجب تعمل عقلك بعقله
                  ثالثا و الأهم ...... الناس في الطريق ذنبها أيه ؟؟

                  و الله يا جماعة معلش محدش يزعل مني بس موضوع الشد ده بالذات بقى بايخ قوي و كتر و الموضوع بجد خطير لدرجة لا تتصوروها .

                  ممكن أقولكم على عقوبة القيادة الخطرة في أنجلترا ( تسارع - غرز - عدم ترك مسافة كافية بين السيارات و بعضها )
                  لو الحادث لم ينتج عنه وفيات
                  حبس سنتين واجبين ... سحب الرخصة نهائيا أو مؤقتا أو خصم 11 نقطة من الرصيد حسب تقدير القاضي للحادث .
                  و غرامة غير مُحددة و مفتوح تقديرها للقاضي المخول بالقضية ..... يعني ممكن يحط عليك غرامة مثلا 100 ألف أسترليني .

                  لو الحادث نتج عنه وفيات
                  يبقى الحبس 10 سنوات واجبة
                  و الباقي ينطبق
                  متفق معاك في كل كلمة وكل حرف قلته بارك الله فيك

                  بس لما يبقوا يطبقوا عقوبة الحبس على عاكس الطريق هنا يبقة ممكن ننادي بتغليظ العقوبة كمان على القيادة الخطرة

                  المشكلة إن اللى إحنا بنحلم بيه ده لن يتم تطبيقه في مصر لو إنطبقت السما على الأرض الشعب مش عايز كدة الشعب عايز يعمل اللى هوة عايزه دون ضابط أو رابط وللأسف الشعب أغلبية والباقي اقلية ولو مش عاجبهم يسيبوا البلد ... لو عرفوا ...
                  [CENTER][U][FONT=Courier New]D . a . \ A Y M A N[/FONT][/U][/CENTER]
                  [CENTER][U][FONT=Courier New]A . S . Y[/FONT][/U][/CENTER]

                  N.Y.S.M.A سابقاً

                  Comment


                  • #24
                    المشاركة الأصلية كتبت بواسطة ahmed1006 مشاهدة المشاركة
                    الجين طول عمره فخر
                    مفيش مقارنة اصلا مع الفيرنا
                    الفيرنا بتجري يمكن بس العيب الوحيد انها مش بتقف
                    ___________ فين الفرامل فين معرفش !!!!!
                    مين قال لحضرتك انها مبتقفش؟!
                    هو ايه مقياس نظام الفرامل الجيد وازاي تحكم عليه ان كان كويس واللا لا ؟!
                    Ashraf_Ibrahim

                    Comment


                    • #25
                      المشاركة الأصلية كتبت بواسطة Ashraf_Ibrahim مشاهدة المشاركة
                      مين قال لحضرتك انها مبتقفش؟!
                      هو ايه مقياس نظام الفرامل الجيد وازاي تحكم عليه ان كان كويس واللا لا ؟!
                      حضرتك المقصود هنا ان فئة الجين 2 اعلي من الفيرنا والفيرنا كنظام فرامل بدون ABS
                      او غيره علي سرعة 150 مثلا اظن انها هتسحف بشكل واضح وده امر حقيقي اما انا لا اقصد الاساءة لهيونداي بالعكس انا بحب الجيتز وبحب ال i30 اكثر شئ فالهيونداي وحضرتك معروف ان الفيرنا بتجري وبتجمع بسرعة نظرا لوزنها والماتور ولكن لا يوجد ميزة بدون ثمن ولا اقصد علي سرعة 120 ولكن اكثر
                      ياريت تكون وصل قصدي وميكنش ردي زعل حضرتك فشئ
                      لا اتمني ان راي يوصلك غلط فبعيدا عن اي سيارة لك كل احترام اخي الكريم

                      Comment


                      • #26
                        لا اطلاقا يا عزيزي انا مش زعلان خالص والله
                        انا بس بحب اتناقش ليس الا
                        انا طبعا عارف ان الجين تو فيها abs بس خلي بال حضرتك ال abs فعليا بيزود مسافة التوقف
                        الاحتياج للنظام دا مش دائم في مصر ولكن بتحتاجه لما تحب تفرمل وتغير اتجاه العربية وفي الطرق الرملية ولما يكون فيه مياه وغيره
                        ايا ما كان طبعا مفيش اختلاف مطلقا
                        لكم مني كل تقدير وتحية
                        Ashraf_Ibrahim

                        Comment


                        • #27
                          المشاركة الأصلية كتبت بواسطة Ashraf_Ibrahim مشاهدة المشاركة
                          انا معايا الفيرنا 2010 المانيوال
                          طبعا مش هقلك نشد مع بعض :D لأني مش من أنصار سباقات الشوارع لكن هي بتيجي بالصدفة ليس الا
                          بس خلينا نقول ان بروتون يفترض انها بتستعمل محركات Campro !
                          لو انا مش غلطان يعني
                          المحركات دي على السرعات العالية أداءها مختلف تماما عن السرعات المنخفضة ودي قوتها في كدة
                          فطبيعي جدا ان في الشد الفيرنا تطلع منك في الاول بفارق شبه ملحوظ ومن ثم مع السرعات العالية انت هتطلع منه بسهولة
                          انا يمكن مشديتش مع جين تو قبل كدة
                          انا شديت مع واجا تقريبا ويومها علمت عليه تعليمة السنين -كانت زفة فرح - وكانوا قافلين الطريق وانا جيت وراه وكلاكسات ونور وبتاع البيه سخن حاول بس معرفش يعني :D
                          ايا ما كان انا معجب بالتجربة
                          بس متخليش حد يستفزك خصوصا لما تلاقي اللي قدامك اسلوبه مش كويس فدا مش مضمون في طريقة سواقته اصلا كان ممكن يقفل عليك الطريق او يعمل معاك حاجة انت في غنى عنها
                          ربنا يحفظ طريقك يا رب
                          احييك على ردك المحترم جدا وشرفتنى وشرفت منتدى بروتون كلة
                          بس ليا تعقيب بسيط انا متفق طبعا فى كل كلامك
                          بس الواجا طبعا مختلفة تماما عن الجين تحديدا
                          القديمة موتور متسوبيشى مختلف عن الكامبرو (لو كنت شديت معاها )
                          وحتى الجديدة بردة مختلفة عن الجين2 مع انها كامبرو بس مش iafm للاسف ودة انتاك الهوا الجديد اللى عالج الاج اللى كان بيحصل للكامبرو على سرعات قليلة
                          دة غير ان الوزن والايرودينامك يتاع الواجا لا يقارن بالجين2 فبطبيعة الحال الواجا اصلا مش عربية سبورت دى العربية ال luxury بتاعة بروتون فلازم الفرنا تاكلها اكل
                          وطبعا انا معاك فى موضوع انى لا استفذ(بضم الالف) ودة لازم فعلا لان ما اكثر الاستفزاز اللى الواحد بيشوفة على مدار اليوم سواء من ملاكى او اجرة وخصوصا الاجرة
                          تحياتى
                          [sor2]http://img534.imageshack.us/img534/7595/resize63.jpg[/sor2]

                          Comment


                          • #28
                            المشاركة الأصلية كتبت بواسطة Ashraf_Ibrahim مشاهدة المشاركة
                            لا اطلاقا يا عزيزي انا مش زعلان خالص والله
                            انا بس بحب اتناقش ليس الا
                            انا طبعا عارف ان الجين تو فيها abs بس خلي بال حضرتك ال abs فعليا بيزود مسافة التوقف
                            الاحتياج للنظام دا مش دائم في مصر ولكن بتحتاجه لما تحب تفرمل وتغير اتجاه العربية وفي الطرق الرملية ولما يكون فيه مياه وغيره
                            ايا ما كان طبعا مفيش اختلاف مطلقا
                            لكم مني كل تقدير وتحية
                            الكلام ده عالسرعات القليلة بس, يعني 50-60 كم مثلا. لكن العكس تماما في السرعات العالية.

                            ممكن حضرتك تشوف الفيديو ده للتأكيد.

                            Bosch ABS - The advantage - YouTube

                            تحياتي.
                            [sor2]http://img833.imageshack.us/img833/8875/protonsig.jpg[/sor2]

                            [IMG]http://i668.photobucket.com/albums/vv44/baskoty/_resize-67.jpg[/IMG]

                            Comment


                            • #29
                              طبعا انا عارف ان الواجا مختلفة عن الجين تو زي مانت قلت في التصميم والموتور الشكل الخارجي كمان زي ما وضحت
                              تصميم الجين تو يديها ثبات وانسيابية اكتر في السرعات العالية
                              انتوا اتحركتوا لحد سرعات كام يا عزيزي؟! عشان بس اقدر اقيم الموقف بصورة سليمة!
                              لو اقل من 140 وطلعت منه يبقا دي معجزة بروتونية :d
                              Ashraf_Ibrahim

                              Comment


                              • #30
                                المشاركة الأصلية كتبت بواسطة ashraf_ibrahim مشاهدة المشاركة
                                لا اطلاقا يا عزيزي انا مش زعلان خالص والله
                                انا بس بحب اتناقش ليس الا
                                انا طبعا عارف ان الجين تو فيها abs بس خلي بال حضرتك ال abs فعليا بيزود مسافة التوقف
                                الاحتياج للنظام دا مش دائم في مصر ولكن بتحتاجه لما تحب تفرمل وتغير اتجاه العربية وفي الطرق الرملية ولما يكون فيه مياه وغيره
                                ايا ما كان طبعا مفيش اختلاف مطلقا
                                لكم مني كل تقدير وتحية
                                جزاك الله خيرا
                                ولكن كجين2 اظن ان
                                نظام فرامل abs+
                                توزيع اليكتروني للفرامل ebd انهم مش فاحتياج دائم بالعكس حضرتك الموضوع هنا بيتكلم عن الشد يعني احتملات انحاء خط السير واتجاه العربية وبشكل مفاجئ امر وارد جدا وايضا فهذه الحالات ممكن يمشوا فرمل علي اطراف الطريق او مياه كل شئ وارد مع انه الامر ككل غلط ولكن حدث فيجب توقع اقصي شئ عندما يحدث ذلك نظام الفرامل اظن له دور فالتفوق بين السيارتين علما
                                ان
                                برنامج التوازن الإلكتروني esp يمكن ان يضاف ولكنه غير موجود فالجين 2 اظن
                                كل ذلك في صالح سيارة وفنفس الوقت السيارة الاخري تخلو منه ومعروف عنها خفة الوزن علي ماتور قوي انا لا ادافع عن سيارة ولكن اري ان انظمة الفرامل الي حدا ما مفيدة كثيرا وافضل من عدم وجودها
                                عذرا علي الاطالة والحديث الطويل بموضوع بسيط
                                لكن هذا مجرد راي يحتمل الخطا
                                ملحوظة انا لا امتلك الجين 2 ولكني اعشقها
                                تحياتي اخي علي سعت صدرك ....

                                Comment

                                Working...
                                X