حجزت جين 2 انهارده

[Doo7aa]

السلام عليكم يا جماعه

انا انهارده الحمدلله حجزت جين 2 من عند أباظه أوتو تريد اللى فى شارع التسعين

فى التجمع الخامس مكنش عنده واحده أقدر أركبها و أتفرج عليها بس انا كنت رايح و ناوى عليها فا اتفرجت على البرسونا عشان عارف ان الشبه بينهم قريب فى التابلوه و كل حاجه ماعدا الشنطه

و الحمدلله كنت مرتاح نفسيا للعربيه

أباظه موزع معتمد لعز العرب ففضلت انى اروحله و بدأ معايا ب 89000 طبعاً بس خلصت على 88000

و الاستلام بعد حوالى أسبوع ان شاء الله

المكان محترم جداً للأمانه و عاملين نظام تأمين كويس نسبة 2.75%

مش عارف ده أخده ولا لا بس فى ناس بيقولوا انه كويس هو تبع شركة المصريه
بس المعرض هو اللى بيخلص كل حاجه مش انا اللى بجرى ورا الشيك فى الشركه يعنى

كنت عايز رأيكوا فى الموضوع ده

و انا كنت حجزت اللون الاحمر بس شيئ الهى خلانى اتصل بيهم و أقلهم معلش خلوا اللون أسود

حسيت انه أشيك بكتير و كمان بعد ما خدت أراء ناس كتير

انا كتبت الموضوع ده فقط عشان استفسار التأمين ده

و رأيكوا فى اللون بالرغم من انها أذواق

و الأهم عشان أشكركوا انى بالرغم من انى مش بشارك بس ربنا يعلم المنتدى ده ساعدنى قد ايه فى اختيار العربيه دى بدون ما يشعر و قسم بروتون بالذات طبعاَ

وكمان أستاذ توت الراجل المحترم اللى كنت خدت رأيه فى رساله خاصه و البشمهندس فيلكس لو فاكرين

و ادعولى ان شاء الله استلم على خير

والسلام عليكم

[saint2011]

مبروك مقدما ايها الزميل العزيز الجين2 ملكة متوجة وتستاهلك اللون الأسود جميل بس عيبه الحرارة فى الصيف والتراب عايز باسنمرار يتمسح كنت أفضلك الأحمر رائع جدا وكمان الأبيض جميل جدا فى الجين2 وخصوصا مع السبويلر والفوانيس الخلفية الليدات ومبروك مرة ثانية

[Raul_7]

ألف مبروك عليك, وإن شاء الله تستلم على خير.

بالنسبة لنقطة التأمين, أنا مش مأمن فـمش هأقدر افيدك...إن شاء الله حد من الاعضاء يرد عالنقطة ده.

[Doo7aa]

مبروك مقدما ايها الزميل العزيز الجين2 ملكة متوجة وتستاهلك اللون الأسود جميل بس عيبه الحرارة فى الصيف والتراب عايز باسنمرار يتمسح كنت أفضلك الأحمر رائع جدا وكمان الأبيض جميل جدا فى الجين2 وخصوصا مع السبويلر والفوانيس الخلفية الليدات ومبروك مرة ثانية

شكرا جداً ليك و انا الحمد لله اخترت اللون الاسود نظراً لحبى فيه و عارف ان ليه عيوب بس مقدرتش

[Doo7aa]

ألف مبروك عليك, وإن شاء الله تستلم على خير.

بالنسبة لنقطة التأمين, أنا مش مأمن فـمش هأقدر افيدك...إن شاء الله حد من الاعضاء يرد عالنقطة ده.

متشكر جداً الله يبارك فيك ومنتظر ردود الأعضاء المحترمين جداً اللى حببونى فى العربيه دى

انتوا عاملينلها دعايه مش معموله فى اى حته

[egyptiandiver]

مبروك مقدما

[Doo7aa]

مبروك مقدما

الله يبارك فيك متشكر جداً

[yaseenmohamed]

مبروووووووووووووووووووووووك...... اختيار عمرك ما حتندم عليه ان شاء الله
ان شاء الله تستلم علي خير
وربنا يديلك خيرها ويكفيك شرها
ومتنساش تطلع حاجه لله
بالنسبه للتأمين ...طالما حضرتك حتشتري كاش فأسأل علي موضوع التامين ده لان كثير من مشايخنا الاعزاء قالوا انه حرام
ومبروك عليك الجميله جينا ومبروك علينا بروتوناوي جديد

[AutoTycoon]

الأسود جميل جداً مع الليدات :) و الأبيض برضه

الف مبروكو ان شاء الله تستلم على خير
بس انا كنت عايز اسأل سؤال بسيط لو سمحت .. الكاسيت فيه usb ولا لأ ؟؟

[Doo7aa]

مبروووووووووووووووووووووووك...... اختيار عمرك ما حتندم عليه ان شاء الله
ان شاء الله تستلم علي خير
وربنا يديلك خيرها ويكفيك شرها
ومتنساش تطلع حاجه لله
بالنسبه للتأمين ...طالما حضرتك حتشتري كاش فأسأل علي موضوع التامين ده لان كثير من مشايخنا الاعزاء قالوا انه حرام
ومبروك عليك الجميله جينا ومبروك علينا بروتوناوي جديد

شكرا جداً يا أستاذ يوسف و انا ليا الشرف انى أنضم لأسرة بروتون اللى حببتنى فى العربيه أصلا
و ان شاء الله نطلع و ندبح

و بالنسبه لموضوع حرام و حلال انا كده لازم أتأكد و ياريت لو فى أعضاء عندهم اى فكره يقولولنا

الأسود جميل جداً مع الليدات :) و الأبيض برضه

الف مبروكو ان شاء الله تستلم على خير
بس انا كنت عايز اسأل سؤال بسيط لو سمحت .. الكاسيت فيه usb ولا لأ ؟؟

الله يبارك فيك متشكر
انا الحقيقه مخدتش بالى من الموضوع ده
عشان انا اصلا ركبت البرسونا بس اعتقد والله اعلم ان فيه فى مودلات 2012
بس أول ما استلم ان شاء الله هقول لحضرتك

[a7mad_mo7amad6]

الف مبرووووك يباشا
ان شاء الله هتنبَسط d:
عربية رااااائعة بكل المقاييس

[Doo7aa]

الف مبرووووك يباشا
ان شاء الله هتنبَسط d:
عربية رااااائعة بكل المقاييس

الله يبارك فيك يا فندم متشكر جداً

[elmadawy]

الف مبروك مقدما
بس سؤال هو السعر ده علي اساس مانيوال ولا اتوماتيك

[ahmed_h_g]

الف مبروك
تستلمها على خير وأبقى طمنا بتقرير

[amrelsha3er]

بيرسونا فيها usb الجين2 لا