استفسار مهم جدا بخصوص جين 2 ارجو المساعده

[Morientis]

السلام عليكم

انا ان شاء الله نويت اشتري جين 2 و معروض عليا واحده موديل 2007 عامله 67000 كيلو راشه جنبين و فابريكا دواخل
الحاله العامه حاسسها كويسه بس انا قبل ما هاشتري هارفع فبنزينه و اكشف
انا بس لفت نظري حاجتين كنت عايز اسأل عليهم

- علامت بروتون من قدام و من ورا لونها اسود مش ازرق ف اخضر و الفرش لونه اسود مش بيج (الاصلي)

- الجنوط شبه جنوط 2008 مش زي 2007 الراجل بيقول انها اخر 2007

فانا عايز اتأكد قبل ما اعمل اي حاجه و قلت اتأكد من احسن ناس هنا

استفسار كمان لو مفهاش رخامه

ايه اخبار قطع الغيار بره التوكيل و اسعارها ايه ؟
و هل اسعارها معقوله؟

و يا تري سعر 52000 كويس عليها ولا ايه؟

[eng.m7md.ali]

بالنسبة للعلامات
هيا ممكن تكون اتسرقت منه ال2 وجاب اللون الاسود منهم
وكمان بالنسبة للجنوط اعتقد مفيش فرق بينهم وسعرها كويس كمان لو اوتوماتيك

[Morientis]

بالنسبة للعلامات
هيا ممكن تكون اتسرقت منه ال2 وجاب اللون الاسود منهم
وكمان بالنسبة للجنوط اعتقد مفيش فرق بينهم وسعرها كويس كمان لو اوتوماتيك

شكرا جدا لردك
انا قلت ممكن ده اللي يكون حصل فعلا
بس انا خوفت من انها مثلا تكون مغيره ربع ولا حاجه و الجزء ده يكون استيراد :d (حبه خيال علمي)
و هل ممكن لو العربيه مثلا مغيره ربع الاير باج تفضل سليمه ؟

هي مانيوال فهل سعرها كده ممكن يبقي محتاج ينزل شويه؟

[Abdelrahman.H]

العربية دي إنتاج النصف الثاني من 2007 ودي عاملة زي 2008 وبتختلف عن 2006 والنصف الأول من 2007 في إنها من جوه لونها إسود مش بيج و العلامة لونها إسود مش أزرق وذهبي ... والجنوط خمس أذرع مش خمس دواير

[eng.m7md.ali]

شكرا جدا لردك
انا قلت ممكن ده اللي يكون حصل فعلا
بس انا خوفت من انها مثلا تكون مغيره ربع ولا حاجه و الجزء ده يكون استيراد :d (حبه خيال علمي)
و هل ممكن لو العربيه مثلا مغيره ربع الاير باج تفضل سليمه ؟

هي مانيوال فهل سعرها كده ممكن يبقي محتاج ينزل شويه؟

العفو تحت امرك
طبعا لو العربية مغيرة ربع ولا نص حتى هتتعرف
بس الاحسن تكشف عليها في التوكيل نفسه في ابو روااش
لان مهما سمكري عمل مش هيعرف يوصلها لحالة الفبريكا زي مالتوكيل بيعمل
اقفال المصنع بتفرق كتير
المهم اطلع على ابو روااش واكشف هناك واعرف تاريخ العربية دي
كدة كدة الايرباجز من اي خبطة بتطلع سواء رصيف او تريحة جامدة على عربية المهم توصل للسينسور بتاع الايرباج
ولو لاقدر الله طلعت الايرباج سهل جدا انها ترجع زي ماكانت بتغيير الطارة والفتحة اللي في التابلوه باجزاء جديدة
اما بالنسبة للسعر هيا سعرها حلو عليها بس لو عرفت تخلص على 50 يبقى قشطة جدي

[Raul_7]

العربية دي إنتاج النصف الثاني من 2007 ودي عاملة زي 2008 وبتختلف عن 2006 والنصف الأول من 2007 في إنها من جوه لونها إسود مش بيج و العلامة لونها إسود مش أزرق وذهبي ... والجنوط خمس أذرع مش خمس دواير

+11111111

إلى صاحب الموضوع, رد عليك أهو مهندس و اخصائي من اوائل قسم بروتون.

[Morientis]

العربية دي إنتاج النصف الثاني من 2007 ودي عاملة زي 2008 وبتختلف عن 2006 والنصف الأول من 2007 في إنها من جوه لونها إسود مش بيج و العلامة لونها إسود مش أزرق وذهبي ... والجنوط خمس أذرع مش خمس دواير

متشكر جدا لرد حضرتك
هو ده بالظبط اللي الراجل قالهولي بس انا ماليش خبره و قلت اتأكد من اهل الخبره
طب هل دي تفرق في الميكانيكا عن 2007 النص الاول او 2006؟؟
لاني قريت هنا في المنتدي ان 2008 فيما فوق احسن من 2007 و 2006

العفو تحت امرك
طبعا لو العربية مغيرة ربع ولا نص حتى هتتعرف
بس الاحسن تكشف عليها في التوكيل نفسه في ابو روااش
لان مهما سمكري عمل مش هيعرف يوصلها لحالة الفبريكا زي مالتوكيل بيعمل
اقفال المصنع بتفرق كتير
المهم اطلع على ابو روااش واكشف هناك واعرف تاريخ العربية دي
كدة كدة الايرباجز من اي خبطة بتطلع سواء رصيف او تريحة جامدة على عربية المهم توصل للسينسور بتاع الايرباج
ولو لاقدر الله طلعت الايرباج سهل جدا انها ترجع زي ماكانت بتغيير الطارة والفتحة اللي في التابلوه باجزاء جديدة
اما بالنسبة للسعر هيا سعرها حلو عليها بس لو عرفت تخلص على 50 يبقى قشطة جدي

انا ان شاء الله غالبا هاعمل كده
و ان شاء الله تبقي عربيه كويسه و انضملكوا للقسم هنا :)

بس ياتري ايه اخبار قطع الغيار و اسعارها؟

[tutankhamoun]

من 2006 إلى 2011 مفيش فرق في الميكانيكا
الفرق الوحيد ......... هو ان الموتور بداية من 2009 تم استبدال نظام دخول الهوا فقط لا غير
إنما المحرك و الميكانيكا هي هي .

موضوع ان الناس بتقول ان 2008 أحسن ........ في رأيي الشخصي دي أوهام
أنا كان معايا 2007 و مكنش فيها الهوا و ناس معاها 2008 و ظهر معاهم بعض امشاكل التقفيل البسيطة اللي ظهرت مع عربيات 2006 و 2007 ..........
هي بس الموضوع أن موضوع مشاكل التقفيل قلت جامد مع موديلات 2009 مش 2008 .

فكدا كدا إن شاء الله العربيات كلها زي بعض و ما تقلقش

و بالنسبة لأسئلتك في الموضوع المهندس عبد الرحمن رد عليك فيها
بس أنا عربيتي كانت آخر 2007 و كانت علامة بروتون أزرق و بعض الناس 2007 كانت عندهم علامة سوداء زي بتاعة 2008 .

فأعتقد لا تقلق
و السعر مناسب