جين تو 2006 ماشيه 160 الف كليو اشتريها ولا لا

[kosha]

السلام على من اتبع الهدى معروض عربيه جين تو عليا ماشيه 160 الف كليو هاى لاين اوتوماتيك ايه رايكم ولا فى نصيب تخلص علا كام اشكركم علا المشاركة:b4_048:

[NourElmansy]

تعتبر ماشية كتير .. بس حسب الحالة .. والمشي ده وسط بلد ولا طوالي وسفر

اكشف عن العربية في التوكيل احسن و هتاخد تقرير مفصل بحالتها و علي اساس الحالة تحكم

ممكن تساوي 55 ل 48 حسب الحالة

[kosha]

متشكرين يا باشا علا الرد يعنى لو جت ب43 اخلص

[amrelsha3er]

ماهو 43 وحالتها ايه هتصرف معاك كتير؟ارفعها فى التوكيل واعرف تاريخ حياتها بدل مايبقى فيها مشكله رخمه
ده احسن حل والتوكيل هيقولك الخلاصه لو كده خللص فيها وربنا يباركلك فيها

[فتح الباب]

43ــــــــــــــــــــــــــــــ وهاى لاين ـــــــــــــــــــــــــــــــــــــ واوتوماتيك ـــــــــــــــــــــــــــ وموديل 2006ــــــــــــــــــــــــــ اكشف عيها كويس

[S O P H O S]

انا حاسس انه كتير
ما تشوف حاجة تانية تكون 2008 مثلا
اصل هي اوتو كمان !!!!
ولو المبلغ مش هيكمل ؟؟
ولو كده ارفعها فالتوكيل
وربنا يوفقك للاحسن

[kosha]

اصل انا اخرى ياجدعان بعد ما اننفض البلاطة 45

[yousefsemsem]

بص حضرتك شوف حالتها كويس واطمن بس هي معروضه عليك بكام لكن مااظنش انها تنزل ل50 حتي لو هي سليمه لكن بالنسبه لعدد الكيلو مترات مش معني انه 160 يبي ده يعبها ايه يعني ماشيه كتير هو الواحد بيجيب العربيه يركنها ويمشي هو مهي جايه للمشي ولا تحط في بالك عدد الكيلو متر بتاعها
انا معايا في الشغل عربيه النترا 2010 وماشيه 150 الف ومافهاش الهوا بره وجوه وصيانه المكنه دوريه وبعتها 85 الف فاكشف عليها ولو سليمه توكل علي الله

[kosha]

متشكرين اوى يارجاله ربنا يجعلو فى ميزان حسنتكوا ويوفقنى للى فيه الخير