الفتيس عندي بقى يهيس

[eng.m7md.ali]

معرفش ايه اللي بيحصلي
الفتيس بقى بيهيس كدة
اللي بيحصل كالاتي
العربية وهيا طالعة وتيجي تاخد تاني غيار بيحصل دربكة كدة زي بتاعت ال dsg وصوت الموتور يعلى مع ان ال rpm واطي !!!!
كمان لما باجي اهدي عشان اقف في زحمة والعربية على التاني وتيجي تنزل للاول بتحصل عضة كدة غريبة والعربية بتنط متفهمش ازاي ياخويا

طبعا كنت لسة عامل صيانة ال 40 الف وغيرت زيت الفتيس بزيت توتال الزفت بتاع التوكيل
جربت اشيل كابل البطارية واسيبه 10 دقايق واركبه تاني يمكن يرجع الكنترول لطبيعته وهو ابدا راسه والف سيف يفضل مهيس كدة
حد بقى يعرف ايه ده؟

[S O P H O S]

الحمد الله علي كل شئ
ولوني حاسس انك اتحسدت

[D . a .\ AYMAN]

غير الزيت تاني كله وحط كاسترول أو فالفولين أو شيل .. غالبا بسبب الزيت ... وبسرعة قبل ما يحصل حاجة في الفتيس لا قدر الله ... واضح إن توتال ده فاشل لأبعد الدرجات

وربنا يحفظك ويحفظلك عربيتك

أنا مش فاهم إزاي في التوكيل مصرين على الزيت الفاشل ده

[Raul_7]

ارجع للتوكيل يا فليكس إنت لسة في الضمان, بدل ماتجيب فتيس هي مش ناقصة.

[ahmed_h_g]

الزيت اللى حطيته هو المشكله
الحق غيره

[eng.m7md.ali]

للاسف مضطر استنى ليوم السبت لحد ما اروح للمهندس عصام
وغالبا شكلها من الزيت اللي مرتحتلووش من الاول بصراحة
شكرا ليكو يا رجالة والله الواحد من غيركو مش عارف هيعمل ايه

[amrelsha3er]

روح لعصام وصفا يافليكس طالما انت فى الضمان على رأى محمود بدل ماتجيب فتيس مش ناقصه وغالبا الزيت هو اللى عامل كده فعلا بس روح برضو واتطمن وطمنا عليك:)

[saint2011]

طمنا عليك يا فليكس باشا وأنشاء الله هو الزيت

[mido_soliman]

اول حاجة تعملها تقيس منسوب الريت لانة غالبا ناقص اوى
الزيت توتال ملوش علاقة باللى انت بتقولة دة يا فيليكس الا لو كان ناقص
لو الزيت مش ناقص
فك كبل البطارية وقت طويل وجرب بعد الريستارت تانى
لو المشكلة زى ماهية يبقى غالبا حساس الفتيس عايز تنضيف

[eng.m7md.ali]

بص يا ميدو
هو مفيش تسريب او ترشيح زيت وانا راكن في الجراج ... يبقى ال 6 كيلو زيت توتال الفرنساوي التعبان ده راح فييييييين؟
وزي ماقولتلك فكيت الكابلات بتاعت البطارية وعملت ريسيت 3 مرات مفيش فايدة العربية زي ماهيا

هيا فجأة حصل كدة من غير سبب ومش عارف في ايه ومفتكرش انه يكون السبب بنزين مثلا

[eng.m7md.ali]

روح لعصام وصفا يافليكس طالما انت فى الضمان على رأى محمود بدل ماتجيب فتيس مش ناقصه وغالبا الزيت هو اللى عامل كده فعلا بس روح برضو واتطمن وطمنا عليك:)

طمنا عليك يا فليكس باشا وإن شاء الله هو الزيت

والله مش عارف اقولكوا ايه
تقريبا انا اول واحد في العالم اشتكي من فتيس بروتون هههههههههههههههههههههههههههه
ربنا يسهل يجي يوم السبت ونشوف ايه الحوار

[mido_soliman]

بعنب الزيت مقاسة تمام مش مهم ترشيح قيس بس المقاس

[mido_soliman]

وبعدين سؤال لولبي هوة مش فتيسك زي فتيس الجين الاوتو هوة هوة يبقي عمرة ما باخد اكتر من 4 لتر ونص

[eng.m7md.ali]

وبعدين سؤال لولبي هوة مش فتيسك زي فتيس الجين الاوتو هوة هوة يبقي عمرة ما باخد اكتر من 4 لتر ونص

ايوة هو هو
ازاي بقى 4 كيلو ونص؟
المهندس عصام بيقولي 6 كيلو

[tutankhamoun]

عربيتك راكبها عفريت -