لاتلحقونى لا متلحقونيش!

[dodopop2]

محتاج النصيحة بتاعتكم يا جماعة انا محتار بين 3 عربيات فى حدود65000 مستعمل الاولى جين2 والثانية بيرسونا والثالثة ستروين c4 مع العلم انى عندى طفلين يعنى عائلة بس ال c4 داخلة دماغى عشان الاوبشن الجامد اللى فيها بس مشكلتها فى قطع الغيار ومش اى حد يفهم فيها من ناحية تانية انا بعشق الجين2 ؟! بصوا انا هتجنن انا عايز عربية متتعبنيش فى الصيانة وقطع الغيار بأوبشنز جامدة بسعر 65000 جنيه ارجوا الرد قبل ما ادبس فى حاجة ملهاش لازمة

[tafa17]

توكل علي الله وأشتري جين2 بس مهم جدا تكشف عليها الاول
يارب حتي تدفع كام في الكشف احسن ما تاخد حاجة تعبانة وحالتها وحشة ،،،،،، المستعمل من الجين2 حاجتين يا أما نضيف قوي يا أما سيء
وعليك بالاستخارة
وانا كنت بفكر زيك مابين الجين2 والسيتروين والحمد لله ربنا وفقني في الجين2 ومبسوط بيها جدا

[dodopop2]

توكل علي الله وأشتري جين2 بس مهم جدا تكشف عليها الاول
يارب حتي تدفع كام في الكشف احسن ما تاخد حاجة تعبانة وحالتها وحشة ،،،،،، المستعمل من الجين2 حاجتين يا أما نضيف قوي يا أما سيء
وعليك بالاستخارة
وانا كنت بفكر زيك مابين الجين2 والسيتروين والحمد لله ربنا وفقني في الجين2 ومبسوط بيها جدا

شكرا جزيلا على الرد السريع بس انا عندى طفلين وبسمع ان جين2 صغيرة من جوة وشنطتها صغيرة كمان ارجو التوضيح.

[Raul_7]

شكرا جزيلا على الرد السريع بس انا عندى طفلين وبسمع ان جين2 صغيرة من جوة وشنطتها صغيرة كمان ارجو التوضيح.

النقطتين غلط, الجين مساحتها الخلفية اوسع من الصني عن تجربة, والشنطة معقولة مش صغيرة خالص, غير إن فتحة ال left back بتفرق قوي وإنت بتحط الشنط.

[S O P H O S]

لا بالعكس هي مناسبة جدا ليك ومش ضيقة ولا حاجة ممكن لو حد ورا 195 سم وده مش موجود اظن
وهو انسب اختيار فالثلاثة دولا
هي الجين 2
بالتوفيق

[dodopop2]

طيب يا جماعة بالنسبة لقطع الغيار والناس اللى بتفهم فى الجين 2 هل متوافرين وخاصة ان الناس بتقول قصايد مهببة فى عز العرب فى المعاملة واسعار المصنعيات وقطع الغيار النااااااااااااااااااار

[mido_soliman]

طيب يا جماعة بالنسبة لقطع الغيار والناس اللى بتفهم فى الجين 2 هل متوافرين وخاصة ان الناس بتقول قصايد مهببة فى عز العرب فى المعاملة واسعار المصنعيات وقطع الغيار النااااااااااااااااااار

هههههههههههههه ماهى السيتروين بردة عز العرب اختياراتك كلها عز العرب
فعادى باة تعامل معاة

[dodopop2]

يعنى ايه اتعامل معاه يا جماعة عايزين معلومات واضحة الله يخليكوا وانا معنديش مانع انى اخد توكيل العربيتين!

[tutankhamoun]

بُص عز العرب لا هو التوكيل الواو ...... و لا التوكيل السيئ.

بالنسبة لأسعار قطع غيار و المصنعيات
زيه زي أي توكيل تاني
هاتلي توكيل بيبيع الحاجة زي أسعار محلات قطع الغيار ؟
الفرق ان التوكيل بيبيع القطع الأصلية بس .
أنا عن نفسي عمري ما صادفتني أي مشكلة معاهم.

[dodopop2]

شكرا توت طيب فى مركز خدمة قريب من المعادى ولو فيه محلات قطع غيار فى المعادى ياريت تقولى

[tutankhamoun]

العفو يا باشا
مراكز الخدمة التابعة لعز العرب
مدينة نصر - العجوزة - الصحراوي

مركز عصام و صفا و ده موجود في مصر الجديدة عند السندباد تقريبا . عموما العناوين الخاصة بمحلات قطع الغيار موجودة في موضوع مثبت .

محلات قطع الغيار
فيه في المهندسين و فيه في شارع دمشق و فيه في الجيزة في شارع المحطة أمام محطة القطار .