عملنا حادثه بالجين تو دمرتها ولكن الحمد لله

[zakiali]

الف سلامه عليكم واللي بييجي في الفلوس يتعوض بأذن الله ...

يريت حضرتك تتابعينا في الموضوع ده وتقوللنا قصتك مع التأمين والأصلاح لحد الاخر .

[MoToRiZeR]

ماهو لو كان فيه قانون محترم في البلد .. اولا مكنش الولد ده مشي كدة
او كان حصل اللي حصل و اتاخد عليه تعهد انه يتمنع من قيادة الموتوسيكلات باقي الحياة و لو ساق تاني يتحبس

و لكن للأسف الناس بيصعب عليها و بتلم الموضوع ودي لأن اللي حصل بيبقي حصل و خلاص .. بس يا ريت تكون اصابات جسمه تخليه يلم نفسه في المستقبل و يعرف انه خطر علي ارواح الناس اللي ماشية في الشارع

لو قلتلك انتوا اتصرفتوا غلط ابقي معنديش قلب لأن الله اعلم هو جاب الموتوسيكل ده ازاي .. بس اصل ده استهتار بالناس .. مش عارف بصراحة الواحد لو في موقف زي كدة المفروض يعمل ايه و ايه الصح اخلاقياَ

انا لو في ايدي اديله الموتوسيكل و كل حاجة بس احبسه 6 شهور يتربي فيهم

بس متخافيش عالعربية .. اي حاجة حديد بتتصلح و مبقاش فيه حد بيسلم :) اهي خدت العين و إن شاء الله ترجعوا تستمتعوا بيها تاني

[meramor81]

الف سلامه عليكم واللي بييجي في الفلوس يتعوض بأذن الله ...

يريت حضرتك تتابعينا في الموضوع ده وتقوللنا قصتك مع التأمين والأصلاح لحد الاخر .

الله يسلمك يا استاذ زكي واكيد هاطمنكم باذن الله هو غداا إن شاء الله جوزى رايح للتامين وهايبعتو واحد معاه يعاين العربيه وربنا يسهل

[meramor81]

ماهو لو كان فيه قانون محترم في البلد .. اولا مكنش الولد ده مشي كدة
او كان حصل اللي حصل و اتاخد عليه نعهد انه يتمنع من قيادة الموتوسيكلات باقي الحياة و لو ساق تاني يتحبس

و لكن للأسف الناس بيصعب عليها و بتلم الموضوع ودي لأن اللي حصل بيبقي حصل و خلاص .. بس يا ريت يكون اصابات جسمه يخليه يلم نفسه في المستقبل و يعرف انه خطر علي ارواح الناس اللي ماشية في الشارع

لو قلتلك انتوا اتصرفتوا غلط ابقي معنديش قلب لأن الله اعلم هو جاب الموتوسيكل ده ازاي .. بس اصل ده استهتار بالناس .. مش عارف بصراحة الواحد لو في موقف زي كدة المفروض يعمل ايه و ايه الصح اخلاقياَ

انا لو في ايدي اديله الموتوسيكل و كل حاجة بس احبسه 6 شهور يتربي فيهم

بس متخافيش عالعربية .. اي حاجة حديد بتتصلح و مبقاش فيه حد بيسلم :) اهي خدت العين و إن شاء الله ترجعوا تستمتعوا بيها تاني

يـــــــــــارب نفسى والله ترجع زى الاول انا مالحقتش اتمتع بيها بس القلق هايبقى زياده على جوزى اكتر فى نزوله لانى بخاف عليه جدااااا والعربيات فعلا بتعرض حياه الناس للخطر لانك فى بلد مافيهاش احترام ولا نظام وهقول لحضرتك جوزى ليه اتنازل اولا الولد قعد يتالم كتير ومرمى فى الارض فتره كبيره عقبال ماالاسعاف عبرته ومنطقه الحوض عنده مدمره وفعلا الله اعلم هو جايب الموتوسكل ده ازاى وكان مش معلق نمر يعنى قضيتين فجوزى مارضاش ياذيه وسابه

[Chicco]

قدر الله و ما شاء فعل ....ألف حمد الله على سلامه زوج حضرتك و فداكم ألف عربية ..ما تضايقيش نفسك يا أختي الفاضلة و احمدي ربنا .العربية حتتصلح إن شاء الله و ترجع زاي الأول ....زوج حضرتك بخير و ديه أهم حاجة ...و المخلوق اللي كان راكب الموتوسيكل لسه عايش ..لو كان مات مثلا كنتم دخلتم في حوارات ما لهاش لازمة.....ربنا يحميكم بفضله إن شاء الله

[meramor81]

قدر الله و ما شاء فعل ....ألف حمد الله على سلامه زوج حضرتك و فداكم ألف عربية ..ما تضايقيش نفسك يا أختي الفاضلة و احمدي ربنا .العربية حتتصلح إن شاء الله و ترجع زاي الأول ....زوج حضرتك بخير و ديه أهم حاجة ...و المخلوق اللي كان راكب الموتوسيكل لسه عايش ..لو كان مات مثلا كنتم دخلتم في حوارات ما لهاش لازمة.....ربنا يحميكم بفضله إن شاء الله

الحمد لله على كل شىء مشكور اخى الكريم

[M.Mokhtar]

قدر الله وما شاء فعل

فى حديث عن الرسول "صلى الله عليه وسلم"

ما من مسلم تصيبه مصيبة فيقول كما أمره الله أنا لله وأنا إليه راجعون ، اللهم أجرني في مصيبتي واخلف لي خيراً منها إلا أخلف الله له خيراً منها

ودعاء الهم والحزن

ماأصاب عبداُ هم ولاحزن فقال : اللهم إني عبدك ابن عبدك ابن أمتك ناصيتي بيدك ماضِ
في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو
علمته أحداً من خلقك أو استأثرت به في علم الغيب عندك أن تجعل القرآن ربيع قلبي ،
ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً

ما تنسيش الدعاء عشان واضح انك مضايقه جدا
ان شاء الله هتعدى على خير

[Hondawy_2008]

ربنا يصبركم إن شاء الله بس أنا معلش ضد ان جوز حضرتك يسيب الولد ده المفروض ياخد جزاءه ويدفع تمن تصليح العربيه أو يتسجن و ده مش عوض "ولكم في القصاص حياة"
هي دي مصر مفيش مرور سواقه بلطجه فعلا الشارع المصري أزبل شارع في العالم أن بحس وأنا سايق اني بلعب فيديو جيم ربنا يسترها معانا كلنا

[LUX]

أولا سلامة جوز حضرتك الف سلامة و الحمدلله انها جت في العربية
ثانيا التأمين ان شاء الله هيتكفل بكل حاجة .وزي ما قال الاخوة الاعضاء انها حاجات بسيطة يعني كلها عملية استبدالات مش اكتر يعني مافيش مشاكل خالص اطمني كله هيرجع زي الاول :)

اما بالنسبة لل.... اللي كان بيسوق فده كويس انه ماماتش لانكوا كنتوا هتخشوا في مشاكل مالهاش لازمة
واحدي ربنا انها جت علي قد كده.

و ان شاء الله العربية ترجع زي الاول و تطمني عليها كل يوم زي الاول.
وانا من رايي تشوفيها عادي و هي بايظة بس يكون في داغك ساعتها ان كل ده هيتغير علي طول بقطع . يعني مافيش اي مشكلة :)
وابقي طمنينا من وقت للتاني لو سمحتي :)
_______

[mohamed el hussien]

والله ولا تضايقي نفسك ولا اي حاجة
انتي بس لما تهدي شوية من الحدثة
حتلاقي ان اللي حصل دة احسن ميت مرة من حاجات كتير اووي كانت ممكن تحصل
اقل حاجة كان زجاج العربية يتكير في وش جوزك

عموما ان في الحاجات دي بفوض امري لربنا
ولا بزعل من الكلام دة خالص
دة في الاخر والاول عربية

المهم موضوع التأمين
كل اللي انتي قولتية كويس
وان شاء الله هو ملزم ان يعمل العربية كلها ان شاء الله
ثانيا العربية حترجع زي الاول ان شاء الله بالظبط
طالما الموتور كويس

بس هي المشكلة شوية
ان التوكيل زحمة اووي
وحيأخر العربية جامد

يعني انا عربيني قعدت شهر بالظبط
وكمان كدة عشان الناس عرفاني من زمان


(اترشت كلها ماعدا السقف وغيرت رفرف وفانوسين وفانوس ورا )

عشان كدة لازم تفضلي وراهم وانا اديلك نمر الناس كلها اللي هناك
واوصيهم ان شاء تدخل بسرعة

[mohamed el hussien]

وكمان سربنتينة تكييف وكبوت

[ahmedsiyam]

السلام عليكم

يا اختى الفاضلة الف حمد و شكر لله على سلامة زوجك وان شاء الله الموضوع بسيط و هياخد وقت فى التوكيل لانه زيى ماقال الاخ محمد الحسينى هو زحمة فعلا بس التامين ان شاء الله يغطيكم فى التكلفة و دى اهم حاجة
وانا موش متفق معاه خالص فى موقفه الانسانى مع بنى ادم ارعن و غير مسئول واهله اللى بيركبوه موتوسيكل و سايبنه يعرض نفسه و الاخرين للخطر كان المفروض يتمسك بحقه علشان يبقى الشخص ده عبره لغيره
عموما هى على ما اتذكر اول عربية تجيبوها و هى ماشاء الله شكلها حلو و تاخد العين صح ربنا ان شاء الله يبعد عنكم اعين الحاقدين و الحاسدين و ترجع احسن من الاول وتحياتى لزوجك الفاضل و الف سلامة عليه و عليكم

[ahmedfd]

لا حول و لا قوة إلا بالله
حمد الله على سلامة جوز حضرتك و دي أهم حاجة.. الجن تو عربية قوية ما شاء الله و إن شاء ترجع أحسن من الأول و التأمين هيقوم بكل اللازم..

[mohamed2002]

حمد الله علي سلامة جوز حضرتك ,العربية باذن الله ترجع زي الاول

[OldVic]

و يمكن تكون العربية كان قدرها تحميكم

لا أعلم لماذا اعجبتنى تلك الجملة، المهم، كما قال الزملاء التأمين سيغطى كل شىء و فى السيارات الجديدة التوكيل يغير كل شىء بجديد. و لكن اسمحى لى اعترض على اسلوب التعامل مع قائد الموتوسيكل، كان يجب الابلاغ عنه و بعدين ده يستاهل كسر رقبته مش الحوض فقط.