عملنا حادثه بالجين تو دمرتها ولكن الحمد لله

[MohabSaeed]

ان شاء الله خير ....و العربيه ترجع زى الاول ....اعتقد قرار التصليح فى التوكيل هو القرار الصح ...لان العربيه لسه جديده وحرام يتلعب فى اى مركز مش معروف .

بس ياريت تحاولو تتفاهمو مع مندوب التأمين ...علاشان مايعملش مشاكل بالنسبه لتقدير الحادثه .

[meramor81]

اشكركم جميعاا واحنا كلمنا مهندس التأمين وربنا يسهل

[meramor81]

انا قريت اول الموضوع واخره فقط وعايز افكر حضرتك
ان الله اذا احب عبده ابتلاه فمن رضى فله الرضا ومن سخط فله السخط
والحمد لله على كل حال
والامور ان شاء الله ماشيه كويس
ربنا يسعدكم تانى بنفس العربيه اللى حضرتك زعلانه عشانها دى وترجع افضل من الاول باذن الله

مشكور اخى وفعلا احنا راضين والحمد لله وكل شىء بيحصل فى حياه الواحد مهما كان لازم يرضى بيه لان ده قدر ونصيب ومكتوب علينا ولازم نشوفه والحمدلله على كل شىء

[meramor81]

السلام عليكم ورحمه الله وبركاته
انهردا اتصلت الصبح بالمهندس مجدى اللى عاين العربيه وسألته العربيه هاتتكلف فى حدود كام قالى من 15 الى 20 الف جنيه
طبعا كتييييييييييييييير جدا عاوزة اعرف ايه دور التأمين الاجبارى اللى فرضوه علينا من غير حتى نتيجه ولو الواحد معهوش المبلغ ومأمن يعمل ايه ؟؟ ارجو الافاده

[Ahmed Samy]

التأمين الإجبــــــــــــــــــــــــــــارى


فكرتيني حضرتك والله ان في تأمين ........أصلي بافتكر كلمة اجباري بس

يا فندم التأمين الاجباري ده سبوبه كده بتطلعها الحكومة مننا

ج.ع.ع (ولو اني مش عارف يعني ايه بس هو كده وخلاص زي ما توت بيقول:coolgleamA:)

[MohabSaeed]

السلام عليكم ورحمه الله وبركاته
انهردا اتصلت الصبح بالمهندس مجدى اللى عاين العربيه وسألته العربيه هاتتكلف فى حدود كام قالى من 15 الى 20 الف جنيه
طبعا كتييييييييييييييير جدا عاوزة اعرف ايه دور التأمين الاجبارى اللى فرضوه علينا من غير حتى نتيجه ولو الواحد معهوش المبلغ ومأمن يعمل ايه ؟؟ ارجو الافاده

التأمين الاجبارى ده مالوش علاقه من قريب او بعيد بأصلاح السيارات , ده تأمين لصالح للافراد " البنى ادمين " ( بدون تفاصيل كتير ) , عموما محدش بيستفيد بيه نهائى . لانه فعلا مش اكتر من " سبوبه " وبس

[Mzeid]

قدر الله و ماشاء فعل ..
و الحمد لله على سلامة حضرتك و زوجك ..
و فداكم عربيات الدنيا كلها و إن شاء الله العربية هترجع زي الأول ..

[y_rasmi]

الف سلامة عليكم يا اختنا الغالية ..
والله كنت فى غاية الضيق وانا باقرء الموضوع وحاسس باحسساسكم ، ربنا يعينكم ويصبركم ويفك الكرب باذن الله
معلش انا كنت مسافر ولسه قارى الموضوع حالا ..

المهم يا سيدتى اللى اسمعه فعلا ان الجمعية دى فعلا وحشة جدا ولا انصح احد بالتعامل معاها .. هما ان شاء الله حيدفعوا بس اللى سمعته انكم لازم تدوروا على حد فيها واسطة علشان المووع يمشى ... ربنا يعينكم

اما بالنسبة للاتامين الاجبارى بتاع المرور ده فمعلوماتى اللى اظن انها صحيحة لانها صادة من مستئارة شركة تامين .. انه يغطى فقط حوادث الافراد لاقدر الله .. يعنى لو واحد لاقدر الله خط شخص وتوفى ( بعيد عن السامعين ) هنا يظهر التامين الاجبار ويدفع التعويض لاهل المتوفى .. وهو لايشمل حوادث السيارات نفسها - وطبعا الاستاذة اللى قاللتى كده قالت انصح جميع زمايلك انهم مايرموش وثيقة التامين الاجبارى اللى بناخذها من المرور لان بدونها لايتم تغطية تامين حوادث الافراد ..

وربنا يكفينا الشر يا رب
ويجعلها اخر الاحزان ويسترها معانا ومع الجميع

ياسر رسمى - الاكاديمية البحرية

[meramor81]

اخى العزيز ياسر اشكرك جزيلا وعلى فكره انا اقصد بالتأمين الاجبارى يعنى ماختارناش المكان اللى احنا عاوزينه ى التمين والجمعيه دى اتفرضت علينا ولكن التأمين على العربيه طبعاا يعنى هما اللى ملتزمين بتصليح العربيه بس هما خيرونا ياما نصلح تبعهم وماندفعش ولا شى او اذا صلحنا فى التوكيل هانستنى شويه لغايه ماناخد الشيك ونصرفه

[HeMa_LanCeR]

التأمين الاجبارى ده مالوش علاقه من قريب او بعيد بأصلاح السيارات , ده تأمين لصالح للافراد " البنى ادمين " ( بدون تفاصيل كتير ) , عموما محدش بيستفيد بيه نهائى . لانه فعلا مش اكتر من " سبوبه " وبس

ياباشا التأمين الاجباري ده علشان حضرتك لا قدر الله لو خبط واحد الدوله هي اللي بتتحمل تكاليف علاجه لكن بيييجي هنا دور المحامي ويقولك الراجل هياخد 10000 مثلا ويخلص القضيه وانت طبعا تروح موافق بس للأسف الفلوس دي رايحه في جيب المحامي مش الراجل المصاب ويارب اكون قدرت اوصل ايه هو التأمين الاجباري يعني هو لتأمين حياه البشر اللي انت سايق العربيه حواليهم

[abo3bdolrahman]

قدر الله و ما شاء فعل الله يؤجركم فى مصيبتكم و يخلف لكم خيرا منها إن شاء الله معلش أنا مداخلتى متأخرة بس كنت مشغول جدا الفترة اللى فاتت عموما بالنسبة للتأمين هما ها يدفعوا هايدفعوا بس ما أنصحكيش تصلحوا العربية تبعهم أفضل حاجة فى التوكيل و إتحملوا إنكم تدفعوا لحد ما تستلموا الشيك لأنهم فى الغالب لو صلحوا تبعهم بيبقى شغل أى كلام و تلصيم و بيحاولوا يوفروا لأقصى درجة و ده مش لمصلحتكم و ربنا يعوض عليكم إن شاء الله.

[meramor81]

قدر الله و ما شاء فعل الله يؤجركم فى مصيبتكم و يخلف لكم خيرا منها إن شاء الله معلش أنا مداخلتى متأخرة بس كنت مشغول جدا الفترة اللى فاتت عموما بالنسبة للتأمين هما ها يدفعوا هايدفعوا بس ما أنصحكيش تصلحوا العربية تبعهم أفضل حاجة فى التوكيل و إتحملوا إنكم تدفعوا لحد ما تستلموا الشيك لأنهم فى الغالب لو صلحوا تبعهم بيبقى شغل أى كلام و تلصيم و بيحاولوا يوفروا لأقصى درجة و ده مش لمصلحتكم و ربنا يعوض عليكم إن شاء الله.

جزاك الله كل خير اخى الكريم وكفانا وكفاكم جميعاا شر الطرق واحنا فعلا وديناها التوكيل بقالها تقريبا اسبوعين واتصلت امبارح بالمهندس مجدى قالى العربيه هاتتدخل التصليحات انشاء رب العالمين اخر الاسبوع على الله يصدق فى كلامه وقالى كمان قدامها اسبوعين كمان وتخلص واحنا مش هانستلمها الا لما التأمين يحاسب على كل حاجه .

[MohabSaeed]

عربيت حضرتك لونها اسود ؟؟ انا كنت فى التوكيل امبارح وشوفت جين 2 سوده قدام الورشه تقريبا مخبوطه بنفس الشكل .

[tmz9111]

الف حمد لله على سلامت حضرتك وزوجك

[meramor81]

عربيت حضرتك لونها اسود ؟؟ انا كنت فى التوكيل امبارح وشوفت جين 2 سوده قدام الورشه تقريبا مخبوطه بنفس الشكل .

اه فعلا هى لونها اسود وهاتحسها من شكلها اجدد وحده لان لسه الفرش بالكيس اللى عليه والخبطه من قدام كأنها اخدتت بونيه اكيد فعلا هى عربيتنا
يابختك انك شفتها اكيد اتردمت تراب ؟ طمنى عليها