رجاءا الي ملاك واصحاب الخبره في الجن2

[hussien456]

السلام عليكم ورحمه الله بركاته
انا عندي جن2 اوتومتك 2008 استلمتها من اسبوع
ومكسوف جدا وانا بقول ان نص العدادات والزراير بتاعتها مش عارف هي ايه وبتستخدم ازاي وفتحت الكبود بتاعها شفت علبه او طرمبه زيت بس معرفت دي بتاعه الباور ولا الفرامل ولا الفتيس ؟
اتمني من الاخوه الاعذاء الافاضل ملاك الجن2 واللي عندهم وقت يعملوا لنا مواضيع بالصور مبسطه للي زيي مثلا صوره للتابلوه وتحتها شرح بسيط مثلا العداد ده بتاع الحراره والمفروض متذدش عن 90 ولو ذاد يحصل كذا
وصوره للمكونات تحت الكبود وتحتها اسماءها وكلمتين عنها
والف شكر

[ahmedsiyam]

الاخ حسين

شوف على الرغم من ان العربية بسيطة و موش معقدة بالنسبة ليا خالص لانى ركبت عربيات اعقد من كده بكتير و انما برضه يوم ما استلمتها قرأت المانيوال كله بالكامل
نصيحتى لك اقرأ الكتيب اللى جاى مع العربية لانه مهم جدا و هتلاقى كل حاجة بالصور
وانا تحت امرك فى اى استفسار

[hussien456]

شكرا يا استاذ احمد علي ردك انا قريت الكتاب بتاع العربيه كله بس فيه حاجات مش مفهومه اصلي انا فهمي علي قدي وخبرتي قليله كان معايا عربيه تويوتا كريسيدا ايام ماكنت في السعوديه كانت عربيه ممتازه بس كان علاقتي بيها الدركسيون والفتيس والدواسات يعني بسوق كويس وخلاص غير كده ماعنديش فكره عن اي حاجه فيها
وبالرغم ان الجن2 بسيطه ومش معقده ابدا من وجهة نظر حضرتك الا ان فيه اخت في المنتدي هنا كانت بتسال عن الباب بيتفتح ازاي كان مقفول بقفل الامان وفضلت فتره كبيره مش عارفه مكان القفل رغم انها اكيد قرات الكتاب مش عارف حضرتك فهمت قصدي ولا لا عايز اقول ان الشرح من اعضاء المنتدي هنا اسهل واوضح

[AhmedGen2]

يا اخ حسين حضرتك معاك مانيوال فيه كل حاجة بالصور والخطوات محتاج ايه تانى؟ ، اقرا الكتاب وامشى مع الخطوات وهتلاقى كله سهل.

[ahmedsiyam]

يا اخ حسين لو فى نصيب تعال مقابلة اعضاء المنتدى الجمعة 20/8/2008 و هاقابلك و اشرحلك اللى انت عايزه كله و لو عايز قبل كده ابعتلى على الخاص و نرتب ميعاد و اقابلك اشرحلك اللى انت عايزه الموضوع سهل جدا و العربية ان شاء الله بسيطة و هاتعجبك الكماليات بتاعتها