يا ريت حد يساعدني في الجين تو

[matrix232]

مساء الخير انا عضو جديد في المنتدي و بصراحة عجبتني موضوعاتكم جدا عن الجين تو و كمان واضح انكم خبراء فيها . انا طبعا نفسي انضم لمالكي الجين تو و في واحدة بخلص فيها بس كنت عايز اسال شوية حاجات
1- كم تكلفة الكشف علي السيارة المستعملة في مركز الخدمة و ايه اللي بيتكشف عليه بالظبط
و هل التقرير اللي بيطلع بيبين حالة الموتور و اتفتح ولا لا حتي لو برة مركز الخدمة .
2- ايه مكونات شنطة العدة اللي بتكون مع العربية
3 - لو العربية موديل 2007 و عاملة 135000 كيلومتر هل دعه يأثر علي كفائة الموتور حتيي لو بيتعمل الصيانات الدورية في ميعادها
4- هل يوجد مراكز خدمة تانية بتكشف علي العربية زي مركز خدمة التوكيل

[matrix232]

ايه يا جماعة انتو فين افيدوني افادكم الله

[cannon]

مساء النور عليك
انا مش عارف اجابات محدده لسؤالك بس هحاول اقول
1-تقارير الكشف عند اى وكيل غالبا كلها زى بعض كشف موتور-شاسيه- كهرباء
رقم الهوتلاين لبروتون هو 01117872000
انت ممكن تعرف تفاصيل منهم .. طبعا مش عارف اسعار --توكيل كيا كان فى حدود 350 جنيه
2- الحمد لله انا لسه مستعملتش شنطه العده بس لما استلمت فاكر ان كان فيها (كوريك- مفتاح لف - حديده جر تركب فى الاكصطدام -حاجه كمان ) هما كانوا كلهم فى شنطه سودا صغيره
3-موديل 2007 يعنى 5 سنين يعنى غالبا مش هتقل عن 100 الف المهم اللى سايق كان بيسوق ازا ى
4- مركز عصام صفا

اتمنى حد يكون عنده خبره اكتر و يديللك اجابات اوفر
بالتوفيق

[a7mad_mo7amad6]

انصحك تكشف هند عصام وصفا انا كشفت هناك تثريبا كان ب 270 جنيه هو بيعملك تقرير كامل ويعرفك اذا العربية كانت عامله حادثة لقدر الله
انا لما كنت بشتري كنت ببص الصراحة على عدد الكيلومترات وشايفها مهمة اوي وانا شايف 135 الف كتير

[matrix232]

شكرا يا كانون علي اهتمامك و العربية حالتها كويسة انا جربتها عفشتها حلوة جدا و الكهرباء كل زرار شغال و و الشكمان بيجيب نقط ميه و صوته كويس . بالنسبة للسواقة هيا كانت مع واحده اجنبية و الكيلومتر الكتير علشان كانت بتنزل بيها من اكتوبر كل يوم لشبرا علشان الشغل.
كمان اللي بص علي العربية دي ميكانيكي شغال في مركز الخدمة بتاع عز العرب و عارف الهيستوري بتعها و هيا لسة عاملة صيانة ال 120 عنده

[matrix232]

شكرا يا استاذ احمد علي النصيحة الغالية و ان شاء الله ربنا يعمل اللي فيه الخير

[S O P H O S]

انا شايف ان العداد كتير
وجهة نظر شخصية

[elmadawy]

بخصوص الاجابة علي سعر الكشف علي السيارة في التوكيل كنت من كام يوم في التوكيل والسؤال ده كان علي بالي وسالت علية والسعر في حدود 450 جنية ويعططيك تقرير كامل عن السيارة من جميع النواحي

[sabregas2010]

العداد مش مهم لكن المهم حالة العربية لان ممكن تكون المشاةير قليلة لكن طويلة وده يخلى العداد عالى لكن مش مقياس وربنا يوفقك

[amrelsha3er]

والله انت تكشف عليها وترفعها ويدولك تقرير عنها مفصل باداء العربيه وعفشتها وموتورها انا عن نفسى بهتم اوى بالكيلومتر لان فى عربيات بتبقى موديل تسعين وتلاقى الكيلو متر بتاعها مش معدى 100الف وبيطلبو مبلغ وده من حقهم لان العربيه بتبقى مش متهانه وممشيتش كتير وبحالتها بس يمكن فى حالتك لو محافظه على العربيه وصيانات دوريه واهتمام يبقى ربنا يباركلك فيها رغم ان فى ناس كتير قالت2007لا برضو اكشف وشوف
بالتوفيق

[matrix232]

والله يا جماعة انا متشكر جدا علي ردودكم و انا بس عايز حد يسعر العربية هيا محتاجة وش نضافة تحت بس