كلمة طبيعي بتنرفزك؟

[eng.m7md.ali]

كل مااروح التوكيل واشتكي من عيب معين اسمع كلمة طبيعي
اول تجربة كانت مع المهندس سيد لما كنت بشتكي من اصوات في التابلوه وسمعت كلمة "طبيعي" منه ودي كانت البداية
تاني تجربة كانت في استهلاك البنزين وعملنا الاختبار بتاع التفويل و 100 كيلو رايح جاي والنتيجة طلعت12 - 13 لتر في ال100 وكانت العربية لسة زيرو تقريبا بس مش فاكر المهندس اسمه ايه وقالي ده استهلاك "طبيعي"
تالت تجربة كانت مع المهندس احمد سامي بسبب صوت من المقص الشمال قدام روحت كشفت عليه برة قبل مااروح واتضح ان بيض المقص فيه حاجة
المهم كلمته قولتله نطلع نجرب الصوت قالي ماشي .. طلعنا وسمعنا الصوت ورده ان الصوت ده طبيعي .. قولتله اكشف على المقص واتضح ان المقص فيه مشكلة وغيرته ضمان
طبعا سمع مني احلى كلام وده سبب خناقة بيني وبينه وزعيق في التوكيل بسبب كلمة طبيعي دي
رابع تجربة وكانت مع مهندس مبتدأ اسمه مصطفى صلاح وده لسة جديد او مرة اشوفه
المهم كنت بشتكي من صوت في مكنة الازاز لما الازاز بيكون تحت على الاخر ويتحرك بيبقى فيه صوت طقة باينة اوي وكمان اما يتقفل على الاخر بسمع صوت تزييق
سمعته الصوت وقالي طيب تعالى نجرب في عربية واجا تانية
المهم بنجرب مسمعناش اي حاجة ... رده عليا ان الصوت دي طبيعي .. طبعا قولتله كلمة اعتراضية كبيرة جدا وبردو خناقة وزعيق بسبب اسلوبه المستفز في الكلام

كلمه احب اقولها للتوكيل الجميل ده
مدام حاجة مش مريحاني في العربية والعربية لسة في الضمان اروح لمين يحل المشكلة او يغيرها؟
كمان لو انا بشتكي من حاجة ورد المهندس في التوكيل بكلمة " طبيعي " يبقى انا ليه من البداية بشتكي الا لو انا شايف ان فيه حاجة غلط
كمان التوكيل محسسني ان اي قطع غيار هتتغير في الضمان هتتحسب عليه هو .. بالعكس القطعة دي بترجع لبروتون ماليزيا بدون اي تكلفة على التوكيل

ارجوكو احترمو عقولنا وكفايا لحد كدة
اشتكيت في حماية المستهلك مش نافع
اشتكيت في التوكيل نفسه مش نافع
اشتكيت لبروتون ماليزيا بردو مش نافع
بجد حرااااام كفايا كدة

[د.هشام]

انا مش عارف انت زعلان ليه!, ما هو دا طبيعي

[S O P H O S]

امر طبيعي- جداا من التوكيل ده

[amrelsaqqa]

هههههههههههههه كل اللى هيرد هيقوللك طبيعى :d

[mohamed_e36]

طبيعي ههههههههه

[amrelsha3er]

iههههههه انت كده هتخلوه يروح التوكيل ويولعلهم فى العربيه قدامهم والله يافيلكس كلامك ده بيخلينى اتردد ادبس مع الناس واجيب بروتون:S:S:S

[kimo-nubira]

اشرب طبيعي تتكلم طبيعي

[Al-Farooq]

دة مش طبيعي :d
==
انت شخصياً تدخل الباشمهندس آمر علطول ، وتحاول هو اللى يستلم منك العربية xD

[saint2011]

ولا تزعل نفسك يا فليكس باشا برضه تروح للمهندس أمر وتعرض كل مشاكلك وبإذن الله تتحل وطبيعى طبيعى طبيعى كله يكون كويس هههههههههههه

[Abdelrahman.H]

إنت اللي عامل كده في نفسك يا فيليكس .... الواحد لما يكون في حاجة في حياته مضايقاه قوي كده بيحاول يتخلص منها .... زي ما قولتلك قبل كده ... بيعها يا فيليكس و ريح دماغك .... هو ده التصرف ( الطبيعي ) في موقف زي ده

[shakshak2011]

أنا رأيى من رأي عبد الرحمن .. علشان تقدر تعيش طبيعى

[eng.m7md.ali]

هههههههههههههههههههههههههههههههههه
والله ضحكتوني يا جماعة
احكولي بقى للي اتعاملو مع التوكيل ايه اخبار كلمة طبيعي معاكو
وهل حصل مشاكل منها ولا انا بس اللي معايا المشاكل والخناقات دي ؟ :))

[SHNORY]

ماهي الهندسه سهله اهيه
امال الناس تاعبه نفسها بدراسه وقرف ووجع قلب ومصاريف ليه
ههههههههههههههههههههههههه

[scorpion960]

يمكن قصدهم غاز طبيعى هههههههههههههههههههههههههههههههههههههههه

[shakshak2011]

أنا طلعت من الضمان يا عم و هنطلق .. و مش هسمع كلمة طبيعى ديه تانى