فيه صوت في الدريكسيون

[a_nesta13]

بسم الله الرحمن الرحيم

الاول انا الحمد لله لسه جايب عربيه جين 2 اوتو جديده من حوالي 15 يوم
والعربيه الحمد لله كويسه جدا
وعلي فكره للناس اللي بتقول ان الجين 2 بتاكل بنزين الكلام ده مش مظبوط خالص وده عن تجربتي الشخصيه
وانا ساكن في مصر القديمه جنب جنينه الفسطاط وشغلي عند سوق العبور علي طريق مصر الاسماعيليه وانا باخد طريق صلاح سالم كله هانقول الصبح بيبقا فاضي طيب وانا راجع والناس كلها عارفه صلاح سالم الساعه 4و5 بيقا عامل ازاي
وانا فولت مرتين تقريبا 43 لتر وكانت بتعمل حوالي 475و490 كيلو
وكمان عداد الرحلات اللي بيحسب متوسط الاستهلاك كان بيقول 7 لتر

علي العموم انا عندي استفسار عاوز اسئل عليه انا ساعات بيظهر عندي صوت وانا بحود بالدركسيون ومش بكسر الدركسيون لللاخر ومش عارف الصوت ده من ايه فياريت لو حد عارف الصوت ده من ايه يقول عشان انا خلاص هاعمل صيانه ال 1000

وتجربه شخصيه وانا رايح ارخص العربيه كنت ماشي علي الدائري الصبح وطبعا كعاده سواقين النص نقل البهايم اللي بيمشوا في حته
المهم وانا ماشي في الحاره الشمال اللي هيا اسرع حاره في الطريق(المفروض) لقيت عربيه 127 جايه من اقصي اليمين لاقصي الشمال قدامي وبتقف وبعدها علي طول لقيت نص نقل بتعمل نفس الكلام وطبعا بالعافيه لحقت اقف بس للاسف عربيه (شاهين) لبست فيا من ورا لبسه حلوه اوي
انا قولت خلاص مفيش ترخيص كده
المهم انا نزلت اشوف اللي جري في العربيه ورجلي مش عاوزه توصلني هناك وطبعا اول حاجه هاتشوفها بما ان الخبطه من ورا الخبطه اللي في الربيه اللي وراك
ولقيت الرفرف الشمال بتاع السواق حصل فيه حاجات غربيه اتطبق وبقا شكله عامل زي الهرم
روحت قايل امال انا هايبقا عندي ايه اما ده شاهين وحصل فيه كده
وكانت الفاجأه مالاقيتش غير شرخ في الاكصدام ومكنتش مصدق نفسي طبعا زعلت جداااااااااا لان العربيه جديده بس قولت الحمد لله
وروحت فكيت الاكصدام عشان الحمه لقيت علبه حديد تحت الاكصدام هيا اللي خدت الخبطه ومكانش مطبق اوي كمان وقولت فعلا ديه عربيه امان الحمد لله

وعشان مطولش عليكوا اوي انا محتار اعمل الصيانه فين في الوكيل ولا عصام صفا

ياريت حد يرد علي الاستفسار بتاعي اللي في اول الموضوع

[saint2011]

ربنا يباركلك فيها ويديك خيرها ويكفيك شرها حضرتك تعمل الصيانة فى عصام وصفا أفضل لأنه هيكون فى طريق شغلك خلف السندباد وتقوله على كل شىء حضرتك بتشتكى منه فى العربية وكل ملاحظاتك عنها وربنا يستر طريقك

[a_nesta13]

شكرااااااااااااااا لاهتمامك

[aliabdo]

لو الصوت ده عباره عن خبطه انك اخدت مطب و تحس بيه اكتير فى ناحيه الدريكسيون تبقى العربيه عايزه تعديل فى علبه الدريسكون و دى ببتعمل على حساب التوكيل فى الضمان

[amrelsha3er]

ممكن يكون علبه الدركسيون زى ماناس كتير غيرتها فى الضمان زى ماعلى قال كده
انا شايف انك تروح عصام وصفا ورا السندباد مهندس عصام رجل محترم وناس عارفه بتعمل ايه احسن ليك من ابو رواش بكتير وكفايه المشوار لوحده
عقبال كده صيانه ال100الف انشاء الله وربنا يستر طريقك:)

[a_nesta13]

لو الصوت ده عباره عن خبطه انك اخدت مطب و تحس بيه اكتير فى ناحيه الدريكسيون تبقى العربيه عايزه تعديل فى علبه الدريسكون و دى ببتعمل على حساب التوكيل فى الضمان

هوا الصوت عباره عن زنه كده وانا بلف الدريكسيون بس مش موجود دايما بحس بيه تقريبا لما ابقا لسه نازل الصبح
مش عارف ممكن عشان الزيت بارد ولا ايه(انا عارف ان انا بفتي بس تعمل ايه في الشعب المصري)
يعني الصوت مش موجود دايما

[mido_soliman]

الزنة دى زيت الطرمبة لو الصوت بيظهر فى الاول وبيختفى لما تسخن يبقى علشان الدنيا لسة جديدة لو الصوت بيظهر معاك بعد مشوار سخن وانت بتحضن مثلا وواقف بتلف الدريكسيون وصمعت الزنة دى يبقى طرمبة باور
عموما فى الحالتين الصوت دة عبيط متشغلش نفسك بية لانة ملوش تاثير غير الصوت

[a_nesta13]

الزنة دى زيت الطرمبة لو الصوت بيظهر فى الاول وبيختفى لما تسخن يبقى علشان الدنيا لسة جديدة لو الصوت بيظهر معاك بعد مشوار سخن وانت بتحضن مثلا وواقف بتلف الدريكسيون وصمعت الزنة دى يبقى طرمبة باور
عموما فى الحالتين الصوت دة عبيط متشغلش نفسك بية لانة ملوش تاثير غير الصوت

والله انا مش متأكد بس هاتابع كويس وارد عليك

[D . a .\ AYMAN]

الف مبروك عليك وربنا يحفظهالك ويرزقك خيرها ويحفظك من شرها

أنا فعلا عندي استهلاك البنزين تقريبا زي عند بس لسة ما حسبتش بالضبط

بالنسبة للصوت معرفش ... فمش هـافتي مع إني مصري