محتاج مساعده ضرورى فى سعر جين 2 حاليا

[mina_888]

اولا بشكر اعضاء المنتدى المحترمين اللى فعلا بسبب مواضيعهم فكرت جديا فى جين 2
مع انى قلقان من موضوع قطع الغيار دا لانى هجبها تقسيط 5 سنين
بس اطمنت شويه ان فى محلات برا التوكيل و اسعارها مش مبالغ فيها

فا طلب من الاعضاء الكرام
1/ انا عاوز افضل سعر لجين 2 مع العلم انى من المنصوره و لو حتى القاهره هيكون السعر افضل كتير اوك
2/ عاوز اعرف افضل شركه تأمين اتعامل معاها و نسبتها كام تقريبا
و شكرا جدا لتعاونكم يا احلى منتدى و احسن اعضاء

[koheya]

اسال فى موضوع التامين دة .على حسب معلوماتى انة حرام.

[amrelsha3er]

حضرتك بتسال على السعر؟؟انت هتجيبها زيرو زى مانا فاهم!هى سعرها حاليا بقى 89 وممكن يتعملك خصم فى الف جنيه تبقى 88ده بالنسبه للمانيوال لانى كنت لسه سائل عليها وغالبا المعارض تقريبا سعرها واحد انت خليك مع الوكيل او اباظه
وبالنسبه للتامين التامين مع اباظه كويس جدا ونسبته قليله وخدماته مميزه عن اى حد تانى
ربنا يكرمك وتنال العربيه قريبا انشاء الله
بالتوفيق

[amrelsha3er]

هو هيجبها قسط ياباشا تامين اجبارى لازم لا مفر

[mina_888]

طب يا جماعه انا عاوز نصيحتكم ضرورى لانى هخلص الاسبوع دا
افضل سعر كام ؟؟؟؟ و هى افضل و لا فيرنا لانى هجيبها تقسيط و حوار قطع الغيار دا مديقنى لان الكل بيقول غاليه جدا
و عاوز رأيكم فى افضل شركه أأمن فيها

[mohamed5800]

بص قطع الغيار غالية بالنسبة للفيرنا يعنى تيل الجين تو ب140 فاعتقد الفيرنا ب60 او ما شابة ذالك لو انت قلقان خليك فى الفيرنا لانك هتلاقيلها كل حاجة ورخبصة انما الجين 2 فى حاجات هتخليك تتعب اوى من قلتها فى السوق والتوكيل

[amrelsha3er]

لو مش معجب بالعربيه وعارف مميزاتها ومستعد تضحى بالعيوب هاتها
واقرا المستندات اللى هنا منمميزات وعيوب السياره
والقرار قرارك...العربيه مبيركبهاش الا اللى غاويها لانها ركوبه وملاكها بيقابلو مشاكل لامفر بس حاجه قصاد حاجه ومفيش عربيه خاليه من العيوب

[amrelsha3er]

لو معجب مش لو مش معجب(غطله مطبعيه):d

[mina_888]

طب اسعار قطع الغيار برا التوكيل لو امكن

[Al-Farooq]

مينفعش تقارن فيرنا بجين ، عيب وحرام وبتغلط فينا :d
دي فئة خلاف التانية خالص ، ودي ركوبة ودي ركوبة تانية خالص
سعرها فى دول تانية بثمن الكرولا ، بس هنا بيبعوا لك السمعة ,,,
==
بالنسبة للسعر ، على حسب معلوماتي فى الكاش ممكن ينزل 900 جنية
بالنسبة للتقسيط معنديش خلفية ، إن شاء الله الاخوة يفيدوك.
وبالنسبة لقطع الغيار فى التوكيل ، المشكلة فى الحوادث لقدر الله ، ممكن تلاقي حاجات ناقصة ، بس بتلاقيها فى الحرفيين ودمشق ومحلات قطع الغيار
أما قطع الغيار الدورية متوافرة فى التوكيل بدون مشاكل
العربية مع اغلب الاعضاء مفيش غير الصيانات الدورية من سنيين
مع الاعتراف بوجود بعض المشاكل مع بعض الاعضاء