الفرامل في الأرض تقريبا ال abs فصل

[abdohod]

واجا 2006 بريميم - إمبارح وبدون مقدمات بدال الفرامل وطي جدا --- ومبقتش احس بال abs في بدال الفرامل زي الأول - اللي عنده abs أكيد هيفهمني - ياترى من إيه --- أرجوا الإفادة

[mido_soliman]

بصيت على منسوب الزيت فى علبة الباكم ؟؟؟؟
لو منسوب الزيت قل يبقى حضرتك غاليا خرطوم من خراطيم الباكم فية قطع او تسريب ودخل هوا وهوة دة اللى وطى رجل البدال ولازم لازم تغير الخراطيم باسرع وقت ان كان العيب منها متمشيش بالعربية كدة

لو منسوب الزيت كويس ومفيش اى تسريب بص على التيل
وان كنت اتوقع ان العيب من التصور الاولانى

تحياتى ومستنى تطمنا ان شاء الله

[ibn_seena]

ايوه انا بتحصلي ساعات في الكورولا وبترجع تظبط تاني فعلا بحس ان في حاجه فاصله في العربيه وبتزحف بسرعه
ومش بتديق ثقه وانت ماشي بيها. دا ايه ؟ علمي علمك !
بس التيل عندي سليم

[tutankhamoun]

بصيت على منسوب الزيت فى علبة الباكم ؟؟؟؟
لو منسوب الزيت قل يبقى حضرتك غاليا خرطوم من خراطيم الباكم فية قطع او تسريب ودخل هوا وهوة دة اللى وطى رجل البدال ولازم لازم تغير الخراطيم باسرع وقت ان كان العيب منها متمشيش بالعربية كدة

+11111111111111

البدال مش هاينزل قوي حتى لو كان العيب في التيل ...

إنما زيت الفرامل لو فيه تسريب هو اللي يعمل كدا

لازم تكشف عليها حفاظا على حياتك و حياة من على الطريق معاك

[abdohod]

يا جماعة العيب طلع تقريبا يضحك
أحدهم زودلي علبة زيت الباكم بزيت باكم بس يبدوا انه كان ثقيل ووقف في مواسير الزيت ...
بعد السؤال .... قمت بنفسي بفك الأواكير بتاعة الأربع عجلات لخروج الزيت لمدة 30 ثانية من كل عجلة والدنيا بقت تمام .... وشكرا ع الاهتمام