عالم بروتون

[h_e_e]

زي مانتو شايفين انا لسا داخل العالم دة من يومين انا كان معايا فيرنا 2010 و دلوقتي جبت جين تو 2006 عااملة 49 الف كيلوز بصراحة شتاااان الفرق!!! انا ادمنت البروتون مبقتش عايز اروح عايز اسوق اسوق اسوق
المهم ليا كام سؤال كدة
1-المالتي بيهيس و سعات يشتغال كويس اعملو اية دا
2- الزرار بتاع الي بيعلي و يوطي مستوي نور الفانوس مبيعملش حاجة خالص مع العلم ان في لمبة محروقة و المشكلة الاكبر ان معنديش عالي و واطي انا يدوب بفتح و حتا لو جبت الدراع نحيتي مفيش فرق خالص!!
و لو عايز اجيب لمبات كويسة اجيب منين و بكام
3- كاوتش العربية الي بينزل فيها مفروض اغيرة علي كام كيلو عشان مقلق منو قوي و الكاشات فل نازل اليومين دول
4- العربية بتحدف مني يمين مفروص ارصص بقي و اظبط زوايا ؟؟؟ و لو كدة اعملهم فين في مدينة نصر؟
5- مفروض دلوقتي اغير زيت فتيس و ماتور و فلتر زيت انا عايز حاجة 50000 عاشاان سعرها حنين اجيب انواع اية بظبط
6- العربية بتاكل بنزين بطرقة غريبة ايه حلها!! و ال ار بي ام بيوعود يطنطط لوحدو يعلي و يوطي كدة بس او بيرعش ب معني اصح
7- بحس ان اعربية بترعش علي ار بي ام 800 بس بعد كدة مفيش رعشة
معلش طولت عليكو بس معلش انا لسة جديد

[mido_soliman]

زي مانتو شايفين انا لسا داخل العالم دة من يومين انا كان معايا فيرنا 2010 و دلوقتي جبت جين تو 2006 عااملة 49 الف كيلوز بصراحة شتاااان الفرق!!! انا ادمنت البروتون مبقتش عايز اروح عايز اسوق اسوق اسوق
المهم ليا كام سؤال كدة
1-المالتي بيهيس و سعات يشتغال كويس اعملو اية دا

محتاج تنضيف بتجيب منظف الكترونيات جااااااااااااااف من عند اى حد بتاع الكترونيات هوة بيبقى علبة صفيح كدة وليها زى شفاطة رفيعة اوى بتدخلها بين البلاستيكة اللى فيها المالتى وتبخ بختين اهم حاجة يكون جااااااااف مش ساءل وان شاء الله تظبط لو مظبطش يبقى محتاج يتغير

2- الزرار بتاع الي بيعلي و يوطي مستوي نور الفانوس مبيعملش حاجة خالص مع العلم ان في لمبة محروقة و المشكلة الاكبر ان معنديش عالي و واطي انا يدوب بفتح و حتا لو جبت الدراع نحيتي مفيش فرق خالص!!
و لو عايز اجيب لمبات كويسة اجيب منين و بكام

لو الفوانيس الفبريكة يبقى الموتور غالبا محروق دة بالنسبة للزرار لو متغير الفوانيس يبقى مفيهاش موتور اصلا وبالتالى الزرار ملوش لازمة
بالنسبة للمبات هات اوسرام نايت بريكر h4 انت عندك العالى والواطى على لمبة واحدة وتمنها فى حدود 120 جنية المانى اصلى بس ممتازة جدا حتدعيلى

3- كاوتش العربية الي بينزل فيها مفروض اغيرة علي كام كيلو عشان مقلق منو قوي و الكاشات فل نازل اليومين دول

الكاوتش يتغير على 50 الف حسب حالتة اهم حاجة انا مغير على 40 بس لسبب ان حصل قطع فى واحد فغيرت الطقم والانواع كتير والاسعار متفاوتة لازم تنزل تلف لفة

4- العربية بتحدف مني يمين مفروص ارصص بقي و اظبط زوايا ؟؟؟ و لو كدة اعملهم فين في مدينة نصر؟

تظبط زوايا عند حد بيفهم وتروحلة حتى لو فى الصين واللى يقولك زرجينة سيبة وامشى موضوع الترصيص ملوش علاقة بالحدفة الا لو كانت العربية بترعش منك على سرعة من اول 80 وانت طالع الدريكسيون بيرعش يبقى محتاج ترصيص مكان زوايا فى مدينة نصر معرفش الصراحة

5- مفروض دلوقتي اغير زيت فتيس و ماتور و فلتر زيت انا عايز حاجة 50000 عاشاان سعرها حنين اجيب انواع اية بظبط

زيت فتيس اوتو موبيل 320 دة محترم اوى او ممكن تجيب ليكوى مولى atf 111 وزيت موتور بردة انا بستخدم ليكوى مولى ال 10000 5-w40 او كاسترول ايدج او فالفولين المهم تجيب زيت مستورد متجيبش حاجة معبئة محليا زى موبيل وشيل لان راحت عليهم وجودتهم اقل من المستورد حاليا
حجات ال40 الف باة علشان تغيير الزيوت اللى بيتم الاتى
تغير زيت فتيس
زيت باور
مية ريدياتير
زيت موتور
فلتر هوا
بوجيهات
فلتر زيت موتور
فلتر بنزين
تربيط عفشة
تغيير بوجيهات
مراجعة على كهربة وسوابل العربية
الصيانة دى مهمة ويفضل تتعمل فى عصام صفا جنبك عند السندباد كدة

6- العربية بتاكل بنزين بطرقة غريبة ايه حلها!! و ال ار بي ام بيوعود يطنطط لوحدو يعلي و يوطي كدة بس او بيرعش ب معني اصح

اكل البنزين دة راجع ان العربية غالبا عايزة بوجيهات وتنضيف الفلاتر وتغيير الزيوت من الاخر بعد صيانة ال 40 اللى متعملتش اللى هية ال 50 يعنى دلوقتى العربية حتتظبط وتفوق على الاخر وبالنسبة لموضوع الار بى ام والرعشة دة فى الصيانة قولهم عايز تنضف بوابة الهوا وكلة حيبقى تمام

7- بحس ان اعربية بترعش علي ار بي ام 800 بس بعد كدة مفيش رعشة
معلش طولت عليكم بس معلش انا لسة جديد

انت تامرنا ومبروك عليك العربية وبعد الصيانة حتحس اكتر بالعربية اللى انت راكبها شوف انت قبل الصيانة بتقول الفرق بينها وبين الفرنا اية بعد الصيانة حتقول كلام تانى خالص
تحياتى

[h_e_e]

انت تامرنا ومبروك عليك العربية وبعد الصيانة حتحس اكتر بالعربية اللى انت راكبها شوف انت قبل الصيانة بتقول الفرق بينها وبين الفرنا اية بعد الصيانة حتقول كلام تانى خالص
تحياتى

شكرا يا كبيييير بس معلش قولي اجيب منين السبراي دة هو و اللمبات و اظبط زوايا فيين ان شاللة لو فل جيرة علشان بنزل كتير المهندسيين و كمان الزيت اجيبو منين انا خايف انو يبقي مضرووب
هو ممكن اصبر شوية علي فلتر الهوا و فلتر البنزين و اغيرهم عن 60 و انظفهم دلوقتي مسلن؟
انا دورت علي محلات قطع غيار لقييت المدينة في شارع دمشق بس انا معرفش فيين شارع دمشق دا؟؟
شكراا :)

[h_e_e]

شكرا يا كبيييير بس معلش قولي اجيب منين السبراي دة هو و اللمبات و اظبط زوايا فيين ان شالله لو فل جيرة علشان بنزل كتير المهندسيين و كمان الزيت اجيبو منين انا خايف انو يبقي مضرووب
هو ممكن اصبر شوية علي فلتر الهوا و فلتر البنزين و اغيرهم عن 60 و انظفهم دلوقتي مسلن؟
انا دورت علي محلات قطع غيار لقييت المدينة في شارع دمشق بس انا معرفش فيين شارع دمشق دا؟؟
شكراا :)

معلش انا قصدي زيت 5000 مش خمسيين

[h_e_e]

و 120 لللمبة الواحدة؟؟؟؟

[yosfi]

شكرا يا كبيييير بس معلش قولي اجيب منين السبراي دة هو و اللمبات و اظبط زوايا فيين ان شالله لو فل جيرة علشان بنزل كتير المهندسيين و كمان الزيت اجيبو منين انا خايف انو يبقي مضرووب
هو ممكن اصبر شوية علي فلتر الهوا و فلتر البنزين و اغيرهم عن 60 و انظفهم دلوقتي مسلن؟
انا دورت علي محلات قطع غيار لقييت المدينة في شارع دمشق بس انا معرفش فيين شارع دمشق دا؟؟
شكراا :)

بص ياباشا انا ساكن فى مدينة نصر ومعايا جين 2 2010 وجيبت الزيت من عندنا هنا فى مدينه نصر (زيت الكاسترول ) واحسن اتنين بيظبطوا زوايه عندنا هنا بنزينة موبيل الحى التامن واشرفكو بتاع الجنوط اللى فى السادس مجرب عندهم عربيتى وعربيه تانيه هيواندى نيو اكسنت والحمد لله زى الفل الاتنين انا كان عندى الطاره حدفه يمين عدلتها بتخلى العربيه تحدف يمين والحمد لله اتحلت بعد ظبط الزوايا....لو احتجت اى حاجه تحت امرك...

[mido_soliman]

بص ياباشا انا ساكن فى مدينة نصر ومعايا جين 2 2010 وجيبت الزيت من عندنا هنا فى مدينه نصر (زيت الكاسترول ) واحسن اتنين بيظبطوا زوايه عندنا هنا بنزينة موبيل الحى التامن واشرفكو بتاع الجنوط اللى فى السادس مجرب عندهم عربيتى وعربيه تانيه هيواندى نيو اكسنت والحمد لله زى الفل الاتنين انا كان عندى الطاره حدفه يمين عدلتها بتخلى العربيه تحدف يمين والحمد لله اتحلت بعد ظبط الزوايا....لو احتجت اى حاجه تحت امرك...

+1111111111111111

[mido_soliman]

و 120 لللمبة الواحدة؟؟؟؟

ال 2 الطقم يعنى وبيجى فى علبة بلاستيك
تجيبهم منين عند اى حد بتاع كماليات سيارات محترم فين عندك شارع دمشق مثلا او اى حد كويس جنبك

[h_e_e]

بص ياباشا انا ساكن فى مدينة نصر ومعايا جين 2 2010 وجيبت الزيت من عندنا هنا فى مدينه نصر (زيت الكاسترول ) واحسن اتنين بيظبطوا زوايه عندنا هنا بنزينة موبيل الحى التامن واشرفكو بتاع الجنوط اللى فى السادس مجرب عندهم عربيتى وعربيه تانيه هيواندى نيو اكسنت والحمد لله زى الفل الاتنين انا كان عندى الطاره حدفه يمين عدلتها بتخلى العربيه تحدف يمين والحمد لله اتحلت بعد ظبط الزوايا....لو احتجت اى حاجه تحت امرك...

ربنا يخليك يا باشا انا هاحاول اروح اشرفكو دة

Mido_soliman شكرا ياباشا :)

[amrelsha3er]

انت تامرنا ومبروك عليك العربية وبعد الصيانة حتحس اكتر بالعربية اللى انت راكبها شوف انت قبل الصيانة بتقول الفرق بينها وبين الفرنا اية بعد الصيانة حتقول كلام تانى خالص
تحياتى

الله ينور عليك ياميدو باشا يمتالق منور المنتدى بمشاركتاك الذهبيه:)

[S O P H O S]

الف مبروك يا باشا
وربنا يباركلك فيها ..

[moh_faheem]

ما قولتش يا باشا
العربية اشتريتها بكام
علشان انا عاوز اشترى واحدة

[h_e_e]

انا شاريها 2006 عاملة 49000 كيلو ب 57000 ها سعرها حلو؟؟ هو بصراحة عدد كيرواتها حيلو اوس بس هتجيبها لسة تعملها سيرفس و كاوتش :s :s :s

[fedo171]

انا عندى سوال محيرنى ازاااااااااى موديل 2006 وعامله 49000 الف كيلو بس ؟؟؟؟؟؟
هوه دا طبيعى ياجدعان

[h_e_e]

لا مش طبيعي انا كنت خايف تن الراجل يبقي قالبلها عداد بس معتقدش عشان الكاوتش الاصلي لسة فيها و كمان التيل و فواتير التوكيل بالتواريخ