سؤال مهم جدا

[asd_asd]

السلام عليكم ورحمة الله وبركاته
كان عندى سؤال بخصوص السياره(Proton Savvy )ليه السياره دى مش موجوده فى السوق مع انها شكلها جميل وفى ناس كتي بتحب النوعيه دى من السيارات وممكن ان السياره دى تكون منافس قوى لسيارات اللى من نفس الفئه بتعتها ليه التوكيل مينزلهاش انا اتمنى ان اى حد عنده معلومه عن نزول السايره دى فى سوق يقولنا او اى حد يعرف اى شخص فى التوكيل يسال ليه التوكيل مش بيجبها السوق المصرى ...وشكرا

[tutankhamoun]

العربية نزل منها 3 عربيات بس .
و ما باعتش علشان غالية قوي على حجمها و اسمها في السوق المصري .
و العربية دي موجودة من فترة من 2006 تقريبا و لكن بتتباع في أنجلترا و ماليزيا طبعا بس من الموديلات اللي مطلوبة في أنجلترا لماركة بروتون علشان موضوع توفير البنزين .

ده السبب ......... السعر .

[eng.m7md.ali]

اصله لو جاب عربية زي دي هيكلف نفسه اعلانات
خليه هو اصلا فرحان بال3 عربيات اللي بيبعهم

[asd_asd]

شكرا للناس اللى رديت عليه

[D . a .\ AYMAN]

العربية نزل منها 3 عربيات بس .
و ما باعتش علشان غالية قوي على حجمها و اسمها في السوق المصري .
و العربية دي موجودة من فترة من 2006 تقريبا و لكن بتتباع في أنجلترا و ماليزيا طبعا بس من الموديلات اللي مطلوبة في أنجلترا لماركة بروتون علشان موضوع توفير البنزين .

ده السبب ......... السعر .

مش فاهم أنا إزاي عربية تكون منتشرة في انجلترا بسبب موضوع توفير البنزين .. وتكون مالهاش سوق في مصر اللى هي أكثر احتياجا لتوفير لتوفير الوقود من انجلترا ... حاجة غريبة فعلا في المستهلك المصري ... انما هي سعرها كام أصلا في مصر لما نزلت وإيه مواصفاتها

[tutankhamoun]

شكرا للناس اللى رديت عليه

العفو يا باشا على أيه .

مش فاهم أنا إزاي عربية تكون منتشرة في انجلترا بسبب موضوع توفير البنزين .. وتكون مالهاش سوق في مصر اللى هي أكثر احتياجا لتوفير لتوفير الوقود من انجلترا ... حاجة غريبة فعلا في المستهلك المصري ... انما هي سعرها كام أصلا في مصر لما نزلت وإيه مواصفاتها

مشكلة مصر أننا بنبص على العربيات الصغيرة على أنها حاجة مش عملية و متنفعش غير لطلبة الجامعة أو بنت صغيرة .

طبعا لعدة أسباب
دعم البترول ........ اللي مش بيخليك تحس بموضوع التوفير .
الأسر كبيرة العدد

فلما الناس تكون عندها عربية بروتون (مش معروفة ) و كمان عربية صغيرة و تكون ب 80 ألف
مين هايشتريها ؟؟؟؟؟؟ و عنده الجين 2 ب 85 ألف أوتوماتيك (أيام 2007 ) ؟؟

العربية كانت نازلة بفتيس ستيب ترونيك أوتوماتيك .... و كماليات طبعا كاملة و فرامل أي بي أس و أي بي دي و حاجة كدا مُفتخرة .......... و فوق ده كله فازت في مسابقة أفضل سيارة موفرة في آسيا في 2006



سبب ان العربية مش رخيصة أنها تعاون بين بروتون و رينو الفرنسية و ده كان مخليها غالية في الثمن بسبب رينو

September, 2006, Shah Alam - A Proton Savvy today returned from a 1,614km journey across Peninsular Malaysia on 1 ¨ø tanks of petrol to set a national fuel economy record for a standard showroom model vehicle above 1000cc.
بروتون سافي اليوم رجعت من رحلة مداها 1614 كم حول شبة جزيرة ماليزيا
لتقوم بعمل رقم قياسي قومي لسيارة عادية فوق 1000 سي سي


The attempt for a place in the Malaysia Book of Records, involved a standard Proton Savvy driven to all the 11 states in Peninsular Malaysia on a three-day journey that began at the PROTON Centre of Excellence in Subang Jaya.

الرقم القياسي شمل القيادة حول 11 ولاية في ثلاثة أيام

Fitted with a 40-litre capacity fuel tank, the Savvy throughout this trip used a mere 68.079 litres, returning an average fuel consumption of 4.218 litre per 100km or RM0.08 per kilometre. The entire journey cost the car RM 130.71 in fuel.

بتانكها ذو الأربعين لترا .. السافي قطعت الرحلة كاملة ب لحوالي 68 لتر بنزين و العودة كانت استهلاك حوالي 4.2 لتر لكل 100 كم

الرحلة مكتملة كلفت 130 رنجت

الرنجت يساوي حوالي 190 قرش

[D . a .\ AYMAN]

بصراحة عربية جميلة جدا بالمواصفات اللى بتقولها دي وسعرها كدة لا يعتبر غالي ... بس الثقافة بقى

وبعدين إنهاردة البيكانتو بـ 80 الف يادوب أتوماتيك عادية ومافيهاش اللى اللى انت بتقوله ده كله وبرضه الناس بتشتريها !!!

[tutankhamoun]

بصراحة عربية جميلة جدا بالمواصفات اللى بتقولها دي وسعرها كدة لا يعتبر غالي ... بس الثقافة بقى

وبعدين إنهاردة البيكانتو بـ 80 الف يادوب أتوماتيك عادية ومافيهاش اللى اللى انت بتقوله ده كله وبرضه الناس بتشتريها !!!

يا باشا البيكانتو ......... كيا .......... يعني هلتبيع لوحدها بغض النظر عن أي شئ علشان معروفة في السوق و بتتباع تاني بسهولة ......ده أنا فيه واحدة معايا في الشغل بتسألني أنت عربيتك شكلها حلو قوي هي أيه دي ؟

قلتلها بروتون جين 2

قالتالي صيني دي ؟


طبعا لا تعليق

دي بقى راكبه بيكانتو

واحدة زي دي كانت هاتجيب بروتون سافي ؟؟؟؟؟؟؟؟؟؟؟؟

و الكلام ده بينطبق على ناس كتيرة في مصر .

إذا كان لحد دلوقتي
تلاقي واحد و لا عمره رجله هوبت ناحية الجين 2 ......... و يشتم فيها
فما بالك بعربية أصغر منها زي السافي ؟

على العموم دي برضه حتة دعاية كان المفروض يقوم بها عز العرب لتعريف الماركة في السوق المصري .

[D . a .\ AYMAN]

تصدق فعلا ... فكرتني أول ما قررت أجيب البيرسونا .. لاقيت كل الناس بتقوللي إيه البروتون اللى انت ناوي تجيبها دي ... وماحدش عنده أي فكرة عنها

وبعد ما جبتها لاقيت بعض أقاربي بيقوللي دي صيني دي ... بالفعل لا تعليق

وبالرغم إنهم بعد ما شافوها شكلها عجبهم جدا فعلا

العربية دي لو اتعملها نص الدعاية بتاعة الهيونداي ولا الاسبيرانزا بتاعة ابو الفتوح اللى بتبيع على اسمه فقط كان عز العرب مش ملاحق على استيرادها وقائمة الإنتظار فيها توصل للثلاث شهور وأكتر وبروتون مصنعها مش ملاحق على التصدير لمصر

عز العرب دافن العربية دي ... المشكلة ان كل العربيات اللى واخد توكيلها عامل فيها كدة برضه .. سيتروين ودودج وكرايسلر وجيب ... واخد ماركات كبيرة جدا وكلها بتبيع باسمها هية مش عشان بيعملها دعاية مثلا والعياذ بالله

[yousefsemsem]

البروتون عامه ناقصله يكون ليه توكيل محترم اووووووووووووي
معني ذلك اني مش بقلل من احترام عز العرب بس محتاجين توكيل اقوي من كده
ودعايه صح وتوافر قطع الغيار
ده لو ناقص حاجه بتروح تحجزها وتيجي بعدها بكام شهر
مابالك بقي لو العربيات اتسوقت هنا وبقي سوقها حلاوه هتيجلك بعدها بخمس سنين
برضه عيب توكيل ياجماعه

[scorpion960]

الحقيقه انا ناوى على الساجا اتوماتيك لانها عجبانى و كلام الناس عنها بس عندى سنه تردد على شان قطع الغيار و قرف التوكيل و لما بشوف صحابى بعرف ان مشكله التوكيل مشكله عامه فى مصر سياسه بيع و اجرى اعمل المصلحه و نفض
لكن بروتون ماركه بعتبرها ماركه قويه فى الاسعار المنخفضه بصراحه احسن شويه من الصينى لاننا بنجيب من الصين الزباله الى عندهم لان الصين بتبيع فى امريكا بلد التكنولوجيا يعنى صناعه تمام مش تعبانه بس فى مصر زفت
دعايه السياره دى وحشه و توكيل وحش و اعتقد ان بروتون محتاجه تبيع اكتر و مافيش احسن من مصر كسوق عاوزين حمله على عز العرب فى ماليزيا رسائل من كل فرد يمتلك البروتون و الناس الى عاوزه تشترى و خايفه من التوكيل على شان نعلمهم درس ان العميل بتاعك تشيله على دماغك و تريحه فى خدمه و سعر

الحقيقه احنا الى بنقصر فى حق نفسنا و بنسكت على حقنا لابد من ثوره على موزعى السيارات فى مصر مش ضرب طوب لا شكاوى عديده للشركات الام و نطالبهم انهم يعملو توكيل بنفسهم هنا
تخيلو لو مسئول بروتون فى مصر ماليزى يانهار ابيض على انضباط العماله و المهندسين انت تامر بس و هوة يوجيب

ياريت نتفق بس على اداره ازمتنا لان العربيه عجبانى و خايف من قطع الغيار و التوكيل التعبان الى ياما سمعت شكاوى منه