عفشة بروتون جين 2

[karim_hassan]

السلام عليكم

يا جماعه انا عربيتى بروتون جين 2 2007 انا اتعقدت بسبب مساعدين بروتون بقالى حوالى 3 شهور بدور على مساعدين امامى لعربيتى مش لاقيهم خالص لا kyb ولا hwl لاقيت استيراد و بس بس انا قلقان انى اجيب مساعدين استيراد وحاولت اعرف لو فى بديل محدش افادنى خالص امبارح كلمت واحد قالى ان موجود عنده المساعدين الاصليين الى بتنزل بيهم العربيه وبيبيعهم ب 1400 انا شايف ان السعر عالى قوى فكرت انى اركب عفشه كامله كونى واريح دماغى كلمت ارابكوم وكيل كونى فمصر بيقولى ان كونى منزلتش عفشه للبروتون جين 2 بس حد عنده اى حل للمشكله دى؟

[eng.m7md.ali]

الله يخربيت ده توكيل زفت
يعني مفيش اتيال فرامل ولا مساعدين ولا في اي حاجة
امال فاتحين ليه يعني حسبي الله ونعم الوكيل فيهم

[karim_hassan]

لو انت عاوز تيل فرامل اشرف منصور عنده

[mado208]

فى مساعدين نزله جديده مترقمه كل رقم بيشتغل على مجموعه من العربيات وفى لبروتون بس مش عارف رقمو انا عرفت كده من مهندس سيارات

[mado208]

هعرفلك منو رقمو

[eng.m7md.ali]

انا عارف ان الاتيال في كل حتة
بس لما توكيل ميبقاش عنده تيل يبقى ده اسمه ايه ؟؟
على العموم برشحلك عفشة كوني وتقريبا هيا بتاعت اللانسر بوما
روح لعادل وجدي او حمادة غزي واسأل على ايه اللي يمشي على الجين2 من العفشات التانية

[mido_soliman]

مفيش عفشة كونى فعلا لبروتون جين2
بس عموما العفشة طبق الاضل عفشة الكريستالة الانسر 98
يعنى كل اللى انت محتاجة انك تروح للعفشجى وتخلية يشيل مساعد بايظ تاخدة وتطلع على بتاع الانسر تجيب اخوة حتلاقية بتاع الكريستالة
او انك تروح بنفس المساعد تجيب اخوة كونى او ابيكس او اى نوع رياضى
هوة فعلا كلمة بروتون جين2 توحيلك بانك بتكلم البائع او التاجر عن كائن فضائى رغم ان البديل موجود فعلا وبكثرة لكن غالبا محدش بيشتغل فى العربية اساسا من الصنايعية لاعتماديتها :)))

[karim_hassan]

تسلم ياباشا عالمعلومه دى انا بجد كنت هتجنن واعرف بديل للمساعدين دى انا ان شاء الله هروح افكهم واجيب بدالهم علشان انا لاقيت الموضوع هيفتح عند عادل وجدى عنده ال 4 مساعدين d2 بيبدأوا من 6000 جنيه

[yousefsemsem]

بص ياباشا خد الرقم ده وكلمه لعلا وعسا يكون عنده وباذن الله يكون عنده
01098801966
اسمه خالد نصار اساله وباذن الله احتمال كبير اوي تلاقيه عنده
ولو مالقتش فعلا زي ماقالو لك الاخوه الافاضل فكه وشوف زيه هتلاقي البديل اكيد
لان مصانع العربيات مش هتخترع مساعدين لازم يكون في حاجات متشابهه وربنا يوفقك في حل مشكلتك

[ahmedhilmy]

علي كد الجين ٢ عربيه صعب تلاقلها قطع غيار زي ما الناس بتقول و دده اللي مخليها ملهاش شعبيه بالرغم انها عربيه جميله

[د.اشرف هنداوى]

هي عفشة العربية ناشفة ذي السيراتو كدة ؟

[mido_soliman]

هي عفشة العربية ناشفة ذي السيراتو كدة ؟

ارحم بكتــــــــــــــــــــــــــــــــــير

[madoim]

على فكرة فى مساعدين فى التوكيل دلوقتى بس هما بيطلعوها للى حاجزين بس
انا كنت حاجز وبرده قالولى لسه حاجتك مجتش من ماليزيامش فاهم ازاى مع انى كنت حاجز من حوالى شهر ونصف
المهم صديقى ابو مريم جزاه الله خيرا نصحنى انى اكلم المهندس امر الكوافى واحكيله على مشكلتى وكلمته فعلا بس مردش عليا فبعتله رسالة قولتله على موقفى وبعدين لقيت حد بيكلمنى من التوكيل عشان اروح اركب المساعدين والحمد لله روحت وركبتها ومكنتش مصدق بصراحة انر ركبتها بس الحمد لله كل تاخير اكيد فيه خير بس الواحد دايما مستعجل
فى النهاية لازم اشكر المهندس امر على اهتمامه وعدم تجاهله لرسالتى

[saint2011]

مبروك يا باشا ممكن أعرف السعر كام وغيرت ايه بالظبط

[madoim]

المساعدين ب 1100 + مصنعية 320 جنيه
طبعا كتير بس المهم انى خلصت من الموضوع ده

لكن نصيحتى لو هتجيبهم من التوكيل كلم عصام وصفا وخليه يبعت مندوب يجيب المساعدين من التوكيل ويركبهم هوا
اكيد هيبقى اوفر وهينجزك فى الوقت