إعـــــــلان

Collapse

.

,
See more
See less

المفاتيح بتاعتي ضاعت كلها!!!!!!

Collapse
X
 
  • Filter
  • الوقت
  • Show
Clear All
new posts

  • المفاتيح بتاعتي ضاعت كلها!!!!!!

    السلام عليكم, و صباح الخير.

    انا معايا جين 2 2007 و كنت امبارح يوم الجمعة في التحرير بشتري شوية جاجات. يعني كنت بشتري اميص و جزمة و بتاع.
    المهم, بعد اما خلصت شراء و راجع علي عربيتي, وصلت العربية, بحط ايدي في جيبي..... ملئتش المفتيح!!!! كلها, مفتاح العربية و الشئة و العمارة فبقيت واقف عامل كده

    المهم كان معايا واحد صحبي و قلتلو يقف عند العربية و انا هلف علي كل المحلات اللي انا دخلتها و ادور في كل حته. لفيت اول مرة سألتهم واحد واحد, اعدت ساعة كاملة بلف ملئتش المفاتيح. رجعت الف للمرة التانية و سبت لكذا واحد رقم تليفوني و بردو مفيش, اخر مرة اعدت الف و كنت عمال ازعق بصوت عالي في التحرير و العتبة و شارع قصر النيل و شارع طلعت حرب ياعني لو اي حد فيكو كان في وسط البلد ساعتها كان سمعني و قال اههههه هوا انت المجنون ده!!!!

    بعد 5 ساعات متاوصلة في البحث, الحمد لله, ملئيتش حاجة. روحت مكلم ابوية و قولتلو, قالي نهارك مش فايت ياض يا ابن ال................. ما علينا, جان مفتاح الاسبير وجالي لحد طلعط حرب و ادهولي (متفهمنيش غلط) اداني المفتاح و خلع.

    طبعا انا طولت عليكم في حوار كبير بس أولت اخليكو تحسو المأساه شوية

    المهم انا دلوقتي مص عارف اعمل ايه, اولا انا عايز اطلع مفتاح سبير, و ابويا بيئولي اخر مرة عملنا الموضوع ده من التوكيل في 2008 كان ب 1000 جينيه قولتيلو لييييييييييييييييييييييييييييييه!!!!!!

    طيب هل في طريقة اوفر؟ المفتاح فيه ريموت و اموبليزر و هل ممكن اغير شفرة المريموت و الاموبليزر؟ ولا لازم اجيب مفتاحين جداد و اغير الكونتاكت ياعني هخشلي في 3000 جنيه عشان مفتاح.

    ساعدوني, انا عايز اعمل مفتاح بطريقة موفرة شوية ولا الاسعار دي ايه, عايز اعرف الاسعار الحقيقية بتاعت التوكيل و لو فيه طريقة تانية. و عايز اعرف هل ممكن اغير شفرة الاموبليزر و الريموت ولا لأ.

    شكرا.

  • #2
    انا سمعت ان في عصام صفا ده ب450 جنيه تقريبا واسال الاول انا عندي نفس المشكله ونفسي اعمل مفتاح

    Comment


    • #3
      ان شاء الله بسيطه

      في محل مفاتيح مشفره مشهور بيعمل المفاتيح دي
      عنوانه جسر السويس اسفل عمارات الفاروقيه واعتقد السعر حوالي 200 جنيه

      Comment


      • #4
        المشاركة الأصلية كتبت بواسطة tornado_5m مشاهدة المشاركة
        انا سمعت ان في عصام صفا ده ب450 جنيه تقريبا واسال الاول انا عندي نفس المشكله ونفسي اعمل مفتاح
        اشكرك

        المشاركة الأصلية كتبت بواسطة abdoumahros مشاهدة المشاركة
        في محل مفاتيح مشفره مشهور بيعمل المفاتيح دي
        عنوانه جسر السويس اسفل عمارات الفاروقيه واعتقد السعر حوالي 200 جنيه
        شكرا بس متعرفش نمرة تليفونو و هل يئدر يعمل مفتاح مع ان المفتاح بتاعي فيه اموبليزر؟ و طبعا ميئدرش يعمل الريموت صح؟

        طيب انا بردو دلوئتي خايف لحد يكون اخد المتاح و يجي يسرق العربية ولا حاجة, هل في طريقة سريعة اغير بيها تشفير المفتاح اللي معايا؟ بحيث ان لو حد جه يدور بالمفتاح التاني مادورش؟

        Comment


        • #5
          اسف للتاخير

          معلش انا لسه شايف طلبك النهارده
          هاابعت لك اسم المحل ورقم الهاتف في رساله خاصه

          Comment


          • #6
            المشاركة الأصلية كتبت بواسطة abdoumahros مشاهدة المشاركة
            معلش انا لسه شايف طلبك النهارده
            هاابعت لك اسم المحل ورقم الهاتف في رساله خاصه

            شكرا, جبيب البي مش عارف اشكرك ازاي

            Comment

            Working...
            X