استشارة - بيرسونا اليجانس

[egxlover]

السلام عليكم
طبعا انا واحد من اوائل الناس اللى اشترت العربية بيرسونا اليجانس (8-2011) و العربية و لله الحمد احسن من كل الكلام اللى ممكن يتقال .
دلوقتى انا احنمال اسافر للعمل بالخارج (ان شاء الله) فللاسف حبيع العربية .
انا محتاج مساعدتكم فى تسعيرها جزاكم الله خيرا
هى 2011 زى ماقولت فضى اتوماتيك (طبعا ج الكماليات) عاملة 25000 ك كلهما طريق سريع تقريبا ، كل الصيانات وكيل مفيهاش اى مشاكل غير ان ربنا ابتلانى بحادثة من شهرين و تم تغيير قشرة البابين الاماميين ياستيراد بدون اى سمكرة و رش الجانبين فقط و الشغل والله معمول عند اغلى ناس فى مصر و اغلى من شغل التوكيل و العربية رجعت جديدة الحمد لله اانا كنت بعملها لنفسى مكنتش عارف ان لى نصيب اسافر

المهم دلوقتى انا محتاج اعرف رأيكم بامانة فى السعر العادل والمناسب للعربية
وجزاكم الله خيرا

[mmans]

اكتب الكلام دا في قسم البيع و الشراء تسعير السيارات الاستاذ شريف وهبة محترم و امين و فعلا هيسعرهالك بما يرضي الله

[eng.m7md.ali]

ربنا يوفقك في شغلك برة
العربية اوتو تقريبا بتعمل 96 الف زيرو دلوقتي
ممكن تتكلم في 80 الف لو جالك زبون للبيع وممكن في اكتر

[Al-Farooq]

العربية 97 الف زيرو ، وعربيتك حالتها على الاستهلاك دة تعتبر قريبة جدا من الزيرو و2011
انا مليش خبرة خالص فى موضوع البيع والشراء دة ، بس ممكن تنزل من الاصلي 10 او 15 الف بالكثير
، يعني من 82 ل 87 الف ، انا شايف خسارة اكثر من كدة حرام ممكن يكون السوق له سعر مختلف ، الله اعلم