ارجو الافادة من الاعضاء الكرام

[moh_faheem]

انا مقبل على شراء سيارة جين 2 استعمال موديل 2006 ماشية 75 الف كيلو منوال
فابريكا بالكامل فيما عدا خبطة خفيفة فى الجنب وتم عملها
والمطلوب فيها نهائى 52 الف جنيه
ارجو من السادة الاعضاء الافادة هل اقبل على الشراء ام لا
وخصوصا اننى من محافظة بعيدة جدا عن مكان السيارة حيث ان مكانها القاهرة وانا من محافظة الوادى الجديد
وتقبلوا فائق احترامى وتقديرى

[eng.m7md.ali]

مبروك عليك مقدماً
سعرها حلو بس حاول تخلص على 50 وتستغل انك جاي من بعيد
واكشف عليكي في مركز عصام صفا او اي بنزينة محترمة

[moh_faheem]

ربنا يبارك فى حضريتيك
ممكن اعرف عنوان مركز الصفا
ولك جزيل الشكر

[eng.m7md.ali]

الاول
اسف على الغلطة المطبعية في المشاركة اللي فاتت
ثانيا
العنوان في شارع طه حسين في النزهة الجديدة بعد معرض لاند روفر لو حضرتك هتيجي من ناحية الدائري او الحرفيين

[moh_faheem]

الف شكر لحضرتيك
و تحياتى لجميع اعضاء المنتدى الكرام

[koheya]

على الرغم من انى معايا جين2 بس لو حضرتك ساكن فى الوادى الجديد ومفيش ميكانيكى شاطر عندك حيكون صعب عليك تروح التوكيل نظرا للمسافة الكبيرة فممكن تدور على عربية تكون صيانتها اسهل من الجين واى ميكانيكى يفهم فيها علشان متغلبش بعد كدة.

[moh_faheem]

على الرغم من انى معايا جين2 بس لو حضرتك ساكن فى الوادى الجديد ومفيش ميكانيكى شاطر عندك حيكون صعب عليك تروح التوكيل نظرا للمسافة الكبيرة فممكن تدور على عربية تكون صيانتها اسهل من الجين واى ميكانيكى يفهم فيها علشان متغلبش بعد كدة.

سيدى العزيز
انا باشكر حضريتيك على هذه المعلومة القيمة وانا فعلا كنت النهاردة فى المدينة الصناعية بمدينتنا واكد جميع الصنيعية انهم لا يعرفون شيئا عن هذه السيارة او عن قطع غيارها او عن اعطالها
وهذا اصبنى بالاحباط وبالفعل بافتح المنتدى الكريم بتاعنا ووجدت حضريتيك بتأكد على نفس الكلام
وفعلا انا صرفت النظر عن شراء هذه السيارة وسوف ابحث عن سيارة اخرى سواء نيسان صنى 2001 او 2002 او سيارة افيو 2007او 2006
والف شكر على نصيحة حضريتيك
وتقبل منى فائق احترامى

[koheya]

سيدى العزيز
انا باشكر حضريتيك على هذه المعلومة القيمة وانا فعلا كنت النهاردة فى المدينة الصناعية بمدينتنا واكد جميع الصنيعية انهم لا يعرفون شيئا عن هذه السيارة او عن قطع غيارها او عن اعطالها
وهذا اصبنى بالاحباط وبالفعل بافتح المنتدى الكريم بتاعنا ووجدت حضريتيك بتأكد على نفس الكلام
وفعلا انا صرفت النظر عن شراء هذه السيارة وسوف ابحث عن سيارة اخرى سواء نيسان صنى 2001 او 2002 او سيارة افيو 2007او 2006
والف شكر على نصيحة حضريتيك
وتقبل منى فائق احترامى

لا شكر على واجب اخى الكريم.
ربنا يوفقك لخير سيارة ويكفيك شرها ويرزقك خيرها.