عملت حادثة ومحتاج استشارة و مساعدة من الشباب

[be7ee]

حد يشوري عليا اعمل اية ... معيا جين 2 2010 عربية نص نقل دخلت في وش العرية عندي المهم الاير باج اتفتحت وهية اللي الحمد الله لحقتني انا وان عمتي المهم العرية عندي وشها راح والريداتير اتطبق ودخل علي المتور المهم يعني وش العربية ورفرفين مخبوطين جامد و الكبوت اتطبق و البرابريز اتكسر كلة شروخ بس سابت مكانة وفية خبطة صغيرة في السقف

المهم لو حد يعرف عربية انقاذ ارفع عليها العربية من البلد علي طريق الكريمات علي بعد 80 كيلو من القاهرة ....
واوديها التوكيل ولا مركز صيانة فيصل ولا اوديها سمكري الاول .... ياريت لو حد يقدر يفيدني باي معلومة ..
رنا ما يوقع حد في حاجة وحشة ويكفينا جميعاً شر العربية وشر الطريق

قدر الله , وما شاء فعل
الحمد الله علي كل حال ... اللهم لك الحمد والشكر في السراء والدراء ...

جزاكم الله جميعاً خير

[i_Am_Legend]

الف سلامة عليك..والحمد للع انك بخير...ولو محتاج سمكؤي نضييييييييف جدا جدا..قولي...وسعرة حنين..عندي في شبرا في احمد حلمي..وبيشتغل شغل توكيلات كمان..وهايخلصهالك في وقت قياسي..

[be7ee]

شكرا علي اهتمامك و ردك السريع عليا حضرتك انسان محترم ... و الله يسلمك و يخليك i_Am_Legend الحمد الله علي كل شئ

شوف انا هشوف النهردة هعمل اية حاول اخد اراء كذا حد علشان موضوع شغل المكانيكا فيها .. وش عارف اروح السمكري الاول ولا مركز صيانة او توكيل او حد يفهم في الجين الاول ..... عموما انا هشوف قصة السمكرة وهعتلك علي الخاص علشان شكلك واثق في السمكري اللي تعرفة ..


وشكراً ليك وشكراً علي اهتمامك i_Am_Legend :) :)

[brashy101]

الف سلامه عليك .

الحمد لله علي كل شئ . ربنا يعوضك عنها خير .

[Raul_7]

الف حمد لله علي سلامتك, السمكري اللي بيتعامل معاه مركز عصام صفا كويس أوي و هو في الحرفيين, بس معرفش بياخد كام و لا وقته اد ايه.

و حمد لله علي السلامة مرة تانية, و ان شاء الله العربية تتصلح و ترجع زي الأول.

[zangry]

حمد لله علي سلامتك

[i_Am_Legend]

ماتخفش..اتكل علي الله...اقسم بالله السمكري اللي بقولك عليه..راجل محترم وفوووووق الوصف...واسعارة قليلة جدا جدا...ومجربة في اكتر من عربية...ومنها عربيات ناس اصحابي وعمرة ما كسفني...وبيجلص الشغل بسرعة جدا...ومش بيغيب ولا بيتأخر..دة بيفتح الساعة 8 الصبح..

[koheya]

قدر الله وما شاء فعل.الف حمد لله على سلامتك وفداك مليون عربية المهم تكون بخير.
رايى ان حضرتك تسمكر الاول وبعدين تصلح وفى الاخر خالص ترش لان بعد السمكرة الميكانيكى ممكن يركب حاجة يكتشف ان السمكرى مش ظابط العربية وفى جزء لسة معوج و معاكسة فتحتاج ترجع تانى للسمكرى يعنى مثلا لو ركب مساعد وكان مرحل او ردياتير وكان مكانة اضيق من الطبيعى حتضطر ان السمكرى يعيد علية .دى مجرد وجهة نظرى وحضرتك اسال السمكرى والميكانيكى قبل ما تبدا تعمل حاجة.
واخيرا ما تزعلش ان شاء الله العربية ترجع احسن من الاول والى ييجى فى الريش بقشيش.
مرة تانية الف حمد لله على سلامتك اخى الكريم

[be7ee]

شكراً لكل اللي سئل عني brashy101 و Raul_7 zangry و i_Am_Legend و koheya
سؤالكم واهتمامكم عندي الدنيا كلها .... انتو فعلا رجل المحترمون

الحمد الله علي كل شيء في السراء والضراء وقدر الله وماشاء فعل .... الحمد الله

[be7ee]

الله يسلم حضرتك :) koheya وانا فعلا بفكر اروح السمكري الاول وكمك منطقي جدا اقنعتني بية .. عموماً انا برضو هاسئل تاني علشان كمان خايف من التكلفة فا عوز اعرف الفلم اللي هدخل فية قل ما انفذة ...
وشكراً لحضرتك علي السؤال وربنا يستر طريقنا جميعاً ويكفينا شر العريات و الطريق

[be7ee]

كويس انة شغال من الصبح ... شوف الحمد الله عرفت هنقلها ازاي هعرف هجبها امتي من البلد ولو خلاص هعملها مع الراجل تعبك هبعتلك علي الخاص او لو فيها رزالة اخد رقمك لو ينفع ومعلش هتعبك معيا واتقل عليك ... بجد مش عارف اشكرك علي اهتمامك ازاي جزاك الله كل خير ... ويكفيك ويكفينا جميعاً ششر الطريق

[be7ee]

Raul_7 شكرا ليك وعلي اهتمامك الحمد الله علي كل حال قدر الله وماشاء فعل

هوة مش مركز عصام دة تاع اخر فيصل ؟؟ انا مش متأكد هوة ولا لا عموماً هوة انا فكر اروح اسئل عندة اشوف هيقولي اية وكمان مش عارف هايعمل اية في الاير باج اللي اتفتحت سمعت ان التوكيل س هوة اللي بيعملها

انا جد بشكرك جداً علي اهمامك ومساعدتك لية وشكراً للكل الشاب اللي تساعد وبتسئل تطمن ربنا ما يحطش حد في زنقة شكرا علي اهتماكم ومساعدتكم دي بالدنيا كلها .... جزاكم الله كل خير ويارب يكون في ميزان حسناتكم ربنا يكفينا كلنا شر الطريق .
brashy101 Raul_7 zangry i_Am_Legend koheya

[mmaaly]

لو العربية متأمن عليها روح التوكيل لانه عنده جهاز كمبيوتر بيظبط ابعاد العربية لانه حسب وصفك للحادثة ممكن يكون الهيكل حصل فيه التواء او تغيير زى عربيتى تمام لكن ولو مش مأمن شوف مركز متكامل علشان ما تفضلش رايح جاى بين السمكرى والميكانيكى لان تركيب اللاجزاء والابعاد مش مظبوطه هاى يخلى العربية تسارع العجل مختلف وفيه عدم توازن وحدفة دائمة فى العربية ليس لها علاج
انا بقول الكلام ده لآن نفس الحدثة تقريبا كانت فى عربيتى وادى اتعملت فى التوكيل هو صحيح اخرها كتير جدا بس طلعن كويسة

[be7ee]

mmaaly لأسف كان متأمن عليها التامين وقفتة بقالة سنة ....

والله مع حضرتك حق في كلامك جزاك الله خير انك خلتني اخد الي من النقطة دي ... طيب لو هاروح مركز متكامل فين المركز دة ... لو حضرتك تعرف ياريت تقولي عملت اية في عريتك ولا عملتها في التوكيل ...

انا متشكرا جداً علي اهتمامك mmaaly جزاك الله خير ويكفينا جميعاً شر الطريق

[Raul_7]

لا يا Be7ee مركز عصام صفا عند السندباد و هو مركز معتمد من عز العرب. نمرة مهندس عصام 01221030200

و بعدين يا باشا ايه كل الشكر ده احنا معملناش حاجة و الله, ده مجرد رد في أقل من 5 دقائق. :)