Gen 2

[fedo171]

بناءا على تجارب هل ينصح بالاوتو ولا المانول
انا ساكن فى اكتوبر و بنزل الهرم كتيير بعدى على زحمه بس مش على طول
ومحتار بصراحه
فى فرق فى استهلاك البنزين
واستهلاك تيل الفرامل و اداء وسرعه العربيه ؟
و المجمل هكون فصالح الاوتو لا المانول

[S O P H O S]

كراي شخصي فقط
هو الاوتو احسن واريح بكتيررررررر
لكن فالجين ان بعشق المانيول لان احساسها الرياضي فالفتيس ده
واكيد هتكون افضل كاستهلاك بنزين
والله اعلم
مجرد راي

[monamize4]

المانيوال اكيد امتع بكتير لو بتمشى ف شوارع مش زحمة
بس نصيحة لوجة الله حاول تشوف حاجة غير الجين 2 خصوصا لو كانت مشاويرك جوة البلد (مع انى والله كنت بحبها جدا)

[Al-Farooq]

فى فرق فى استهلاك البنزين
واستهلاك تيل الفرامل و اداء وسرعه العربيه ؟

بخصوص الاستهلاك بنزين وفرامل ، واداء وتسارع ، طبعاً المانيول افضل
بالنسبة للتسارع فى ثانيتين لصالح المانيول
وبالنسبة للإستهلاك بنزين اكيد المانيول افضل
استهلاك التيل المانيول افضل

الاوتو ممتاز وتسارعه فى iafm ممتاز ، واختيار الاتو بيكون لو الطرق اللى بتمشي عليها زحمة كثيرة واسلوب قيادتك هادي او مش بتحب المانيول.

[sabregas2010]

انا رايى خليك فى الاوتوماتيك احسن بكتير

[fedo171]

ايه الحيره ديه ؟؟؟؟؟؟؟؟؟؟؟؟؟؟؟؟؟؟

[tutankhamoun]

شوف أنت بتحب أيه و هاته !
في الموتور الجديد ........ مفيش فرق بين الأثنين (موديلات 2009 فيما فوق )
في الموتور القديم ............ المانوال أحسن (موديلات 2006 لغاية 2008 )

أما الأستهلاك و التسارع ........... فرق قليل جدا يكاد يكون معدوم .
الراحة طبعا الأوتوماتيك .
أستهلاك التيل حسب طريقة سواقتك و لو في زحمة كتير ......... الأوتوماتيك تيله يخلص أسرع لو بتسوق في زحمة كتير و بتحمل على الفرامل كتير .

[fedo171]

الفتيس نفسه في مشاكل فيه
وكمان انا عندى سوال فنى
الفتيس الاوتو بيبقى فيه ديسك واسطاونه وبيله برضو ولا سيستيم تانى ؟؟؟؟
عشان دى اول حاجه بتبوظ معايا فالعربيه مش عارف ليه

[tutankhamoun]

الفتيس نفسه في مشاكل فيه

لا إن شاء الله الفتيس مفيهوش أي مشاكل .

وكمان انا عندى سوال فنى
الفتيس الاوتو بيبقى فيه ديسك واسطاونه وبيله برضو ولا سيستيم تانى ؟؟؟؟
عشان دى اول حاجه بتبوظ معايا فالعربيه مش عارف ليه

لا الفتيس الاوتوماتيك مفيهوش ديسك وأسطوانة .

[ahmad_ezoly]

شوف أنت بتحب أيه و هاته !
في الموتور الجديد ........ مفيش فرق بين الأثنين (موديلات 2009 فيما فوق )
في الموتور القديم ............ المانوال أحسن (موديلات 2006 لغاية 2008 )

هو ده الكلام المزبوط بجد
في محركات بروتون IAFM مفيش فرق تقريباً بين المانوال والأتوماتيك .. الفرق في المحركات القديمة DOHC
بس عشان طبيعة البلد والزحمة يلي فيها ريح راسك وهات أوتوماتيك ، أنا معايا جين تو أتوماتيك 2008 محرك كامبرو ، ومعايا غولف جي تي آي 2010 مانويل بس صدقني وقت بكون عايز أنزل البلد بختار الجين تو عشان الزحمة
هو أكيد المانويل أحلى بس مش جوات البلد

خلاصة الكلام : لو حتجيب جين تو 2011 يبقى أوتوماتيك
لو جين تو من السوق قبل 2009 يبقى مانويل

وربنا يبارك لك مقدماً

[tutankhamoun]

هو ده الكلام المزبوط بجد
في محركات بروتون iafm مفيش فرق تقريباً بين المانوال والأتوماتيك .. الفرق في المحركات القديمة dohc

أستاذ أحمد أهلا بك ... هو حضرتك عايش في سوريا دلوقتي ؟
ربنا يكون معاكم و يحميكم و يهدي الأوضاع هناك إن شاء الله .

فيه بس نقطة عايز أعلق عليها

موتور الجين 2 .......... Dohc

نظام iafm
ملوش علاقة إلا بعملية تنظيم دخول الهواء لغرفة الحريق داخل المحرك .

إنما موتور الجين 2 تصميم ....... ثنائي الكامة و هو أختصار dohc

فيه مواتير تانية مفردة الكامة و دي أتصميمها أسمه sohc

الفرق طبعا لصالح ثنائي الكامة في الأداء و السرعات العالية .

فيه بعض مواتير الهوندا فردية الكامة و لكن فيه 16 صباب برضه زي ثنائي الكامة
الموضوع طويل شوية

إنما iafm حاجة خاصة بالهوا اللي داخل المحرك للخلط مع الوقود لتنظيم عملية الحرق .

تحياتي لك و لأهل سوريا .

[RedBull_30]

اعتقد ان بروتون متأخرة شوية .. كانت المفروض تنزل التبترونيك جير في الجين 2 او البيرسونا ..
يا رب اشوف الموضوع ده في العربية الجديدة بتاعتها وكمان التربو