طلمبة البنزين

[koheya]

عربيتي جين٢ 2008 عاملة 30الف كم.تانك البنزين اتخرم لما دوست علي سيخ حديد تسليح اشتريت تانك استيراد وركبتة في التوكيل وبعد ما ركب كل ما تانك البنزين يكون علي الربع العربية تبطل لوحدها وهية ماشية.رجعت التوكيل قالي ركب طلمبة البنزين بتاعة التانك الاستيراد مش القديمة بتاعتك فهل دة كلام منطقي

[Salamonti]

ممكن تكون الطلمبة بتاعتك اتصابت في الحادث أو حصل فيها حاجة..
مجرد تخمين والله أعلى وأعلم..

[tutankhamoun]

عربيتي جين٢ 2008 عاملة 30الف كم.تانك البنزين اتخرم لما دوست علي سيخ حديد تسليح اشتريت تانك استيراد وركبتة في التوكيل وبعد ما ركب كل ما تانك البنزين يكون علي الربع العربية تبطل لوحدها وهية ماشية.رجعت التوكيل قالي ركب طلمبة البنزين بتاعة التانك الاستيراد مش القديمة بتاعتك فهل دة كلام منطقي

أعتقد أنه كلام مش منطقي .

يعني لو عربية غيرت تانك لأي سبب من الأسباب .... هايبعلك التانك بطرمبة البنزين !!!!!!!!!!
و بعدين الطرمبة دي زي دي ........ و التانك ده زي ده !!
اللي قالك كدا هناك بيفتي ....... تحيا جمهورية الفتي العربية ....... مفيش حد فيكي يا بلد يقول معرفش !! أوف.!

عموما واضح أن أنت عندك مشكلة في الطرمبة ..... و الله أعلم
أعتقد الحل أنك تفول العربية على طول أو ممكن يكون فيه حاجة في التركيب غلط أو مش مظبوطة أو الطرمبة فيها حاجة بايظة أو ضعفت .

[pedro732000]

معلش سؤال ممكن تعرف التنك الاستيراد اخده من عربية موديل كام
لئنة هايفرق مع طرمبة البنزين....والله اعلم

[koheya]

اعتقد موديل اعلى من عربيتى "2008" ممكن يكون 2010 لان التاجر شخصيا مش متاكد .بس سالتة قالى طلمبة البنزين هية هية.
فى واحد قالى ممكن اركبلها موتور طلمبة بنزين الانوس هل دة امان ومظبوط.

[tutankhamoun]

اعتقد موديل اعلى من عربيتى "2008" ممكن يكون 2010 لان التاجر شخصيا مش متاكد .بس سالتة قالى طلمبة البنزين هية هية.
فى واحد قالى ممكن اركبلها موتور طلمبة بنزين الانوس هل دة امان ومظبوط.

بُص يا باشا
أنا أتأكدت من حاجة دلوقتي
أن موديلات لغاية 2009 أو 2008 فيها شوية أختلافات عن الموديلات الجديدة
فأنت ممكن تشوف طلمبة بنزين لنفس موديلك أستيراد برضه

معرفش بقى أن كانت الطرمبة تشبه طرمبات عربيات تانية أو لاءة

ممكن تفك الطرمبة اللي عندك و تسأل محلات الميتوشبيشي ممكن فعلا تكون هي هي و الله أعلم .

أو تشتري طرمبة من التوكيل و أشترى دماغك .

[pedro732000]

لا جيب الكلمبة اللى كانت مع التنك وبس

[Mohamed.Kader]

السلام عليكم

أنا شايف أن التانك والطلمبة لازم يكون أرتفاعهم ذي بعض بالظبط علشان الطلمبة تكون واصله لأخر التانك وبكدا تقدر تسحب البنزين كله

الأول أتأكد أن العربية فعلا بيبقى فيه ربع التانك أصلا لان ممكن يكون ذراع حساس المستوى ألتوى ولا حاجه من الخبطة فمبقاش يقرأ القيمة الصحيحة

إنما لو وقفة العربية والموتور بتحصل عند أي مستوى يبقى الطلمبة فيها مشكله

ويستحسن أنك تتأكد أن الطلمبه اللي هتجبها تكون متماشيه مع التانك في الأرتفاع (اللي اعرفه أن لغاية 2008 كانت الطلمبات أكبر من اللي بعد كدا بتدخل التانك وتخرج منه بطلوع الروح*شحط*) وبعد 2008 الطلمبات بقت أصغر في القطر لكن معرفش أيه موقفها من الطول بالنسبة للتنكات اللي قبل كدا إنما أكيد على تنكات ما بعد 2008 هتكون جايبه أخره
................* (أتأكد من سوكت الكهرباء قبل 2008 ذي بعد ولا أيه لأني مش فاكر بس غالبا ذي بعض)

موضوع القلب (موتور السحب) ألمهم أنك تتأكد أن جسم الطلمبة اللي معاك واصل لأخر التانك وبعدها مفيش مشكله أنك تركب القلب دا لفتره ويستحسن أنوا يكون بوش الأصلي أو الصيني الأتنين كويسين وعن تجربه سعر الأصلي 250 جنيه والصيني 80 جنيه

والله أنا في رأي القلب أحسن بكتيير من الطلمبات اللي في السوق حصلت معايا وأشتريت واحدة جديده من بره بالـ Part No. ومكملتش أسبوع وبدأت تقطع وتبطل العربية فرجعتها وركبت قلب وشغال الحمد لله لغاية دلوقتي والإستهلاك كنت قلت قبل كدا أنو عالي لكن حسبتوا صح طلع معقول جدااااا

[m_marmoush]

أنا لية وجهة نظر مختلفة،،،،
لية أفترضت أنها لما بتقطع بنزين عند الربع بيكون فية ربع التنك فعلا، بمعنى أنت أشتريت تانك أستيراد وركبتة بس المشكلة ممكن تكون فى العوامة بتاعة مستوى البنزين (أنها بتقولك أن لسة فية ربع التانك ولكن التانك فعليا بيكون فاضى)
حاول تشوف موضوع العوامة دة قبل ما تخش فى حوار تغيير الطرمبة

[koheya]

المشكلة طلعت ان الطلمبة كان قطرها كبير عن فتحة التانك فالصنايعي في التوكيل فتح حروف التانك ودخل الطلمبة وبعدين دق حواليها علشان يرجع حروف التانك زي الاول ولان الدقدقة مهما كانت مزبوطة مش بتكون ناعمة وبالتالي جوان الطلمبة مش بيعد مكانة كويس فاضطر يحط سليكون والسليكون كان كتير لدرجة ان حتة منة حوالي 30سم نزلت في التانك وكل ما التانك يكون مليان تعوم ولما التانك يقرب يفضي ترقد والطلمبة تشفطها وتسد المدخل ولما تبطل السليكون يبعد ولما ادور تاني تتشفط وهكذا وطبعا اضريط اغير الطلمبة لان التانية اتبهدلت وجيبتها من برة التوكيل ماليزي 650جنية ومصنعية 80جنية