سؤال للجيناوية، سي دي جين 2 2012

[a_shanawany]

السلام عليكم
الشباب الجيناويه
انا النهارده كنت ف توكيل عز العرب عالصحراوي ببص عالجين 2 والبيرسونا
انا هجيب اوتوماتيك
بس اللي كان موجود جين مانيوال وبيرسونا اوتو
الجين 2 اللي شفتها السي دي بلاير اللي فيها كان القديم اللي مفيهوش usb وتحسه جزء من التابلوه دا
البيرسونا كان الجديد اللي فيه تحكم اكتر وusb
فهل متوفر للجين السي دي بتاع البيرسونا، لان اللي فيها بصراحه مش عاجبني خالص
؟؟؟
الرجاء الافاده

[أبومعاذ]

بعض الجين 2 ال2012 بتنزل بكاسيت البيرسونا و بعضها بينزل بالكاسيت العادي و متسألنيش على أساس أيه عشان تقريبا بالحظ :)

[a_shanawany]

طيب سؤال كمان بعد اذنكم
هل عفشه البيرسونا هى نفسها عفشه الجين 2
عفشه سبورت يعني؟
اصل الاخ اللي فرجني عالعربيه قاللي ان عفشه البيرسونا عاديه بينما عفشه الجين 2 سبورت. انا مش مقتنع بصراحه

[أبومعاذ]

العربيتين طبق الأصل زي بعض في كل حاجة ماعدا فرق الشنطة و المرايات الجانبية و شكل الشبكة الأمامية و البيرسونا مفيهاش موتور ظبط الأضاءة

[Raul_7]

طيب سؤال كمان بعد اذنكم
هل عفشه البيرسونا هى نفسها عفشه الجين 2
عفشه سبورت يعني؟
اصل الاخ اللي فرجني عالعربيه قاللي ان عفشه البيرسونا عاديه بينما عفشه الجين 2 سبورت. انا مش مقتنع بصراحه

ده مين الأخ اللي مش فاهم ده؟

[a_shanawany]

ده مين الأخ اللي مش فاهم ده؟ :n_no[1]:

تضحك لو قلتلك انه مدير مبيعات بروتون مصر
بس انا اتصلت بيه بالليل قلتله ازاي حضرتك قلتلي كذا كذا، قاللي كلمني بكره الصبح اكون اتاكدت
وبالفعل اتصلت به اليوم اللي بعده لقيته بيقوللي لا العفشه سبورت، وانا اسف كنت اقصد الساجا بالخطا