مش عارف ازعل ولا افرح!!

[eng.m7md.ali]

النهاردة كنت في التوكيل ( للاسف ) بعمل صيانة ال 45 الف واللي خلاني ابقى هناك ان كان في مشكلة في مكنة الازاز والفرامل مكانتش عجباني + مشكلة في البارات كالعادة
روحت الساعة 10 الصبح في معادي عادي جدا وسلمت العربية للمهندس محمد عبد الهادي وقولتله على المشاكل اللي عندي وقالي هتستلم العربية الساعة 2:30
واستنيت في الاستراحة اللي مليانة فراش لحااااد مالمهندس امر يجي عشان ادخل اتكلم معاه في موضوع
الموضوع بقى ياسادة اني حاجز فرش سقف للعربية من يوم 10-1-2012 يعني حوالي 6 شهور مستني الباشا يوصل من عرض البحر
دخلت كلمت المهندس امر لما جيه حكتله على الموضوع
طبعا الراجل بصراحة اهتمامه غير عادي جدا اتصل بالمخزن يسأل على الفرش لانه استغرب انه من يوم 10-1 مجاش لحد دلوقتي
وبعد كدة كلم مدير قطع الغيار وقاله الفرش يوصل مخصوص بالطيارة مستعجل
طبعا فرحت كدة من اللي سمعته وقد ايه الراجل ده محترم وبيهتم فعلا بالعميل على قد مايقدر
طبعا ده الخبر الحلو اللي فرحني
نيجي بقى للخبر الزفت كالعادة
فضلت قاعد لحاااااااااااااااد الساعة 4:30 في الاستراحة وكل شوية اخرج ابص على العربية وكانت المفاجأة
ان العربية معملتش الصيانة لحد دلوقتي
طبعا دخلت متضايق جدا للمهندس محمد قولتله اللي حصل قالي روح انت الاستراحة وملكش دعوة ولقيت الراجل فعلا مهتم بالعربية لحد ماجات الساعة 5:15 لقيت العربية خلصت
والمفاجأة التانية انه صدمني في موضوع الفرامل وقالي في مشكلة في الماستر قولتله طيب والضمان؟؟
قالي انت غيرت الاتيال برة التوكيل وده بيشيل الضمان عن الاجزاء دي
قولتله يافندم ازاي الضمان يتشال عن الماستر وده ملوش علاقة بالتيل والديسكات
ومن هنا لهنا لهنا مقدرتش اقتنع ان ده مع ده وان اللي بيغير تيل الفرامل برة التوكيل يبقى المنظومة كلها بتخرج برة الضمان
المهم بسأله عن تمن الماستر ده قالي رقم خرافي تقريبا 4000 كنيه
فضلت كاتم في قلبي وساكت لحد ماااروحت ومن كتر الهم كنت هنفجر في البكااء :((
وآآادي حكايتي مع توكيل عز العرب يوم 2-7-2012

صحيح نسيت اقولكو ان صيانة ال 5000-10000 وكل الصيانات اللي بيتم فيها تغيير الزيت والفلتر وتربيط العفشة بقت ب 400 جنيه
وحسبي الله ونعم الوكيل فيهم

[ahmad--ezzat]

فكك من الوكيل الحرامي ده
انت اولي بالفلوس دي

تربيط ايه وزيت ايه اللي ب 400

ماستر ايه اللي ب 4

الاسعار نااار كده

ياراجل انا ليا قريبي معاه سي 4 والاسعار اقل

هات حجتك من بره واتعامل مع ميكانيكي محترم

[Elawany13]

ياساتر يارب
ده ايه الإفترى ده

ربنا معاك

[shaddadfalcon1]

يالهوي 4000 جنيه
ده انا اغير موتور وعفشه واجنط عربيتي بيهم كمان ههههههههه

[SOBHY_D]

بجد افترا الواحد مش عارف الناس بتقبل كل الفلوس دى ازاى على نفسها من غير مابتكون بتقدم خدمة مميزة للعميل
الواحد بيدعى ربنا بضوابط على الناس دى تخليهم يعملوا الصح وياخدوا حقهم وبس مش كله ف بطنهم مكسب من غير شغل .....
ربنا معاك والله يافيلكس

[amrelsha3er]

واخرتها ايه مع التوكيل ده بقى ياجدعان
فكك منهم يافليكس بقى واتعامل بره فعلا وهو الموضوع فارق اوى معاك كده فى الفرامل عشان تغير الديسك؟

[shaddadfalcon1]

نفسي افهم ال 9% الخصم اللي بياخدوه علي الجمارك عشان خدمة مابعد البيع اللي هي الصيانه وتوفير قطع الغيار بتروح فين

[eng.m7md.ali]

فكك من الوكيل الحرامي ده
انت اولي بالفلوس دي

تربيط ايه وزيت ايه اللي ب 400

ماستر ايه اللي ب 4

الاسعار نااار كده

ياراجل انا ليا قريبي معاه سي 4 والاسعار اقل

هات حجتك من بره واتعامل مع ميكانيكي محترم

كان عندي مشكلة في مكنة الازاز ودي تمنها 1200 جنيه واتغيرت في الضمان تقريبا
وكمان مشكلة البارات دي وعلبة الدريكسيون كل ده في الضمان يعني من غير الضمان هحتاس

واخرتها ايه مع التوكيل ده بقى ياجدعان
فكك منهم يافليكس بقى واتعامل بره فعلا وهو الموضوع فارق اوى معاك كده فى الفرامل عشان تغير الديسك؟

هو المشكلة مش في ديسك ولا تيل
المشكلة ان الفرامل كانت عايزة تاخد هوا مش اكتر
والمهندس محمد فاجأني ان لو حد غير تيل برة يبقى كدة شكراً لضمان المنظومة كلها سواء خراطيم او سيرفو او كاليبرات او ديسكات او اي حاجة ليها علاقة بالفرامل

[د.هشام]

انت قلقتني كدة , ايه موضوع الماستر دا, هي الفرامل بتشتكي منها ازاي؟

[mohamed5800]

بص هوة الماستر بتاع الانسر ينفع على الجين 2

[eng.m7md.ali]

انا معنديش عيب ماستر
بس اللي زعلني وخلاني انبه عليه ان تغيير التيل برة التوكيل بيخرج الفرامل كلها من الضمان ودي حاجة صعبة شوية خصوصا ان التيل اما يتغير برة يبقى يخرج الديسكات بس مش السيرفو

[Raul_7]

هو التوكيل بيتلكك عشان يطلع أي حاجة من الضمان.

حرقة دم و الله, أنا بحاول اتفادي اني أروح التوكيل علي قد ما أقدر.

[DESIGNER105]

انا مره وحده روحت التوكيل عصام صفا دفعت 5 تلاف جنيه وخدت العربيه فيها مشاكل مكنتش موجوده قبل مرحلهم .....وحسبى الله ونعم الوكيل

[Nistelrooy]

هو انتا مافيش مرة تروح التوكيل ومافيش مشكلة في المكنة بتاعة الازاز :)

[eng.m7md.ali]

والله يا سامح باشا مش عارف المشكلة في ايه بالظبط
كل ماايحلوها ترجع تاني ويرجع الطقطقة والتزييق
دلوقتي بعد مارجعت شغلت التكييف وبقفل الازاز لقيته بطئ جدا في الطلوع
الظاهر مكتوب عليا اروح تاني
حسبي الله ونعم الوكيل فيهم