إعـــــــلان

Collapse

.

,
See more
See less

دوس على الظرار وانت بترفع ( مشكله وحلتها )

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    دوس على الظرار وانت بترفع ( مشكله وحلتها )

    السلام عليكم ...لاحظت ان فى ناس كتير اشتكت من الهاند بريك انها مع الوقت مبتعشقش... يعنى ترفعها تنزل تانى ...؟ والمشكلة دى انا مرييت بيها وحلتها الحمد لله ...طبعا لما رحت التوكيل قالولى هتتغير ...طبعا مسمعتش كلامهم ومغيرتهاش عشان اكيد هيقولولى سعر خرافى ...حسبى الله ونعم الوكيل فى التوكيل ده بجد بس مش موضوعنا دلوقتى وقريب هعملكو موضوع زى الفل التوكيل ده بس اكون فاضى يوم من اول النهار ...نرجع لموضوعنا

    اولا معرفة السبب ؟؟؟ ليه الهاند بريك مش بتعشق ؟؟؟
    السبب ان فى جزء معدنى مدبب فى اسفل الذراع ملاصق لترس معدنى ..لما بترفع الزراع فالجزء المعدنى بيعشق مع سنه من سنون الترس فبيعشق معاه ...ولما بدوس على الظرار الذراع المعدنى ده بيبعد عن الترس فتزل ...لكن بقه فى حاله انو مش بيعشق ده نتيجة تأكل الجزء المعدنى المدبب ويصبح غير مدبب او حاد ...وبتالى مش بيعشق فى الترس... وده نتيجة كثرة الاستخدام ويمكن بردو لردائة نوع الخامة

    الحل .....؟؟
    انا روحت للواد الميكانيكى بتاعى ..هو واد صغير بس عفريت وفرندلى كده ....المهم قالى لازم نفكها ..
    طبعا طلع عنينا على مفكيناها شيلنا الجزء الى بين الكرسيين الامامين ده بالكامل ..وطبعا فكينا ظراير الزجاج والمرايات و المصامير الى فى العلبه الى فى النص ( المسند) وبعدين بردو مكنتش عايزه تتفك ...واكتشفنا ان فى مصمار تانى فى النص مكنش باين ...طبعا لقينا مجموعة اسلاك كهربه وجهاز كمبيوتر مستخبى تحت الحتة دى .... المهم شلنا الهاند بريك وحطناها قدمنا ...وانا روحت جبت اتنين فيروز تفاح واعدنا انا وهو نفكر تتحل ازاى ...؟؟؟؟

    قالى تعالى ورحنا جامبو عند واحد بتاع لحام شكمنات ..؟؟
    متستغربوش مخدناش الشكمان معانا .....

    احنا بس كنا محتاجين الادوات الى عندو صاروخ الجلخ و ومسدس النار بتاع اللحام ده

    المهم انا سبتو اشوف هيعمل ايه ...هخاف على ايه مهى اصلا بايزه .....

    قالى فى حته متاكله وهنزودها بالنحاس مع الحام بنار اولتلو دوس يا معلم

    المهم بعد مزود حته بالنحاس بردو مش بتمسك فى الترس ...هنا بقه جه دورى وخرجت عن الصمت...

    اولتلوو لازم يكون السن مدبب وحاد عشان يعشق فى الترس ..هات الصاروخ واقطع حته من الحام الى انت عملتو لحد ميبقى ليها سن مدبب ...وفعلا اول معمل كده قامت معشقه وبقت حديد

    وخدناها وجرينا على العربيه واعدنا نركب بقه وندور على المصامير الى فكناها ..ونرجع السلوك فى مكانها ...مولد يا معلم ....

    المهم بعد مركبت اشتغلت زى الفل تمام ....
    بس طبعا الحام ده بالنحاس والنحاس مع الوقت ممكنت يتاكل تانى ...فايه الحل ؟؟

    الحل انك تدوس على الزرار وانت بترفع الدراع عشان ميحصلش احتكاك بالترس ديما ..فميحصلش تأكل

    دوس على الظرار وانت بترفع .................

    وطبعا لما تيجى تنزلها هدوس على الظرار ....

    وبس يا جماعه انا قولت اعمل الموضوع ده عشان الى عندو المشكله دى يستفيد منه
    الكلمات الدلالية (Tags): الظرار, بترفع, دوس, على, مشكله, وانت, وحلتها
  • #2
    السلام عليكم

    يؤسفتي أن أقولك التجربة دي عملتها من سنتين ونزلنها هنا بالصور ولكن للأسف مش بتعييش على الرغم من أني لما زودت الجزء المتأكل زودته حديد وقسيته كمان لكن كبيرها سنة وبترجع تاني تفوت........... مهما إن عملت علشان تحافظ عليها للأسف
    [marq="3;right;3;scroll"]
    كثرة المفترسات وضع طبيعي لكثرة الفرائس
    [/marq]

    Comment

    • #3
      فكرة كويسة و هو حل حتى لو مؤقت و فعلا موضوع الضغط على زرار فرامل اليد عند شدها بيطول عمرها
      azahra سابقا

      Comment

      • #4
        انا بعمل كدا في اي عربية أمتلكتها ...... بدوس على الزرار و انا برفع فرامل اليد .
        [img2]http://i59.tinypic.com/2vxpukz.jpg[/img2]

        Comment

        • #5
          طبعا حل جميل جدا مشكور عليه .. أنا دايما بدوس على الزرار بتاع الفرامل في أي عربية بحكم العادة من زمان .. لكن لما ركبت البيرسونا مابقتش أشد الفرامل أصلا لأن المفتاح مش بيخرج إلا لو كانت على الـ بي .. عشان كدة بـ أسيبها على الـ بي وخلاص من غير فرامل
          [CENTER][U][FONT=Courier New]D . a . \ A Y M A N[/FONT][/U][/CENTER]
          [CENTER][U][FONT=Courier New]A . S . Y[/FONT][/U][/CENTER]

          N.Y.S.M.A سابقاً

          Comment

          • #6
            المشاركة الأصلية كتبت بواسطة d . A .\ ayman مشاهدة المشاركة
            طبعا حل جميل جدا مشكور عليه .. أنا دايما بدوس على الزرار بتاع الفرامل في أي عربية بحكم العادة من زمان .. لكن لما ركبت البيرسونا مابقتش أشد الفرامل أصلا لأن المفتاح مش بيخرج إلا لو كانت على الـ بي .. عشان كدة بـ أسيبها على الـ بي وخلاص من غير فرامل

            كدا غلط على تروس الفتيس
            [img2]http://i59.tinypic.com/2vxpukz.jpg[/img2]

            Comment

            • #7
              المشاركة الأصلية كتبت بواسطة tutankhamoun مشاهدة المشاركة
              كدا غلط على تروس الفتيس

              ليه ياباشا مش الـ بي معمول عشان كدة نفسي أفهم الحتة دي
              [CENTER][U][FONT=Courier New]D . a . \ A Y M A N[/FONT][/U][/CENTER]
              [CENTER][U][FONT=Courier New]A . S . Y[/FONT][/U][/CENTER]

              N.Y.S.M.A سابقاً

              Comment

              • #8
                السلام عليكم

                اولا احب اشكرك جدا جدا على الموضوع دا و مش علشان المعلومة بس لكن علشان انت من الناس الي بتحب تفيد الناس في تجربه هي عانت منها يعني منفضتش للناس و خلاص بالعكس انت لقيت حاجة و ضايقتك و مش عايز اخوانك يحصلهم كدا ود اهم نقطة في الموضوع
                ثانيا المعلومة ممتازة واشكرك شكر وافر عليها

                تحياتي لك
                [gdwl]ادمن صفحة فوتوشبيات
                www.facebook.com/Photoshopyat[/gdwl]

                Comment

                • #9
                  المشاركة الأصلية كتبت بواسطة D . a .\ AYMAN مشاهدة المشاركة

                  ليه ياباشا مش الـ بي معمول عشان كدة نفسي أفهم الحتة دي

                  يا باشا ال p بيعكس تروس ومش وظيفته انه يعشق العربية
                  لو قرأت المانويل هتلاقيه بيشير انك تستخدم الهاند خصوصاً لو هتركن على مطلع او على منزل
                  فيكون الحمل على الفرامل مش على التروس

                  الصح هو انك تضغط برجلك فرامل ، ثم ترفع الهاند ، ثم تضبط الفتيس على P
                  [CENTER][B]لا إله إلا أنت سبحانك ، إنى كنت من الظالمين[/B]
                  اللهم إغفر للمؤمنين و المؤمنات الأحياء منهم و الأموات
                  لا إاله إلا الله عدد ما كان وعدد ما يكون وعدد الحركات والسكون
                  [/CENTER]

                  Comment

                  • #10
                    المشاركة الأصلية كتبت بواسطة D . a .\ AYMAN مشاهدة المشاركة

                    ليه ياباشا مش الـ بي معمول عشان كدة نفسي أفهم الحتة دي


                    المشاركة الأصلية كتبت بواسطة MounT مشاهدة المشاركة

                    يا باشا ال p بيعكس تروس ومش وظيفته انه يعشق العربية
                    لو قرأت المانويل هتلاقيه بيشير انك تستخدم الهاند خصوصاً لو هتركن على مطلع او على منزل
                    فيكون الحمل على الفرامل مش على التروس

                    الصح هو انك تضغط برجلك فرامل ، ثم ترفع الهاند ، ثم تضبط الفتيس على P
                    +111
                    [img2]http://i59.tinypic.com/2vxpukz.jpg[/img2]

                    Comment

                    السابق template التالي
                    Working...
                    X