كرتيرة بيت عجل يمين - ضروري -وحسبي الله ونعم الوكيل

[Eng.Osama.Afifi]

الحمد لله ياشباب ربنا أبتلانا بالتريلات إللي قاعدة بتوقع دبش طوب على الناس على الصحراوي ... حصل إني وأنا مسافر بليل سواق ربنا لا يبارك في عمره ولا في رزقه ... وقع طوب قدامي وأنا ماشي بسرعة ... طبعا فاديت إللي قدرت أفاديه ... بس جت طوبة في الإكصيدام الأمامي يمين ... سمعت صوت خبطة جامدة ... بعديها ب5 ثواني سمعت صوت طرقعة وتخبيط بعد كدة راح ... روحت راكن بسرعة ونزلت أشوف لقيت عندي الإكصيدام إتخلع سنة من مكانه ... ببص لقيت كرتيرة بيت العجل ( أمامي يمين ) مش موجودة ... طبعا الساعة كانت 1 بليل والدنيا ضلمة وأنا كنت مشيت حبة قبل ما أقف ... في الآخر ملقيتهاش ...

حد ممكن يفيدني أقدر أجيبها منين الكرتيرة ديه ؟ ضروري أوي ياجماعة

وياسلام لو حد في الأسكندرية ... عشان أنا مش راجع القاهرة إلا بعد 9 أيام

وجزاكم الله 1000 خير ... وربنا يخلصنا من زبالين التريلات إللي قاعدين بيؤذوا الناس ... حسبي الله ونعم الوكيل !

بالمناسبة كلمت التوكيل مش موجودة عنده دلوقتي

[ahmed.zahra]

اعتقد حتلاقيها في شارع صلاح الدين عندك في اسكندرية

[DESIGNER105]

اعتقد الكارتيرة الى المتوافقه معاها بتاعة كيا سيراتو ...بس اتـاكد بردو قبل متجبها عشان مش متأكد بس تقريبا قريت عالنت حاجه كده ..........

[koheya]

في اخر شارع 45 فية كنيسة علي اليمين قدامها محل اسمة الراعي لسة شايف عندة الكارتيرة من كام يوم وكانت 160جنية

[mmaaly]

اشتريتها مرتين بـ120جم من محل مكه فى شارع دمشق

[eng.m7md.ali]

الحمد لله ان انت كويس وده الاهم

[Eng.Osama.Afifi]

جيبتها من مكة إللي في شارع دمشق .... 1000 شكر للأخ mmaaly


ربنا يكرمكم ويجازيكم 1000 خير ياشباب

ربنا يبعد عنكم ولاد التريلات