إستفسار بخصوص البيرسونا

[mshaheen1]

ازيكم ياشباب

انا نويت بإذن الله على البيرسونا بعد مقارنة طويلة مع الصنى الجديدة

وفى نقطتين خايف منهم ياريت تطمنونى بخصوهم :

- إستهلاك البنزين ...يعنى التفويلة تعمل قد ايه تقريبا ؟سعة التانك؟

-تأمين العربية ضد السرقة أزاى اقدر أمن العربية وهل ينفع أركب إنذار ؟

- الصيانة اعملها فين ؟

شاكر ليكم مروركم الكريم

[Al-Farooq]

اختيار موفق وهتنبسط بها ان شاء الله.

طبعاً البرسونا اوتو،
فاستهلاك البنزين بتاعها زي اى عربية اوتوماتيك 1600 سي سي ، فى الزحمة استهلاك رخم ومتقدرش تحسب الاستهلاك فى الزحمة.

بالنسبة للسفر ، اول البارح عملت تقريبا 270 كيلو على سرعه بتتراوح بين 80 ل 120 بالتكييف ب 21 لتر ، بحمولة تقريبا 250 كيلو .

تانك العربية 50 لتر ، فى 10 لتر مش بيظهروا قدامك ، يعني نص المؤشر تبقي استهلكت 20 لتر مش 25 لتر ، ويبدأ ينور تحذير لك فى آخر 15 ل 10 لتر تقريبا .


تأمين العربية ، اولاً بالنسبة للإنذار فالعربية فيها انذار مرتبط بكنترول العربية ، لو هتركب انذار اضافي ، الكهرباء هتخرج من الضمان .
العربية فيها امبولايزر ، الموتور مش هيدور غير بالمفتاح.

ولو كنت تقصد تأمين ضد السرقة يعني شركات تأمين ان شاء الله الاخوة يفيدوك.

بالنسبة للصيانة فقدامك اختيارات ، بالنسبة للقاهرة ، عندك المركز الرئيسي عز العرب الصحراوي ، او ممكن فى العجوزة ، او فى عصام صفا فى الحرفيين ، 99% من الناس بتشكر فى عصام صفا.

[D . a .\ AYMAN]

ازيكم ياشباب

انا نويت بإذن الله على البيرسونا بعد مقارنة طويلة مع الصنى الجديدة

وفى نقطتين خايف منهم ياريت تطمنونى بخصوهم :

- إستهلاك البنزين ...يعنى التفويلة تعمل قد ايه تقريبا ؟سعة التانك؟

-تأمين العربية ضد السرقة أزاى اقدر أمن العربية وهل ينفع أركب إنذار ؟

- الصيانة اعملها فين ؟

شاكر ليكم مروركم الكريم

استهلاك البنزين عندي تقريبا حوالي 215 في الصفيحة ما بين الزحمة والمعظم بيكون طوالي على الدائري بس الدائري انهاردة بقى على طول واقف فـ مش عارف أقول عليه طوالي ولا زحمة

مع ملاحظة إن عندى العربية لسة عاملة حوالي 2000 كيلو فقط ... والمفروض الاستهلاك يتحسن عن كدة بإذن الله


بالنسبة للإنذار ... هية العربية فيها أصلا إنذار والنظام بتاعها متكامل جدا مع الكوتنرول يونت بتاعتها فانت مش محتاج تركب إنذار إضافي بإذن الله

اختيار موفق وهتنبسط بها ان شاء الله.

طبعاً البرسونا اوتو،
فاستهلاك البنزين بتاعها زي اى عربية اوتوماتيك 1600 سي سي ، فى الزحمة استهلاك رخم ومتقدرش تحسب الاستهلاك فى الزحمة.

بالنسبة للسفر ، اول البارح عملت تقريبا 270 كيلو على سرعه بتتراوح بين 80 ل 120 بالتكييف ب 21 لتر ، بحمولة تقريبا 250 كيلو .

تانك العربية 50 لتر ، فى 10 لتر مش بيظهروا قدامك ، يعني نص المؤشر تبقي استهلكت 20 لتر مش 25 لتر ، ويبدأ ينور تحذير لك فى آخر 15 ل 10 لتر تقريبا .


تأمين العربية ، اولاً بالنسبة للإنذار فالعربية فيها انذار مرتبط بكنترول العربية ، لو هتركب انذار اضافي ، الكهرباء هتخرج من الضمان .
العربية فيها امبولايزر ، الموتور مش هيدور غير بالمفتاح.

ولو كنت تقصد تأمين ضد السرقة يعني شركات تأمين ان شاء الله الاخوة يفيدوك.

بالنسبة للصيانة فقدامك اختيارات ، بالنسبة للقاهرة ، عندك المركز الرئيسي عز العرب الصحراوي ، او ممكن فى العجوزة ، او فى عصام صفا فى الحرفيين ، 99% من الناس بتشكر فى عصام صفا.

+1

بالنسبة للتانك أعتقد إنه حوالي 43 لتر وليس 50 ... لأن العربية كانت قاطعة معايا مرة أثناء أزمة البنزين .. وحطتلها تقريبا 3 لتر وبعد كدة مشيت بيهم حوالي 10 كيلو وفولت 40 لتر تقريبا

بكدة ممكن تكون هية 45 لتر تقريبا لو حسبنا إنت العشرة كيلومتر دول خدت فيهم لتر

[Al-Farooq]

+1

بالنسبة للتانك أعتقد إنه حوالي 43 لتر وليس 50 ... لأن العربية كانت قاطعة معايا مرة أثناء أزمة البنزين .. وحطتلها تقريبا 3 لتر وبعد كدة مشيت بيهم حوالي 10 كيلو وفولت 40 لتر تقريبا

بكدة ممكن تكون هية 45 لتر تقريبا لو حسبنا إنت العشرة كيلومتر دول خدت فيهم لتر

راجع يا باشا الكتالوج ، صفحة رقم 62.

سعة خزان الوقود : 50 لتر.

[hoko]

اختيار موفق بأذن الله
واحب اقولك ان استهلاك البنزين :- الصفيحه ( 20 لتر ) بتعمل 220 كم فى الاستخدام العادى وعلى السريع ( متوسط 140 كم/س ) بتستهلك نفس المعدل وممكن 230 كم/ ص وبالنسبه للانذار العربيه مجه زه بالايموبيليزر ( مانع السرقه) وبالتالى لست فى حاجه لانذار اخر
التانك فعلا سعة (50 لتر )
ومبروك مقدمآ

[mshaheen1]

الف شكر ليكم ياشباب جزاكم الله كل خير

هنتوكل على الله وربنا ييسر لنا الخير

[yasso77]

نصيحه بلاش بيرسونا وهات صني انا بضرب نفسي ميه ززززززززز لاني جيبت الجين 2 وهبيعها ان شاء الله واجيب نيسان صني

[Zazoksh]

عزيزى/ mshaheen1
إختيار موفق وبجدارة وعن ثقة

السيارة معى من بداية العام ... سلاسة فى القيادة .. أمان على الطريق .. رحابة داخلية ملموسة .. شنطة كبيرة لم أكن أتوقع حجمها .. وسائل أمان قلما تجدها فى سيارات مماثلة فى فئتها السعرية ... وكثير من المميزات (عدد 2 إير باج / فرامل ABS/EBD / سنسورات خلفية / نوافذ كهربائية / مرايات كهربائية / راديو-سى دى-يو.إس.بى / أبواب مدعمة بألواح فولاذية / فوجات شبورة)

تعرف الحاجة الوحيدة إللى مش موجودة فى السيارة أيه ؟ (صحيح هذا ضايقنى فى البداية ولكنى فى الأخر برضة احترمتها) ... عدم وجود طفاية سجاير وولاعة .. بالرغم من وجود مكان لقابس 12 فولت .. لزوم شحن أجهزة الموبايل وأشباهه .

استهلاكها للبنزين رائع بالنسبة لسعة الموتور وقوته وحجم السيارة ... (عندك فى لوحة العدادات زرار بتضغطه يبين لك استهلاك الوقود لكل 100 كم ... يعتبر مؤشر واضح لإستهلاكك

أتكل على الله .. وربنا يديك خيرها ويكفيك شرها

مع أطيب تمنياتى للجميع بالصحة والسعادة والسلامة ،،،،

Zazoksh - Cairo, EGYPT

[DESIGNER105]

انا معايا جين 2 . استهلاك البنزين حوالى 200 كيلو قبل مالمبه بتاعت البنزين تنور جوه المدينه فى الزحمه وتشغيل التكيف كتير ...يعنى اكيد بيكون لسه فيه عشرين كيلو كمان او اكتر ممكن امشى بيهم بعد مالمبه تنور..التانك تقريبا 43 او 45 لتر .. لما بفول والمبه منوره بعمل 43 لتر ..بس اكيد بيبقى فيهكام لتر فى العربيه لنها ماشيه .... وفى الاخر كل عربيه فيها عيوب وفيها مميزات ....افرح بمميزتها وتقبل عيوبها ...واشترى العربيه الى انت حاببها اكتر عشان تقدر تتقبل عيوبها وتعيش معاها ....

[mshaheen1]

نصيحه بلاش بيرسونا وهات صني انا بضرب نفسي ميه ززززززززز لاني جيبت الجين 2 وهبيعها ان شاء الله واجيب نيسان صني

ليه أخى الكريم أذكر لنا العيوب من فضلك

[mido_soliman]

نصيحه بلاش بيرسونا وهات صني انا بضرب نفسي ميه ززززززززز لاني جيبت الجين 2 وهبيعها ان شاء الله واجيب نيسان صني

طب ياريت تفيدنا اية الى حصل معاك علشان نبيع كلنا
انا العربية معايا بقالها سنتين ومش عارف اضرب نفسى ززززززززززز لانها مش مديانى فرصة
اية اللى حصل معاك يهمنا نعرف والراجل اللى بيشترى كمان يهمة

[virus2007]

متابع باهتمام