عيب صناعة في الساجا خلوا بالكم

[MITSUKERO]

السلام عليكم

الموقف ده حصل مع صديق ليا و حبيت انقلة للإفادة

اول حاجة العربية ساجا 2010 كاملة اوتوماتيك عاملة 14500 كيلو

العربية في الضمان

مرة واحدة العربية سخنت و صاحبي كلمني و رحتله و فضلنا نبص علي العربية و كل اللي لاحظته ان الريدياتير بيجيب مياة و شكلة مخروم بس مش باين بيجيب منين

المهم الكلام ده كان يوم الخميس فسبنا العربية و مشينا و يوم السبت هو كلم التوكيل بعتوله ونش ب 200 جنية و تراضي السواق زي ما قالوله المهم شال العربية من مدينة نصر وداها التوكيل اللي في الصحراوي

انهرده عملوله العربية و الريدياتير اتغير في الضمان و مخدوش فلوس و قالوله ده عيب صناعه في الردياتير و احنا عارفينه

العيب نتيجة ايه مفهمتش اوي من صاحبي بس هو قالي بالنص ان في كاوتشة بتحك في حاجة مع المطبات بتعمل الموضوع ده

حبيت انقل ليكم المووضع ده و خلوا بالكم كويس لان ربنا ستر ان صاحبي اخد باله من ارتفاع الحرارة

[المنسي]

شكرا للتوضيح

[eng.m7md.ali]

دي حاجة طبيعية في اي عربية مش شرط في الساجا بس
وارد جداً يكون في عيوب صناعة في اي عربية

[MITSUKERO]

دي حاجة طبيعية في اي عربية مش شرط في الساجا بس
وارد جداً يكون في عيوب صناعة في اي عربية

كلام مظبوط 100% بس المفروض الوكيل يسحب العربية و يعدل العيب

علي كل الاحوال كل واحد يعرف معلومة يقدر يفيد بيها الناس لازم يقولها بدام متأكد منها

و ده برضة ميقللشي من العربية ابدا

[YahiaAshraf]

الف شكر للتوضيح

[Al-Farooq]

كلام مظبوط 100% بس المفروض الوكيل يسحب العربية و يعدل العيب

علي كل الاحوال كل واحد يعرف معلومة يقدر يفيد بيها الناس لازم يقولها بدام متأكد منها

و ده برضة ميقللشي من العربية ابدا

تمام ، بس عملية السحب تتم لو كان العيب فى كل العربيات ، فهل كل الساجا بيحصل فيها المشكلة دي ؟!!!!

[MITSUKERO]

تمام ، بس عملية السحب تتم لو كان العيب فى كل العربيات ، فهل كل الساجا بيحصل فيها المشكلة دي ؟!!!!

لا معرفشي

انا كل اللي المهندس قاله لصاحبي ان هم عارفين المشكلة دي في الساجا و بنعملها علي حسابنا

بس الفكرة هنا ان العيب ده ممكن يضيع الموتور لو الواحد مأخدشي باله.

ربنا يسترها بصراحة و يهدي التوكيلات و تعرف ان الناس بتدفع دم قلبها في العربيات عشان يستريحوا مش عشان يطلع عينهم

[Zazoksh]

على الأقل طلع توكيل محترم .. مش زى باقى التوكيلات إللى تقول مالناش دعوة

مع أطيب تمنياتى القلبية للجميع بالصحة والسعادة والسلامة ،،،

Zazoksh - Cairo, EGYPT

[MITSUKERO]

على الأقل طلع توكيل محترم .. مش زى باقى التوكيلات إللى تقول مالناش دعوة

مع أطيب تمنياتى القلبية للجميع بالصحة والسعادة والسلامة ،،،

zazoksh - cairo, egypt

بصراحة اه هم فعلا محترمين جدا حتي لما بعتوله الونش قالوله متجيش مع العربية و احنا هنكلمك لما نخلص و فعلا ده اللي حصل و هو كل اللي اتكلفه هو تمن الونش لانه خاف يمشي بالعربية طبعا و هي بتسخن

ربنا يهدي و الحمد لله انها جت علي قد كده