عاوز مساعدتكم يا شباب التوكيل عاوز 64 الف جنية لقطع الغيار بس

[be7ee]

انا وديت العربية التوكيل والمقيسة خلصت واتسعرت وكانت الصدمة انهم عوزين يغيرو وش العرية بالكامل وقطع الغيار في المقيسة هتكلف 64 الف جنية !!!!!!

طلبت من المهندس اني اعمل شغل السمكرة الي فيها الرفارف والكبوت والاكصدام لو فية استعدال لشاسية في التوكيل وقلتلة هعمل الباقي برة علشان بصراحة الرقم دة كبير اوي واكيد انتو كتبين حجات ممكن تتصلح او مفيهاش مشكلة وانتو هتغيروها المهم قالي مينفعش يا تعمل العرية كلها في التوكيل يا تعملها كلها برة المهم خلاصة الكلام ..... محتاج مساعدتكم لو حد يعرف اتصرف ازاي ياريت ما يبخليش عليا برئية

[mshaheen1]

ان شاء الله الاخوة يفيدوك وربنا هيعوضك عليك بإذن الله قول الحمد لله دوما

[Ghosts]

64000 جنية أية اللى هيصلحوا بيهم العربية؟؟!!
دة أسمة أستهباااااال رسمى نظمى ....
دة العربية الزيرو ب 87000 ....

[abu_soheib]

هي العربية دي أيه؟ جين تو؟
معلش الأول ربنا يخلف عليك و يعوضك عنها خير
بس ده مبلغ مبالغ فيه جدا, بيتهيألي لو نزلت الحرفيين عمرها ما تتكلف 20 ألف
أنا شايف لو هي الجين تو تنزل الحرفيين أو بورسعيد و تدور على نص أمامي
و لا هتتكلم في المبالغ دي خالص
ربنا يعوضك عنها خير إن شاء الله

[A7MED_PHARMA]

كلام الرجالة تمام
توكيل ايه الي ياخد تقريبا تمن العربية في تصليحها
إنزل بورسعيد .. هات نص أمامي كامل بكل حاجته
والي يفضل منه بيعه

[koheya]

اسال الله العلي القدير ان ياجرك وان يبدلك خيرا منها.رايي انك تبيعها زي ما هية لحد بيشتري حوادث وبكدة تكون ريحت دماغك وعلي حسب سعر البيع يعني مثلا لو حتجيب 35 الف يبقي بيعها لانك بعد تصليحها ب30 الف مثلا حتبيعها ب60الف طبعا كل الارقام دي تقريبية بس دي مجرد وجهه نظري.اما لو مصمم تصلحها صلحها برة لان فرق السعر حيبقي كبير .الاهم من كل دة اوعي تزعل الحمد لله انك مصرفتش المبلغ دة لتصليح نفسك لا قدر الله الحمد لله انك بخير وباذن الله بكرة تجيب الي احسن منها العربية في ستين داهية بس المصيبة في الايمان او النفس او الاهل اكبر.

[alnmr79]

اولا انتى عايز واحد سمكرى قرد بجد علشان يعالج الدواخل باقل خسائر,
ثانيا هى العربية دى موجودة استيراد فى بور سعيد والا لاء؟لو موجودة جبها كاملة نصين اونص امامى نفس اللون ايهما اوفر وشيل اللى هنا بكل حاجة من ماتور وفتيس ودائرة التبريد بالتكييف وسقط كلها فى عربيتك يبقى اوفر بكتيير وركبت عربية جديدة بربع اللى عايزو التوكيل.
والف حمدلله على السلامة.

[DESIGNER105]

طبعا ابعد عن التوكيل ..اتعامل بره اوفر واضمن كمان ... انا ليا تجربة مع التوكيل زى الزفت ابعد عنو

[Nistelrooy]

حمدلله علي سلامتك وان شاء الله تتصلح باقل من كدا بكتير وترجع زي الاول

[r2tarek]

السلام عليكم

انا راى اطلع على مركز عصام وصفا واسال هتتكلف كام ؟

وانشاء الله ربنا هيعوض عليك وهيعطيك احسن منها فداك اى حاجه

[عقاري الصوابر]

الحمد لله علي سلامتك أولا وأخي السائل بيع العربيه أحسن لأن أكثر الحوادث الأماميه للعربيات لاتنضبط فيوجد بها إنعواج أو إنحراف شديد علشان كده التوكيل أعطاك سعر غالي لأنك ممكن تبهدله في حكاية العربيه وتصليح الشاصي من الأمام لذلك هو قالك هذا السعر لكي لايحرج نفسه معاك وربنا معاك بيعها أحسن وتوكل علي الله بالتوفيق

[eng.m7md.ali]

64 الف عفريت ينططهم
بيع العربية احسن لانها عاملة زي البي ام متتركبش غير مظبوطة على الشعرة
والف سلامة عليك وكويس انك بخير
من الواضح في الصور انها ممكن تستعدل الربعين اللي قدام مش شرط يتغيرو

[mangere90]

السلام عليكم ورحمة الله وبركاته

اولا حمدلله علي سلامتك , عايز اقول لحضرتك ان العربيه كلها في الحرفين مش هتزيد عن 30الف جنيه
ياعني حضرتك ممكن تشتريها كامله وتشوف حضرتك ممكن تاخد الكروسليه كله وتسقط عليه حاجتك وتشوف سمكري كويس ياخدلك رقم الشاسيه ويحطه علي الكورسليه الجديد وكأنك ركبت عربية جديدة احسن ماتسمكر وفي الأخر برده مش هتطلع مظبوطه وربنا يوفقق ان شاء الله ...

[saint2011]

ده أستهبال 64000 قرد ينططهم حضرتك روح لسمكرى أبن حلال هيشوف ممكن ايه يجاب من بورسعيد او الحرفيين وهتخلص فى أقل الأشياء ومتهيالى مش هتعدى 15000 الى 20000 جنية ويمكن أقل وممكن بعد كده تبعها او تركبها وربنا يسترها معاك

[m.3abdel3al]

يا جماعة مفيش حاجة اسمها نصين في الجيم و لا حتى نص قدام علشان كل المتقطع دركسيون يمين و مفيش بتاع قطع غيار بروتون في بورسعيد اصلا و نصين العربية " دركسيون يمين اكتر من 30 الف و هي دي اسعار السوق "