عيوب جين 2

[Samir Elshahawy]

.
بس أي حاجة في الدنيا تحافظ عليها تعيش معاك و تعمر .

دي الخلاصة

حتي لو راكب توك توك صيني , طالما بتحافظ عليه و بتعمل له صيانة مظبوطة هايعيش و يعمر معاك أحسن من أي حاجة تانية متهانة

[D . a .\ AYMAN]

أما التميز
فهو عدم الأنتشار و الجين 2 ينطبق عليها الكلام ده لأنها مش منتشرة .
يعني مثلا اللي راكب فيرنا (راكب عربية ممتازة ) و لكنها ليست مميزة
اللي راكب هيونداي كوبيه ..... ده مميز ....... اللي راكب جين 2 ...... ده مميز ....... اللي راكب بي أم كوبيه ده مميزة
مميز مش علشان العربية فيراري ........ مميز علشان مفيش منه كتير .



بُص يا باشا .
هاتلي عدد الناس اللي عندها مشاكل ..... و قارنه بعدد الناس اللي أشترت العربية و معندهاش مشاكل .

أنا بستخدم جين 2 من سنة 2007
و معنديش حاجة
بعمل صيانتي في التوكيل ........ و بسوق على مهلي و محافظ على عربيتي .

بالنسبة للياريس
الياريس عربية حلوة و جميلة و معمرة و موفرة في البنزين .

الجين 2 بتتميز عنها في الكماليات ..... و الثبات (بفارق ملحوظ) ..... و الشكل (و لو أن الشكل ده أذواق )
و طبعا الياريس عربية تويوتا ........ و تويوتا مشهور عنها الأعمادية و قلة الأعطال و طعا بالاضافة للموتور الصغير القوي الموفر في البنزين .
بس أي حاجة في الدنيا تحافظ عليها تعيش معاك و تعمر .

الجين 2 طبعا أستهلاكها أعلى من الياريس في السواقة الطبيعية نظرا للفارق بين سعة الموتورين.

الجين 2 بتستهلك بنزين لو سواقتك كلها داخل البلد يعني وقوق كتير .... اشارات كتير ...... مش بتعدي 50 كم - س . و على طول ماشي أول و ثاني في الغيارات .

العربية على طرق السفر ........................... ممتازة في كل شئ
ثبات و تحكم ............... أستهلاك بنزين ممتاز .................

متوسط الأستهلاك من 200 إلى 250 كم لكل 20 لتر .
حسب طريقة سواقتك و حرقك على الموتور ..... و هكذا .

بالنسبة للمانوال و الأتو ......... دي حاجة ترجعلك أنت
لو بنتكلم في الجديد طبعا .

لو هاتشتري حاجة قديمة
أي موديل قبل 2009 ......... المانوال أفضل
من 2009 فيما فوق ............. الأثنني حلوين .


بالنسبة لموضوع الأعطال .
مش هاقدر أفيدك في الياريس ...... أصحاب الياريس يقدروا يفيدوك عني لأني مش مستخدم للعربية بأستمرار .

بالنسبة للجين 2
أعطالها عادية زيها زي أي عربية ...... و أنا بتكلم عن تجربتي الشخصية .
لو بنتكلم على آراء الناس عموما على نايل موتورز .......... ممكن نقول مثلا 7 أو 8 من عشرة .

+1
كلام سليم ومتفق معه تماما ... الله يفتح عليك

[ahmed_h_g]

بأختصار شديد
الفرق بين الجين 2 و الأر بي الآتي :

فرق شكل ......... الأربي أجدد شكلا و كلها حلو ........ بس الجين 2 مازالت سيارة جميلة و من أجمل السيارات تصميما و خصوصا تصميمها الرياضي .

فرق سعر شايع (لو بنتكلم عن الكاملة من الأر بي )
على كوناكت كارز بادئة من 104 إلى 123 ألف جنيه .
الجين 2 الكاملة أوتوماتيك 96 ألف .

الفروق الجوهرية بين العربيتين
الثبات و التحكم في السيارة لا يقارن ........... لصالح الجين 2 .

سعر البيع ......... أنتشار قطع الغيار ....... سهولة الأصلاح علشان لأنتشار .......... أسم قوي في السوق .......... لصالح الأر بي .

بُص هو في النهاية كل واحدة منهم لها مميزات و لها عيوب .(مفيش شئ كامل )

شوف أنت ميال لأيه ....... لو غاوي جين 2 ...... أتكل على الله عربية ممتازة .

و لو غاوي أر بي أو عايز تركب اللي راكبه الشعب (علشان الأنتشار ) ........ هات أر بي و هي سيارة ممتازة برضه .
عايز تجيب معلومات أكتر عن الأر بي و عن تجارب ملاكها
ممكن تدخل قسم هيونداي و الناس أيد إن شاء الله هاتفيدك .

أنا أقدر أقولك على الجين 2 بحكم تجربتي مع عربيتين جين 2 (أمتلكتهم ) أنها سيارة ممتازة و أكثر ما يميزها الثبات و التحكم و الشكل و السعر و قوة الصاج . و عوامل الأمان .

العيوب اللي أنت سألت عليها هاختصرهالك

فيه ناس بتشتكي من التوكيل ....... أنا مش بشتكي منه ...... و لكن أنا رأيي أنه توكيل عادي لا هو واو ....... و لا هو سئ و ده رأيي الشخصي بعد تجربة 5 سنين معاهم .

توافر قطع الغيار ....... بعض القطع الغير الأستهلاكية في التوكيل وجودها مش كتير .
إنما خارج التوكيل فيه محلات قطع غيار بتبيع مخصوص لبروتون و فيه كمان حاجات الأستيراد .و الجديد في محلات قطع الغيار .

كدا متهيألي دي نقطة لصالح الأر بي .... غبور دائما بيوفر قطع غيار للعربيات اللي هو شغال فيها و هو توكيل كبير بغض النظر عن الكلام اللي طالع عليه (سوء المعاملة - توكيل سئ ) .

برضه ماركة هيونداي منتشرة في السوق و قطع الغيار لا أعتقد أنها هاتكون مشكلة لأي مالك سيارة هيونداي .

أنا جاري لسة شاري كيا سيراتو (راجل كبير في السن ) بقوله أنت شاريها لسبب معين .
قالي لاءة ...... بشوف الناس كلها راكبها .......... فصباح الجمال يعني ......... أكيد هاتلاقي تجار كوري كتير
و دي مؤشر تاني لسعر البيع و سرعة البيع في حالة اعادة البيع .
على عكس الجين 2
لها ناسها .

يا سلام عليك يا جامد لما تبقى رايق
برنس والله
ما شاء الله اللهم لا حسد