إعـــــــلان

Collapse

.

,
See more
See less

الى كل من يهمه الامر بخصوص ال جين-2

Collapse
X
 
  • Filter
  • الوقت
  • Show
Clear All
new posts

  • الى كل من يهمه الامر بخصوص ال جين-2

    2
    من خلال المتابعة لهذا الموضوع وجميع الموضوعات فى هذا المنتدى الجميل وجميع المنتديات بخصوص ال جين-2
    ارى من وجهة نظرى ان كل من يشكر فى العربية ليست معة أساسا وانما سمع من واحد صحبة اوشافها او سمع عنها فى المنتدى أو .....أو...... الخ
    وذلك لان العربية مش منتشرة أوى فى مصر يادوب بقالها سنة ونصف
    والى عندة العربية اما العيب ظهرت بسرعة فيشتكى ويقول عيوبة واما لسة شريها جديدة ولسة ما ظهرتش فالطبيعى انه يشكر فيها وذلك للشكل وما الى ذلك
    وخلينا نكون واقعين اكتر
    المعادلة الى كل الناس عرفاها ان اى عربية جديدة لاتظهر فيها اى شىء قبل خمس سنوات على الاقل وتزيد المدة مع حسن الاستخدام
    والا كنا نجيب مستعمل وخلاص ونوفر فى الفلوس
    وانا بصراحة كنت عاوز اجيب مستعمل (فى حدود فلوسى وخلاص)ولكن غيرت رأى لما سمعت وشوفت عن ال جين 2 لدرجة اننى اتسحرت بيها ولكن بعدما تابعت الموضوع فكرت مش ألف مرة ..... لا مليون مرة اية يخلى عربية بالمواصفات الهايلة دى كلها وبالسعر دة أكيد فى حاجة وقد كان ...
    متشكر جدا جدا وأرجو الرد على كلامى

  • #2
    مش فاهم يعني انت رأيك انها عربيه حلوه ولا وحشه ...

    انا مقدرتش افهم وجهة نظرك بصراحه


    اللي فهمته انك بتتكلم عن الجين 2 وعايز تعرف فين الإنا

    صح كده ............

    أهم حاجه بخصوص الجين
    - عايزه واحد فاضي شويتين عشان يقدر يتفرغ للمشاكل الهايفه اللي ها تقابله في التقفيل ويقدر بقه يستحمل مشواير التوكيل كل فتره وعنده قدر كبير من الصبر والحكمه عشان يعرف يتعامل مع برود الوكيل ومماطلته
    - كتجربه قياده العربيه ادائها جيد جدا وممتعه في سواقتها
    - كشكل العربيه ممتازه ومناسبه للشباب
    - حجم الصالون معقول بس مش كبيير ومريح
    - بخصوص السعر هو ميزه كبيره خصوصا لو واحد جابها زيرو وغيرها مثلا كل 3 سنين (فتره الضمان)ها يكلفوه 15000 جنيه كخسارة رأسمالية على اساس انها هتتباع في حدود 70 الف جنيه
    يعني تقدر تغير العربيه 4 مرات في 12 سنه بتكلفه 60000 ... وتفضل طول ال 12 سنه متغطي بضمان (حتى لو كان ضمان في كلام بناء على عيوب الوكيل)
    وفي نفس الوقت هتاخد احسن اداء للعربيه في الفتره دي
    واكيد هتاخد ميزة التطور التكنولوجي في الاجيال الاحدث


    على فكره الكلام ده كان حد من الزملاء الكرام قاله في مناقشه سابقه بطريقه مختلفه
    و الرأي عجبني بصراحه .... يعني اركب كل 3 سنين احدث موديل ...... احسن من اني اركب عربيه غاليه لمده 12 سنه ... ده رأي ... على الاقل في المرحله العمريه بتاعتنا
    [خبئ قصائدك القديمة كلها .... مزق دفاترك القديمة كلها
    واكتب لمصر اليوم شعرا مثلها ... لا صمت بعد اليوم يفرض خوفه
    فاكتب سلاما نيل مصر وأهلها

    Comment


    • #3
      انا برضو مش فاهم هل انت جبت العربيه ولا لا ؟؟؟ والرأي ده بناء على تجربه ليها وكان ايه نتيجة التجربه دي بالظبط ياريت تفيدنا بكلام ادق شويه وتوضح لينا
      لان في ناس زي كده مقبله على الشراء للجين 2 وعايز تجارب عمليه واراء ثاقبه
      حلوه ثاقبه دي :)
      But I still appreciate and love SubarU
      [SIGPIC][/SIGPIC]
      وربنا يبارك في الالفا
      [sor2]http://a6.sphotos.ak.fbcdn.net/hphotos-ak-snc6/217691_10150559801360004_668230003_17753507_4410326_n.jpg[/sor2]

      Comment


      • #4
        الكلام واضح وصريح
        انا بفكر اجيب العربية بس بعد ما سمعت عن كل العيوب دى احتمال أغير راى

        Comment


        • #5
          حضرتك برضه من الناس اللي ميعرفوش العربيه ومعلوماتهم من المنتديات و بيعطي رأي عليها

          Comment


          • #6
            ثانية واحدة بس عشان أنا حقيقي مش فهمك ؟إنت فاتح التوبيك ده مخصوص عشان تقول رأيك ولا تحكي تجربة ولا ايه بظبط ؟ أصل مش معقول كل واحد محصور ف رأي ولا حاجة هيفتح بها توبيك إنت كان لسة عندك توبيك إتقفل عن ال-gen2 اتكلم عن كل حاجة تتخيلها ومتتخيلهاش من أول افيز الشكمان لغاية الجاجوار وال audi وال نظريات الإقتصادية الهندسية الفحلقية وكان فيه ٢٨١ مشاركة فمش معقول كل واحد من دول يفتح توبيك عشان يقول رأيه وخلاص
            بجد مش قصدي أديقك بس ده من ال شفتو بس
            [FONT=Georgia][SIZE=5][COLOR=indigo]Happiness is a decision not a destination[/COLOR][/SIZE][/FONT]
            [FONT=Georgia][SIZE=5][COLOR=#4b0082][/COLOR][/SIZE][/FONT]
            [IMG]http://img181.imageshack.us/img181/1233/storisigpz1.gif[/IMG]

            Comment


            • #7
              ليه سعر الجين 2 منخفض عن مثيلاتها في السوق

              - مصنع بروتون لا يدفع ضرائب للحكومة الماليزية ( لأنه ملك الحكومة و الحكومة عايزة يقف على يجليه و ينافس )
              - اسم جديد بيشق طريقه في السوق و لازم ينزل بالسعر علشان ينافس و يقلل من ربحه
              - الأيدي العاملة الرخيصة في منطقة آسيا
              - الخامات الفقيرة للصالون
              - عملة ماليزيا الرخيصة
              - نسبة الجمارك على الماليزي و الكوري أقل من الأوربي و الياباني ( على ما أعتقد ) أنا غير متأكد من النقطة دي

              ---------------------------------------

              و أنا شايف عكس كلامك

              اللي بيشكر اللي معاه العربية
              و اللي بيذم اللي محطش رجله فيها أصلا

              -------------------------------------
              عربيتي عاملة 6000 كم ,,,,,,,,,, و معنديش أي مشاكل من أي نوع
              عربيتي صاحبي عديت 80 ألف و مبيغيرش غير الزيت و فلتر الهوا
              عربيتي واحدة تاني عاملة فوق 30 ألف و ماشية معاه زي الفل و العيب الوحيد اللي ظهر ......... زجاج الكهرباء كان بيعلق معاه و اتصلح في ساعة في التوكيل و أنتهت المشكلة

              هل فيه حد من ملاك الجين 2 أشتكى منها
              أيوة و أقلية
              هل حد شكر فيها من ملاكها ؟
              أيوة و أغلبهم
              و ده طبيعي جدا
              مفيش إجتماع على رأي واحد من الناس و ده راجع لاختلاف الأذواق و أختلاف التجارب

              هل حد ذم فيها من غير ملاكها ................. كتير كتير كتير و حتى من غير ما يركبوها و لا يشوفوا أدائها
              و الحكم كان مسبق

              و الجين 2 زيها زي أي عربية في الدنيا
              تحافظ عليها ............ هاتعيش معاك
              هاتستعملها و فاكرها دبابة ................. هاتبوظ



              العربية عليها ضمان 100 ألف كيلومتر على المحرك و صندوق التروس أو خمسة سنوات كاملة

              و 3 سنوات أو 60 ألف كيلومتر على السيارة بالكامل

              و في انجلترا الضمان 6سنوات كاملة

              يعني الناس عارفة بتديك أيه مقابل الضمان

              -----------------

              و طبعا حضرتك تشتري أو ما تشتريش
              ده شئ يرجعلك و يرجع لظروفك و طريقة تفكيرك


              [img2]http://i59.tinypic.com/2vxpukz.jpg[/img2]

              Comment


              • #8
                عموما ربنا يوفقك و تجيب عربية تحبها و تريحك ان شاء الله
                [CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]

                Comment


                • #9
                  الاخ توت عنخ امون
                  انا متشكر على الرد والاهتمام ولكن 90000 الف مش شوى علشان احطهم فى عربية
                  يبقى لازم اعرف عنها كل صغيرة وكبيرة وشكراا لكل من رد على رسالتى

                  Comment


                  • #10
                    تكرار

                    الإشراف...

                    Comment


                    • #11
                      المشاركة الأصلية كتبت بواسطة mohamedhashem2010 مشاهدة المشاركة
                      :)الاخ توت عنخ امون
                      انا متشكر على الرد والاهتمام ولكن 90000 الف مش شوى علشان احطهم فى عربية
                      يبقى لازم اعرف عنها كل صغيرة وكبيرة وشكراا لكل من رد على رسالتى


                      فعلا ........... 90 ألف مبلغ كبير جدا
                      و لو أنا شايف إن العربية مكنتش تستاهل مكنتش عبرتها و لا أشتريتها
                      هو أنا كنت لاقي فلوسي في الشارع . ؟؟ و لا زارعهم في الجنينة عندي تحت ؟؟
                      لاءة الفلوس دي أنا تعبت بيها و علشان كدا برضه درست السوق زيك و توصلت للعربية بعد ما شوفت أصحابي معاهم العربية و بيشكروا فيها جدا
                      و جيت المنتدى و سألت و كل الناس شكرت فيها ( أقصد كل ملاكها )
                      و الحمد لله تعالى .............. أنا بعشق العربية دي يوم عن يوم
                      بتعمل معايا بنزين زي البونتو أم 1240 سي سي و بقوة 1600

                      و مفيش فيها حاجة تتعيب
                      و حتى الصالون أنا قلت أنه مش قوي !!!
                      بس هو مش وحش
                      زي الفيرنا و اللانوس و الياريس و الماتركس
                      يعني مش صالون مرسيدس ........... العربية في الأخر ب 90 ألف

                      إنما تحدث عن الميكانيكا و لا حرج ................. ما شاء الله تعالى عليها
                      صاحبي بقولك معاه العربية و عامل فوق 80 ألف في سنتين و نصف
                      و ما شاء الله ................ ربنا يحفظه و يحفظ عربيته من العين
                      مغيرش أي حاجة
                      وواحد تاني برضه فوق ال 30 ألف .......... و كل مشكلته كانت مع سلك فالت من سلوك توصيل الزجاج الكهربائي

                      و فيه واحد تاني موديل عربيته 2006 .... و كان الحامل بتاع الزجاج الكهربائي ضعيف و غيروه في الضمان

                      بس
                      لا حد طلع معاه عفشة ........... و لا عفريت أزرق
                      بالمناسبة أنا قابلت في التوكيل واحد عامل بعربيته 90 ألف أو أكتر
                      و قاعد يحكيلي عن طريقة سواقته ............ و باين عليه مجنون سواقة
                      و بيقولي أنه على طول مقفل العداد ............... و أقل سرعة له 170
                      و طبعا باين عليه و باين على العربية اللعب الكتير فيها
                      و كل اللي غيره ( على كلامهه )
                      زجاج أمامي و زجاج باب جانبي أنكسرو بسبب طوب على الطريق سقط من عربية نقل
                      و فلاتر و زيوت ............................... و تيل فرامل
                      و الحاجات اللي بتتغير بإستمرار مع الإستهلاك و غير كاوتش مرة واحدة
                      إنما العفشة ........... الموتور .............. الجير بوكس ............. ما لعبش فيهم خالص
                      و قالي بالفم المليان
                      " لو كان معاه عربية تانية غير دي ........... كان زمانها أتبهدلت من اللي بيعملوا فيها .......... و قالي على عربية تانية كانت معاه و ما استحملتش طريقته في السواقة "

                      بس برضة العربية و أي عربية تحافظ عليها تعيش أطول
                      تسوق بإهمال و سرعات عالية على طول
                      تقلل عمر أي موتور و تقصف أجله

                      أنت فهمتني

                      و في النهاية أنت من حقك تدرس السوق عربية عربية و تنتوفة تنتوفة
                      أنت ناوي تحط مبلغ مش صغير في الموضوع ده
                      و اللي يشبع رغباتك أتكل على الله و هاته
                      بس أنا بأوضح حقائق و تجارب ليس أكثر
                      [img2]http://i59.tinypic.com/2vxpukz.jpg[/img2]

                      Comment


                      • #12
                        أنا والله عجبانى ال جين 2 بس لما الكلام كتر عنها وكمية الردود خاصة المشكلة الخاصة بالاستاذ احمد صيام ومشكلة التوكيل ومراكز الخدمة بصراحة بدأت اقلق لان اهم حاجة فى اى عربية هى خدمة مابعد البيع وشكرا لرحبة صدرك واهتمامك ياتوت.

                        Comment


                        • #13
                          المشاركة الأصلية كتبت بواسطة mohamedhashem2010 مشاهدة المشاركة
                          أنا والله عجبانى ال جين 2 بس لما الكلام كتر عنها وكمية الردود خاصة المشكلة الخاصة بالاستاذ احمد صيام ومشكلة التوكيل ومراكز الخدمة بصراحة بدأت اقلق لان اهم حاجة فى اى عربية هى خدمة مابعد البيع وشكرا لرحبة صدرك واهتمامك ياتوت.
                          أقرأ القصة دي لزميل عزيز
                          أشترى عربية بملبغ كبير و كمان ألماني الصناعة و أمريكي الأصل
                          و دافع فيها مبلغ و قدره
                          الله يعينه فعلا
                          و طلع فيها المشاكل دي
                          أقرأ أنت .............................. و قول أيه رأيك
                          محدش قعد يشتم في فورد خالص ........................... هاتلاحظ كدا
                          و محدش قال عليها كلمة

                          و العيوب برضه بتطلع في كل العربية
                          و مشكلة حبيبنا أحمد صيام مش مقياس لأنها بتحصل مع كله
                          و ربنا برضه يعينه و يحلله مشكلته

                          و ادي المشكلة




                          المشاركة الأصلية كتبت بواسطة okmijn مشاهدة المشاركة
                          اول حاجة ازيكم اخباركم اية

                          المهم

                          انا كنت اشتنريت فورد فوكس جيا 2007 ( تقدر تقول اخر دفعة 2007 ) المهم اني بعد ما غربلت السوق عرفت انة العربية دي جمدة وحلوة جدا وفيها مميزات كترة جدا علي سعرها المهم خلصت البيعة وقتي علي طول وكمان اتعماي تخفيض علشان فوسي كانت كاش , والله فرحت انا قلت البداية مبشرة وبعدين اخد العربية وفضلت عايش بيها , فجأة صفارة ناقل السرعة ( اتومتيك ) بيصفر وانتا شايل المفتاح فجأة اتخرس خالص مبقاش يصفر مخدش واديت وبعدها بكام يوم لقيت العربية في تشغيلها بقت صعبة شوية ( يعني مبقتش تشتغل من اول مرة تقدر تقول من 2 او 3 مرة بتشتغل ) بردو مخدش واديت بعدين رحت الصيانة علشان اعمل صيانة 1000 ك لقين مهندس في غاية الاحترام والذوق اسمة م - عبدالرحمن ( مهندس الاستقبال ) تخد كلامي وكتبة في الجوب بتعتة ووقت عليها المهم الصيانة خلصت علي طول اخد العربة وزي الفل وقلي العربية يا باشا الله واكبر الله يباركلك فيها ونعم الشرء المهم مخبيش عليكم انا فرحت وقلتلة اخبار العيوب ياباشا قالي انا عملتلك رست للكمبيوتر والعربية بقت احسن من الفبريكة و, اختها واتكلتن علي الله , وبعدها بكام يوم لقيت الصفارة اول مابتحط الفتاح الفروض تصفر 4 صفارات وبعديت بتشغ لقيتا اتخرست - شلت المفتاح وبشغل تاني لقيتا مش ردية تشتغل ( جيت اكحلها عمتا ) وفضلت احاول لغاية لما اشتغلت الحمدلله ورحت الشغل , وبعدها ( تقريبا في نفس اليوم ) وانا راجع بليل لقيت الكمبيوتر بيصفر ويدي اشارة حمرة وبيقول - FUL SYSTEM ERRO - المهم وقت العربية علي طول وفتحت كتاب التعليمات لقيتة بيقول - STOP VIHICAL IMMIDIATLY - انظرت شوية وشغلت ومشيت عادي جدا وفي اليوم التالي وانا رايح الشغل لقيتا بيتعمل نفس الحكاية رحت موقف شوية ومشيت المهم رحت الصيانة اليوم إلي بعدة قلولي هنشوف إية إلي فيها وهنقلك , في الوقت دة اتعرف علي واحد في شو رووم معاة جيا بردو فرحت قلتلة علي مشكلتي قالي دة عيب حاجة اسمها - TP - وقالي لازم تغيرها منهم علشان ممكن يدبسوك فيها رحت راجع الصييانة كلمت المهندس عبد الرحمن راح قالي استني شوية جابلي واحد اسمة المهنس فادي شخصية ( كدابة وبتخدك علي اد عقلك ) بردو قالي كلمة ظريفة قالي مين إلي قالك علي الحاجة دية وقالي ياراجل دي حاجة بعيدة عنك , قلت ماشي واستلمت العربية ومشيت , سفرت شرم الشيخ وحصل معايا حاجة وحشة اول ( العربية طفت مني وانا ماشي ) انا معلافش إزاي , فضلت وراها لغاية لما اشتغلت وانا جوة شرم تقريبا ( 4000 ك) وقفت وقفة والله لايوريك العربية مش راضية تشتغل خاااااااااااااااااااااااااااااااااااااااااالص بالمعني العربي رحت راكنها رورحت بتكسي داخل شرم صحيت الصبح رحت للعربية وجايب الونش علشان اخدها من شرم لغاية 6 اكتوبر لقيتا اشتغلت طبعا اعتذرت للناس وبسرعة رحت وطاير علي مصر داخل التوكيل بكلم المهندس عبدالرحمن جابلي المهندس فادي تاني شوية قالي ياباشا احنا هانعمل الازم شوية ولقيت فادي بيقولي مدير المهندسي الكهربائيين عاوز يكلم حضرتك علشان يفهم اية المشكلة بالظبط قالت احسن بردو علشان دا الكهربائي الكبير اتكلمت معاه ( اسمة المهندس امير شخصية غير مهذبةوغير محترمة خااااااالص نهايا !!!!!!! ) المهم خلتصت مهعاة وقالي بص ياباشا انا هعملك كونكت علي فورد الام علشان احللك المشكلة قلت كويس وبعدين استلمت العربية يومين ولا حاجة ورحت عملت اليانة بتاعت 5000 ك وزي الفل شوية بعد اسبوع ولا حاجة العربية اتعطلت تاني وانا في الشارع الفجر اعمل اية اتصلت بخدمة الطوارئ محدش بيرد فضلت واراهم لغاية لما زهت المهم اتصل بواحد صحبي سحبلي العربية ( والله حرررررررررررررررررام !!!!! ) المهم رحت التوكيل تاني يوم الصبح وقاتلم المشكلة راح غادي قالي ياباشا العربية زي افل مفها حاجة رحت معلي صوتي في التوكيل قلتلة يعني انا بشتغلك ومضيع يوم من الشغل علشان اجي التوكيل ولا اية - راح قلي بيت العربية وبيتها نص اسبوع لية علشان الأحد فور قفلة ولاتنين معرف اية والخميس اية والجمعة اجازة المهم استلمهتا بعد نصف اسبوع راح قالي انا رجعت ضفيرة الكهربة كلها وانا ماشي من التوكيل لقيت منظر والله انا اترعبت لقيت شاشة الكومبيوتر بسيح قدامي نديت فادي علشان يشوفها قالي هاتها تاني بكرة علشان اغيرهالك قلت ماشي جيب تاني يوم وراح قالي تعالي اخر النهار علشان اكون خلصتها انا عملت نفسي مشيت بس ببص في السكرتة لقيتة رااااااااااااااااكن العربية في اخر التوكل فضل ساكت لغاية اخر اليوم ورحت عامل نفسي مشفتش حاجة وقلتلة اية الاخبار قالي غيرت ياباشا علي حساب الضمان روحت مزعق وفي التوكيل بصوت علي علي كدبة عيا مين سمع المهندس امي راح مزقع فيا ولخبك في الكلام قوي رحت محتر نفسي وطلبت المدير الرئيسي المهندس محمد مدير الصيانة ( اول ماتدخل التوكيل الباب التاني علي اليمين قدام الرسبشن ) راح قالي عنيا ومفيش مشكلة المهم اتعرفت علي واحد اسكندراني حصلة نفس المشكلة tp وشاشة واعطال وصفارة زي بالظبط المهم رحت رافع السماعة وكلمت الراجل الاول إلي قالي علي حكاية TP إلي قبلتة في الشو روم راح قالي ياباشا انا رفت قضية عليهم في حماية المستهلك واخد حقي رحت قافل التلفون وقلت للراجا الاسكندراني راح قالي انا معاك ( والله والله والله الراجل دة جاب عربية من اسكندرية علي ونش علشان مش عاوزة تشتغل ) وكلمت واحد صحبي اشتري فورد 2008 وقالي انا بعيط من التوكيل بيسمعو كلامك ومبيعملوش حاجة والعربية زي الزفت بتعطل ومبتشغش ولا اي حاجة رحت فورا عارض العربية للبيع ( مشية 7000 ك ) والعربية كانت وقفة تحت البيت المهم بعتها ب 110000 الف وانا شاريها 143000 ( يعني انا خسران تقريبا 33 الف جنية بس والله تغور العربية ) والتوكيل والله العربية متستهلس والا مليم وصحبي هيعرضها للبيع (800ك وب 120000 ج )
                          والراجل الاسكندراني هيروح يعملهم محضر في حامية المسهلك ((( انا نسيت حاجة انا عرفت انو المشكلة السائدة في الفورد انا بتعطل دائما وسألت ناس في الشارع عليها قالولي مش مهم بتعطل ساعتين ولا حاجة وبتمشي بعدها - طيب اتخيل وراك مشوار مهم زي مستشفي مثلا والعربية عطلت انا هتعمل اية !!!!!!!!!! ))))



                          المهم اية رايكم في إلي حصل وبامانة رجب = فكري ولا اية اختلاف

                          الحمدلله علي كل شيئ بس انا مبسوط اني بعتها واسف اني عطلتكم

                          بس حسبي الله ونعم الوكيل رميت فلوسي في عربية ولا تستاهل
                          ************************ الله اني بلغت اللهم فشهد ********************* *********


                          و ادي رابط الموضوع بعنوان
                          كارثة في الفورد فوكاس





                          بس هي الجين 2 اللي عليها العين
                          ليه ؟؟؟؟؟؟؟؟؟؟؟؟ مش عارف
                          و قصص من دي كتير .................... لو عايز
                          [img2]http://i59.tinypic.com/2vxpukz.jpg[/img2]

                          Comment


                          • #14
                            متشكر جدا جدا

                            Comment

                            Working...
                            X