جين توو 2013 ؟؟!!

[Nistelrooy]

والله التوكيل مش وحش اوي كدا علي الاقل احسن من توكيلات تانية كتير .. ده كفاية انهم في رمضان بيعزموا الملاك بس رمضان ده يظهر مافيش عزومة :)
-
وعصام صفا من ساعة ما ظهر وانا مش بروح ابو رواش نهائي الا لما عملت حادثة كدا علشان اقرب بس ..

وبرغم ان الصحراوي والعجوزة اقرب بروح عصام صفا الي هو في اخر الدنيا بالنسبة لي ... علشان ناس محترمة وكفائة :)

[Amr Axel]

عربية جميلة

للأسف عارف

[Amr Axel]

بنسبة 95% اغلب الناس بتشكر فى مركز خدمة معتمد عصام وصفا كمحترفين وناس فاهمة فى شغلها
وبنسبة كبيرة بتشكر فى مركز خدمة فى العجوزة من حيث "الوقت" ينعني بينجزهم ويمشموا بسرعه بخلاف التوكيل
فى ورش شغالة "خارج التوكيل" سمعتها كويسة ، فى ورشة فى آخر فيصل وفى ورشة فى المريوطية.

طب عناوينهم فين عصام و صفا ؟؟؟ لأن فيصل و ابو الرواش يعتبروا اخر الدنيا بالنسبة ليا

[Amr Axel]

والله التوكيل مش وحش اوي كدا علي الاقل احسن من توكيلات تانية كتير .. ده كفاية انهم في رمضان بيعزموا الملاك بس رمضان ده يظهر مافيش عزومة :)
-
وعصام صفا من ساعة ما ظهر وانا مش بروح ابو رواش نهائي الا لما عملت حادثة كدا علشان اقرب بس ..

وبرغم ان الصحراوي والعجوزة اقرب بروح عصام صفا الي هو في اخر الدنيا بالنسبة لي ... علشان ناس محترمة وكفائة :)

هههههههههه بصراحة انا قربت اغير رأيي لكن للأسف خسارة العربية ما شاء الله حلوة
و فين عصام و صفا ؟؟

[Al-Farooq]

الحرفيين.

[eng.m7md.ali]

هههههههههه بصراحة انا قربت اغير رأيي لكن للأسف خسارة العربية ما شاء الله حلوة
و فين عصام و صفا ؟؟

في النزهة الجديدة
شارع طه حسين

[yaseenmohamed]

أخي الكريم
العربيه جامده جدا جدا وكانت مع جاري وهي اللي حببتني في البروتون
وكمان جاري ده معاه مكتب لتأجير السيارات والجين كانت شغاله في المكتب ده لدرجه انو خلال سنه تقريبا كان معدي 200 ألف كم وعمره ما اشتكي منها مع ملاحظه ان العربيه دي اشتغل عليها سواقين كتيو عمره ما راح التوكيل أصلا وأي حاجه كانت تحتاجها علطول يا باشا علي الحرفيين و معظم ( مش عايز أقول كل ) الصنايعيه بيشتغلوا فيها زي الفل زيها زي اي عربيه وكمان انا بسمع كلام جامد أوي عن مركز عصام صفا يعني علشان موضوع الضمان
في النهايه أحب أقولك اخي الكريم البروتون ( وخاصه الجميله جين 2 ) والله وبدون مبالغه امتلاكها بيديلك نوع من ....مش عارف أقولها ازاي بس اكيد ملاكها عارفين بس حتبقي ان شاء الله مبسوط جدا بيها وحتحس انك متميز ( ومتميز دي علشان راكب عربيه فيها امكانيات حلوه اوي بفلوس تعتبر قليله عليها)

واتقوا يوما ترجعون فيه الي الله

[tutankhamoun]

السلام عليكم و أهلا بك أستاذ أكسل و رمضان كريم وكل سنة و أنت طيب .

لن أُعلق على تجربة غيري .
و لكن هاحكيلك على تجربتي الشخصية .

مبدئيا تعالى نتكلم عن التوكيل .
أنا بتعامل معاهم من سنة 2007
رأيي أنه توكيل عادي و كويس ............ يعني لا توكيل تقول عليه واو ....... و في نفس الوقت متقدرش تقول عليهم وحشين .

هو مستوى التوكيلات العام في مصر متقارب من بعضه و عز العرب مش أستثناء . (فيه طبعا توكيلات تانية قوية في المعاملة و توافر قطع الغيار ... الخ ) و لكن عزب العرب مش سئ .

أكيد كل واحد عنده تجربة سيئة مع التوكيل لازم و من حقه يقول أنه وحش ....... و اللي ما شافش معاهم مشكلة هايقولك أنه توكيل كويس .
العيوب اللي شفتها مع توكيل عز العرب تتلخص في الآتي :
قطع الغيار الغير أستهلاكية ممكن تبقى قليلة و بتأخد وقت علشان توصل (الناس اللي في الضمان ممكن تستنى وقت طويل علشان قطعة توصل )
غيركدا القطع الغير استهلاكية دي ممكن تلاقيها في الحرفيين من تجار الأستيراد
يا باشا أنا نزلت الحرفيين فيه هناك محلات بتبيع طل حاجة للبروتون
فيه محلين شفتههم بيبيعوا مواتير كاملة بروتون كامبروا بالفتيس .
و فيه محلات تانية بتبيع أنصاص عربيات أو أجزاء حسب أحتياجك .
و طبعا محلات الجديد هاتلاقيها بتتعامل في القطع الأستهلاكية في الأساس .(أتيال فرامل - فلاتر - سيور - ...... الخ )


العربية نفسها بقى ممتازة و اللي بيركبها يكون غاوي بروتون و غاوي جين 2 . (عربية الناس الغاوية )
مش زي عربيات تانية ...... بيشتري اللي الناس بتشتريه !
فعلشان ترتاح مع العربية لازم تكون غاويها و حاببها علشان ترتاح معاها و تريحك .

موديلا 2013
مش عارف أصلا هاينزل منها 2013 و لا لاءة علشان بروتون بتعمل أستبدال للموديلات
و طبعا فيه موديل أسمه بريفا نازل مكان الجين 2 و بموتور توربو ....... و خامات داخلية أفضل .
فالنقطة دي محتاجة تأكيد من التوكيل

بالنسبة لمراكز الصيانة المعتمدة
فيه مركز أمير و جوزيف في مدينة نصر (مش عارف هو لسة مركز معتمد و لا لاءة ...... و لكن كذا واحد ما شكرش فيه )
فيه مركز عصام و صفا في مصر الجديدة و الناس كلها بلا أستثناء بتشكر فيه .

و طبعا فيه التوكيل .
المركز الرئيسي في أبو رواش .
مركز أصغر موجود في العجوزة خلف مسرح البالون ..... يتعمل فيه الحاجات السريعة (أنا رحت عملت فيه صيانتي الأخيرة و كله كان تمام ) و خلصت في 3 ساعة ...... الضغط عليهم أقل من أبو رواش .

[tutankhamoun]

[Amr Axel]

الحرفيين.

في النزهة الجديدة
شارع طه حسين

الف شكرا يا رجالة :)

[Amr Axel]

أخي الكريم
العربيه جامده جدا جدا وكانت مع جاري وهي اللي حببتني في البروتون
وكمان جاري ده معاه مكتب لتأجير السيارات والجين كانت شغاله في المكتب ده لدرجه انو خلال سنه تقريبا كان معدي 200 ألف كم وعمره ما اشتكي منها مع ملاحظه ان العربيه دي اشتغل عليها سواقين كتيو عمره ما راح التوكيل أصلا وأي حاجه كانت تحتاجها علطول يا باشا علي الحرفيين و معظم ( مش عايز أقول كل ) الصنايعيه بيشتغلوا فيها زي الفل زيها زي اي عربيه وكمان انا بسمع كلام جامد أوي عن مركز عصام صفا يعني علشان موضوع الضمان
في النهايه أحب أقولك اخي الكريم البروتون ( وخاصه الجميله جين 2 ) والله وبدون مبالغه امتلاكها بيديلك نوع من ....مش عارف أقولها ازاي بس اكيد ملاكها عارفين بس حتبقي ان شاء الله مبسوط جدا بيها وحتحس انك متميز ( ومتميز دي علشان راكب عربيه فيها امكانيات حلوه اوي بفلوس تعتبر قليله عليها)

واتقوا يوما ترجعون فيه الي الله

شكرا لحضرتك و انا عارف العربية كويس عشان كده مسألتش عليه سألت عن التوكيل و قطع الغيار لأنهم عمليلي عقدة شوية هههههه

[Amr Axel]

السلام عليكم و أهلا بك أستاذ أكسل و رمضان كريم وكل سنة و أنت طيب .

لن أُعلق على تجربة غيري .
و لكن هاحكيلك على تجربتي الشخصية .

مبدئيا تعالى نتكلم عن التوكيل .
أنا بتعامل معاهم من سنة 2007
رأيي أنه توكيل عادي و كويس ............ يعني لا توكيل تقول عليه واو ....... و في نفس الوقت متقدرش تقول عليهم وحشين .

هو مستوى التوكيلات العام في مصر متقارب من بعضه و عز العرب مش أستثناء . (فيه طبعا توكيلات تانية قوية في المعاملة و توافر قطع الغيار ... الخ ) و لكن عزب العرب مش سئ .

أكيد كل واحد عنده تجربة سيئة مع التوكيل لازم و من حقه يقول أنه وحش ....... و اللي ما شافش معاهم مشكلة هايقولك أنه توكيل كويس .
العيوب اللي شفتها مع توكيل عز العرب تتلخص في الآتي :
قطع الغيار الغير أستهلاكية ممكن تبقى قليلة و بتأخد وقت علشان توصل (الناس اللي في الضمان ممكن تستنى وقت طويل علشان قطعة توصل )
غيركدا القطع الغير استهلاكية دي ممكن تلاقيها في الحرفيين من تجار الأستيراد
يا باشا أنا نزلت الحرفيين فيه هناك محلات بتبيع طل حاجة للبروتون
فيه محلين شفتههم بيبيعوا مواتير كاملة بروتون كامبروا بالفتيس .
و فيه محلات تانية بتبيع أنصاص عربيات أو أجزاء حسب أحتياجك .
و طبعا محلات الجديد هاتلاقيها بتتعامل في القطع الأستهلاكية في الأساس .(أتيال فرامل - فلاتر - سيور - ...... الخ )


العربية نفسها بقى ممتازة و اللي بيركبها يكون غاوي بروتون و غاوي جين 2 . (عربية الناس الغاوية )
مش زي عربيات تانية ...... بيشتري اللي الناس بتشتريه !
فعلشان ترتاح مع العربية لازم تكون غاويها و حاببها علشان ترتاح معاها و تريحك .

موديلا 2013
مش عارف أصلا هاينزل منها 2013 و لا لاءة علشان بروتون بتعمل أستبدال للموديلات
و طبعا فيه موديل أسمه بريفا نازل مكان الجين 2 و بموتور توربو ....... و خامات داخلية أفضل .
فالنقطة دي محتاجة تأكيد من التوكيل

بالنسبة لمراكز الصيانة المعتمدة
فيه مركز أمير و جوزيف في مدينة نصر (مش عارف هو لسة مركز معتمد و لا لاءة ...... و لكن كذا واحد ما شكرش فيه )
فيه مركز عصام و صفا في مصر الجديدة و الناس كلها بلا أستثناء بتشكر فيه .

و طبعا فيه التوكيل .
المركز الرئيسي في أبو رواش .
مركز أصغر موجود في العجوزة خلف مسرح البالون ..... يتعمل فيه الحاجات السريعة (أنا رحت عملت فيه صيانتي الأخيرة و كله كان تمام ) و خلصت في 3 ساعة ...... الضغط عليهم أقل من أبو رواش .

متشكر لردك يا باشا
و متقلقش لو مكنتش غاوي مكنتش فكرت فيها ههههههه لو لاحظت و لا قولت سعر اعادة البيع و لا هاممني كلام اللي يقولك مش حلوة لأني عارفها بس اللي قلقني التوكيل و قطع الغيار عشان عندي عقدة من التوكيل عندي اللي هو توكيل سوزوكي و نيسان في نفس الوقت
و التوكيلات فعلا اللي لاحظته ان اغلبها ان مكنش كلها بقت مستوي واحد :(
و موضوع بريفا دي بصراحة شكلها مش عاجبني نهائي معرفش ازاي نزلوها بالاضافة ان السعر اكيد هيعدي 100 الف لو قفلت الواحد يدور ع واحدة كسر زيرو ده لو فيه مع ان المستعمل برده يتقلق منه يا ريت ينزلوا منها 2013 مع شوية تعديلات من رأي الجين توو محتاجة تعديل بسيط في الاكصدام الامامي هيظبط الدنيا


طب ايه رأيك في الفتيس سواء المانيوال او الاوتو و لا ايه اللي نازل اوتو عادي و لا تيبترونك و لا ايزي

و ممكن اسعار قطع غيار الصيانات الدورية بشكل تقريبي خارج التوكيل يعني تيول و بوجيهات و سيور و فلاتر ؟؟

[h_e_e]

ابعد عنها ملهاش قطع غيار
وتوكيلها ازبل من الزباله دي عربيه نعجب بيها نتفرج عليها لكن مانجبهاش

يا باشا ياريت تيسيب الناس الي معاهم العربية يتكلموا
بلاش اشاعات و احنا بنحاول نظبط سوق العربية و الكل عارف ان التوكيل بقي احسن!!!
و في كمان مراكز معتمدة زي عصام صفا و ناس في قمة الاحترام

[neenoz]

ههههههههه انا لو داخل اشتري العربية وشوفت اول 3 ردود هاقفل المنتدي بتاع بروتون ومش هافتحة تاني !

أنا لسه جيبها و أحبط نفسياااااااااااا جداً

[mmaaly]

العربية جميلة وعايز واحد يشتريها ويكون بيحبها لأن في ناس كتير اللى هايه حافظه مش فاهمه تقول ام وحشة او ما سمعش عنا
انا معايا العربية بقالها ينتسن ( برسونا ) وهى هى الجين 2 وبسافر بيها كتير الغردقة العربية ما شاء الله فى الجرى ما تحس بيها وغالبا لازم تاخد مخالفة سرعة لان ماتحسش بالسرعة وثبات جامد
من ناحية التوكيل
قطع الغيار الاستهلاكية موجوده عند او فى شارع دمشق او الحرفيين
لو انت مأمن بتضطر تستنى مع التوكيل بس واضح انها ناس فاهمة لأن انا حصلتلى حادثة فى ملفات السختة والعربية اتقلبت 3 مرات وغير فيها حاجات كتيره ردياتير واكصدام امامى وطلمبة ميه وفوانيس امامية وكبوت وسربنتينة تكيف وقشرة سقف العربية وقشرة ابواب وعجلة يمين امامى بالكامل
العربية صحيح قاعدت كتير فى التوكيل لكن استلمتها منهم وسافرت بيها تانى
المشكلة فى التقفيل المصرى للعربية من جوه لان العربية كانت فكوكة كلها واعادو تركيبها
على السرعات العالية بحس بتزييق
لكن باقول الحمد لله انها رجعت تانى