جين ٢ في اسبوع

[eng.m7md.ali]

لاء
اول دفعة من 2012 كانت بتنزل فعلا بالكاسيت القديم الدبل
تانى دفعة ولحد دلوقتى خلاص الكاسيت الجديد هوة اللى بينزل
ودة فية يو اس يى وaux

+11

[كابوس الليل]

لكل المشككين فى موديل العربية الصورة ايه وبفوانيس الled

[mido_soliman]

لكل المشككين فى موديل العربية الصورة ايه وبفوانيس الled

-1111111111111
هوة حضرتك قريت مشاركاتى السابقة ؟؟؟؟؟

انت عربيتك 2012 ومفيهاش يو اس بى
لكن الدفعة اللى جت وراك على طول كلها يو اس بى
فين التشكيك او فين اللى مش مفهوم !!!!!!!!!!!!
انت اللى دخلت فى مشاركتك الاولى شككت فى كلام العضو السائل على الرغم انة مقلش كلمة واحدة مش حقيقية عن عيوب ممكن تقابلة فى العربية واللى هى عطل اليو اس بى والحدفة اللى موجودة فى كل العربيات الزيرو تقريبا وعطل السينسور الخ من الاعطال الهايفة اللى قابلتنا او ممكن تقابلنا
وانا رديت وقلتلك انت اللى مش واخد بالك
ياريت نركز بس مش اكتر قبل ما نقول معلومات مش صح
اية الغريب فى كلامى او فى كلام الاعضاء ؟؟؟

[amrelsha3er]

معلش ياجماعه اهدو صباح الفل ميدو باشا :) فعلا الكاسيت اتغير فى الدفعه الجديده استاذ كابوس الليل
بس معلش ياميدو هو العضو السائل معاه حق فى حاجات ومش معاه حق فى حاجات الموضوع اوفر شويه زى ايه بقى اقولك انا
مثلا
طبيعى جدا ان العجله تفرقع مع حكه وعلى سرعه فى الرصيف
ميركوباص حكها سهله ومحلوله انشاء الله
عوجه الكابوت المفروض مكنتش استلمتها بالمنظر ده اومال الواحد هيستلم العربيه ازاى ومش واخد باله من عوجه كبوت دى اهم حاجه الواحد يشوف الصاج كله ماشى مع بعضه
عموما مبروك عليكى يااستاذه نينوز خدت العين ربنا يكفيكى شرها انشاء الله
جين2 لعشاقها فقط:)
تحياتى:)

[amohsen]

انا شايف انك تقطعى علاقتك بالتوكيل ده نهائى وتتعملى بره..اذا كنتى نوية تكملى مع العربيه دى ...انا وديت عربيتى مره لعصام صفا ..ودخلونى فى حورات فى العفشه وانا مكنتش لسه فاهم ... دفعت 5000 جنيه منهم 1200 مصنعية بس وخد العربيه زى الزفت والسحب قل وصوت الموتور على و مشاكل مكنتش موجوده ابل موديها ....ومن سعتها ابتديت ادور على مكانيكى كويس وكهربائى وسمكرى وبتاع زواية وسئلت ودورت والحمد لله كل مشاكلى بحلها من غير مروح للتوكيل الزفت ده ...غير طبعا فرق الفلوس الى بتترمى فى الارض

ممكن تفيدنا وتقولنا فين الميكانيكية والكهربائية اللي بيشتغلوا في الجين تو

[windofchange]

عدلة الطارة مش اي حد يعملها علشان ال airbags ولا ايه؟

[ahmed_h_g]

فعلا" الدفعه الجديده فيها usb

[ahmed_h_g]

معلش نسيت أبارك لحضرتك عالعربية
ياريت يا فندم حضرتك تكتبى رقم الشاسيه والموتور والشكوى فى مشاركه هنا

http://www.nilemotors.net/Nile/45257-a.html

وان شاء الله خير

[د.اشرف هنداوى]

يا تري ايه اخبار العربية دلوقت ؟