استفسارات من ملاك الجين 2 ؟؟

[a_hmed]

عايز اشترى عربية بروتون جين 2 بس كنت عايز اعرف حبة حاجات


1- فى محلات لقطع غيارها برة التوكيل (الاسكندرية) ؟؟ و هل هى متوفرة موجودة دايما يعنى ؟؟ و هل هى غالية ولا متوسظة و معمرة ولا لأ ؟؟ و اعطالها يتعملوها فى التوكيل ولا فيه اماكن برة التوكيل ؟؟


2- الفرق بين المانيوال و الاوتوماتيك منها من حيث السحب و السرعة القصوى و كنت سمعت ناس بتقول ان فيه مشاكل فى الاوتوماتيك بتاعها ؟؟


3- الفرق بين موديلات 2007 - 2008 2009 ؟؟ (بلاش 2005 2006 علشان قريت ان مشاكلهم كتيير)



و طبعا مش لازم الى يجاوب يجاوب على كله المهم الى عنده معلومة يقولها :)

و شكرااااااا مقدما و كل سنة و انتم طيبين :)

[Ichabod]

انا معايا 2009 اوتوماتيك .. مفيش مشاكل فى اى حاجة و جابت لحد 210 فى طريق مستوى

[Al-Farooq]

هو انت شوفت جين 2005 فين وقرأت فين ان مشاكلها كثير؟!!
على العموم
موديل 2007 زي موديل 2008
الاختلاف من موديل 2009 لفوق
فى بعض الكماليات اللى اتحذفت من بداية 2009 زي الكروز كنترول
وفى تعديل نظام دخول الهواء للموتور من بداية موديل 2009 حسن السحب على السرعات القليلة.
وقرأت فين ان فى مشاكل فى الفتيس الاتوماتيك ؟!!
--
وبالنسبة لموضوع اسكندرية فى اسكندرانية كثير معاهم جين 2 ، ومنتشرة كثير هناك على حسب معرفتي.

[a_hmed]

[<a class="inlineadmedialink" href="#">color</a>=royalblue]هو انت شوفت جين 2005 فين وقرأت فين ان مشاكلها كثير؟!!
على العموم
موديل 2007 زي موديل 2008
الاختلاف من موديل 2009 لفوق
فى بعض الكماليات اللى اتحذفت من بداية 2009 زي الكروز كنترول
وفى تعديل نظام دخول الهواء للموتور من بداية موديل 2009 حسن السحب على السرعات القليلة.
وقرأت فين ان فى مشاكل فى الفتيس الاتوماتيك ؟!!
--
وبالنسبة لموضوع اسكندرية فى اسكندرانية كثير معاهم جين 2 ، ومنتشرة كثير هناك على حسب معرفتي.
[/color]

مش فاكر والله بس ممكن يكون الكلام دخل فى بعضه لانى كنت بيعمل بحث عن الجين 2 و الميجان

و موضوع الفتيس الاوتوماتيك هى مش مشاكل بس قريت ان السحب فى الاول ضعيف




وفيه حاجة كمان عايز اسئل عنها .. بدال الفرامل بتاعها زى باقى العربيات ولا مختلف علشان لما قريت عنها فهمت انه تقريبا بيبقى واطى او عند النص حاجة كدة

وشكرا للرد

[tutankhamoun]

وفيه حاجة كمان عايز اسئل عنها .. بدال الفرامل بتاعها زى باقى العربيات ولا مختلف علشان لما قريت عنها فهمت انه تقريبا بيبقى واطى او عند النص حاجة كدة

وشكرا للرد

بدال الفرامل عادي
بس تأثير الفرامل الشديد لما تضغط جامد
يعني مجرد لمسة ........ يهدي العربية
عايز توقف العربية .......... تدوس أشد فأشد حسب الحاجة .

الفرامل ممتازة .

بالنسبة للفتيس الأوتوماتيك .
مفيهوش أي مشاكل تُذكر .......
العربيات اللي من 2006 ........... لغاية 2008
فيها ثبوت للعزم الخاص بالمحرك عند نقطة 2500 إلى 3000 لفة للمحرك و بعدين تزيد تدريجي .

الموضوع تم تلافيه في المحرك الجديد بداية من 2009 .
و ده نظام أسمه iafm زي ما شرح الأستاذ مونت ........ ده نظام لتنظيم عملية دخول الهوا و الحرق داخل المحرك .

حتة العزم دي كانت باينة أكتر في الأوتوماتيك (واضحة شوية فيه أكتر من المانوال )
مش باينة في المانوال قوي .

طبعا النظام الجديد ....... بيديك قوة على سرعات صغيرة .

[a_hmed]

بدال الفرامل عادي
بس تأثير الفرامل الشديد لما تضغط جامد
يعني مجرد لمسة ........ يهدي العربية
عايز توقف العربية .......... تدوس أشد فأشد حسب الحاجة .

الفرامل ممتازة .

بالنسبة للفتيس الأوتوماتيك .
مفيهوش أي مشاكل تُذكر .......
العربيات اللي من 2006 ........... لغاية 2008
فيها ثبوت للعزم الخاص بالمحرك عند نقطة 2500 إلى 3000 لفة للمحرك و بعدين تزيد تدريجي .

الموضوع تم تلافيه في المحرك الجديد بداية من 2009 .
و ده نظام أسمه iafm زي ما شرح الأستاذ مونت ........ ده نظام لتنظيم عملية دخول الهوا و الحرق داخل المحرك .

حتة العزم دي كانت باينة أكتر في الأوتوماتيك (واضحة شوية فيه أكتر من المانوال )

شكرااااا على التوضيح الممتاز

[be7ee]

من الاخر جين 2 عربية فريدة من نوعها في كل حاجة لو حبتها مش هتسيبها ... وعلشان تشتريها اشتريها عن اقتناع مش عن كلام الناس

[a_hmed]

من الاخر جين 2 عربية فريدة من نوعها في كل حاجة لو حبتها مش هتسيبها ... وعلشان تشتريها اشتريها عن اقتناع مش عن كلام الناس

مهو انا مقتنع بيها جدا بس الى مقلقنى موضوع غلو و عدم انتشار قطع الغيار بس

[eng.ghost]

سيارة ممتازة على الطريق