استفسار بخصوص ساجا 2012

[منى أحمد محمد]

السلام عليكم و رحمة الله و بركاته

أنا عندي استفسار بخصوص بورتون ساجا 2012 يا ريت لو حد معاه موديل 2012 يفيدني
أنا كنت شفت فيديوهين على اليوتيوب عن Saga FL
و دي اللينكات بتاعتهم
2011 Proton Saga FL Executive Start-Up, Full Vehicle Tour and Quick Drive - YouTube

Proton Saga FL Product Video - YouTube

أنا كنت سمعت إن اللي في مصر مش هي العربية دي و لكن بعد كدة قريت إنها هتنزل في مصر بالشكل دة في منتصف 2012
يا ريت حد يفيدني هل العربية اللي في الفيديو دة هي موديل 2012 اللي موجود دلوقتي في مصر و لا لأ . و لو مش هي دي العربية اللي عندنا هنا فإيه الإختلاف اللي بينهم ؟ و هل فعلا دلوقتي بقى فيها كل الزجاج بيتفتح كهربائيا و بقى فيها فعلا نظام الفرامل abs ؟
و معلش كنت عايزة أعرف كمان هل استهلاك البنزين بتاعها كويس و لا لأ ؟ يعني ممكن أدفع فلوس في البنزين كل شهر أد إيه لو على أد مشاوير في وسط البلد من غير سفر .
و شكرا لكل ملاك الساجا مقدما

[eng.m7md.ali]

للاسف مش هيا دي
اللي موجودة الشكل القديم
من غير abs + ebd وفيها ايرباج واحدة بس وموتور 1300 مش 1600 زي الجديدة
يعني تقريبا مجرد اختلاف في الشكل بينها وبين الجين2 لكن نفس الموتور والفرامل وكل حاجة

[heshamchem]

السيارة الاستهلاك بيكون عالي شوية في اول 5000 كم و بعد كدة بيظبط يعني في الاوتوماتيك بيكون بين 9-11 لتر في 100 كم و المانوال بيكون 7-9 لتر في 100 كم
بالنسبة للشكل الجديد لسه شوية علي ما ينزل ممكن سنة او اتنين حسب التوكيل

[eng.ghost]

للاسف مش هى اللى بتنزل مصر

[italya]

الشكل الجديد لسه عليه شويه ولو انت عاوزه الشكل يبقى هيا هيا الشكل لو عاوزه الامكانياتى روحى على البيرسونا او الجين تو اما الساجا اللى فى مصر امكانيتها زى الرينو والفيرنا بس على انضف يعنى جنوط وايرباج امبوليزر وسنسور بارك ......كده