كلاكيت الموتور تاني مرة

[mrwho1982]

عايز اغير موتور الويرا 99

الميزانية 3 بواكي

[nicegypt]

005 (0_o)

انزل عزبة شلبي او الوكالة وعيش .. وكان الله ف العون

[msafa]

هجيبلك رقم هيثم الشيخ هنا في المريوطية الناس بتشكر فيه بس متعاملتش معاه

[moumen_hs]

الحرفيين هتلاقى بدل المحل عشرة

[Raul_7]

هو انت بتعمل ايه في الموتور عشان تغيره لتاني مرة؟

[eng.m7md.ali]

قدر الله
معلش
من الاول كنت تجيب استيراد احسن من العمرة والكلام ده
اكيد في الحرفيين هتلاقي كتير ومحلات متسو عندها كتير

[yousefsemsem]

انزل في الحرفين عند زوزا هيغيرلك الماتور ب1600 والعدادات والتانك ب4000 انا كنت ساله قبل كده

[ahmed_h_g]

أشترى ال 1500 2 كامه أنجكشن بتاع الميراج
بالفتيس هيعمل حوالى 3500
وربنا معاك

[yousefsemsem]

ماتور الميراج ازاي يااستاذ احمد مايركبش عندنا الفتيس مقلوب ولا انا اللي فاهم غلط ؟

[ahmed_h_g]

ماتور الميراج ازاي يااستاذ احمد مايركبش عندنا الفتيس مقلوب ولا انا اللي فاهم غلط ؟

طالما الموتور ال 1500 1 كامه كان بينزل على الميراج والكريستاله وعلى الويرا
يبقى ال 1500 2 كامه يركب عادى
أدخل هنا أتأكد ولو توصلت لجديد بلغنى

Mitsubishi Mirage - Wikipedia, the free encyclopedia
Mitsubishi Orion engine - Wikipedia, the free encyclopedia
Mitsubishi Mirage - Wikipedia, the free encyclopedia

كود الموتور ال1500 كامه واحده 4g15
والكامتين 4g91 أو 4g92 مش فاكر
وأنا برضه هدور وهجبلك الأكيد

[yousefsemsem]

لا ياباشا الموتور مختلف هو نفس الكود لكن مختلف افتيس عندنا علي الشمال الفتيس في الكرستاله علي اليمين
لكن ممكن انت قصدك علي الميراج 95 زي بتاعتنا

[ahmed_h_g]

أصبر هراجع فى مواضيع المواتير وهقولك أنا قصدي ايه

[mrwho1982]

اولا شكر لجميع الردود

ثانيا كنت بشتكي من ان الزيت بيرشح عالموتور من بره

وكنت بشتكي ان بوابة الانجكشن مش لاقيها

انا اخدت الاسبوع ده جولة عند كام ميكانيكي

روحت للميكانيكي اللي عمل العمرة قاللي ده تعريق زيت الموتور وده عادي

وقاللي غير الزيت وتابع المقياس وشوف هينقص ولا لا

بالنسبة للبوابة معرفش انا حاسس ان هي من زمن الفن الجميل فهي مش موجوده

واللي يحرق دمك يكون كل حاجة شغالة في التكييف وانت مش عارف تشغلو علشان الموتور مبيعلاش

كنت عند صاحبي في عين شمس بقولو عالمشكلة قاللي تعالي ووداني عند كهربائي

الكهربائي قاللي دي عايزة علاية واللي يعمل الشغل ده ميكانيكي

روحت للميكانيكي قاللي اه تتعمل ........تنفس الصعداء ......

قلتلو طب اعملها قاللي لا دي عايزة يوم من اولو

المهم نفضت للحوار يومين لاني كنت معكوك في الشغل ويوم الخميس باليل واحد صاحبي وداني عند واحد في الحدائق اول ما اتكلم قاللي مينفعش خالص قلتلو شكر لان كان باين عليه حافظ مش فاهم

المهم يوم الجمعة صحيت الصبح

كبرت في دماغي اروح اقضي اليوم عند الميكانيكي

روحت عين شمس . صعب صالح

قلتلو العربية اهيه

قاللي سيب 100 جنية والمفاتيح وتعالي 9 باليل

روحت 9 باليل كان بيضبط فيها

روحت لقيتو واخد خرطوم من المنافول الخرطوم ده بيشفط وبيعدي علي مكنة كهرباء مربوطة مع كهربة الكباس
والخارج بتاعها رايح علي طرف البوابة

يعني لو شغلت التكييف السيلونيد يفتح ويشتغل الشفط والعلاية تشتغل الكباس قفل تقوم العربية راجع لوضعها الطبيعي والسلونيد يقفل

اتكلفت الاتي

90 جنيه العلاية

50 جنية سلونيد

10 جنية خرطوم

70 جنية مصنعية

المهم روحت التكييف تمام بس حاسس العربية واطية شوية ومبرجلة سنة عالسلانسية

قعدت لعبت في المسمار اللي بيعلي الموتور لحد ماظبطت الموتور عالسلانسية من غير تكييف

وبعدين ضبطت الرجلاش بتاع العلاية والدنيا تمام

المهم النهاردة لقيت التكييف قرفني شويتين

قعدت جوه الكبوت لحد ماكتشفت ان الثروتال اصلا بايظ فيعلق ساعت يعلي وساعت يوطي وشغال بمزاجو

المهم شلت فيشة الثروتل وقلت امشي بيها كده

ولمبة الشيك انجن كانت منورة فنفضتلها

العربية سحبها بقي احسن وانا مشغل التكييف

والدنيا تمام بس الفريون عايز يتشحن يبقي اروح للمراكبي الجمعة ان شاء الله

واالي عندو اي استفسار انا تحت امرو

والصور هصورها وارفعهالكم

وكل سنة وانتم طيبين

[ahmed_h_g]

يا سلااااام الله ينور عليك
على فكره اللى بايظ مش البوابه كلها
مجرد ترس معفن جوه البوابه
بس علشان خاطر سيادته لازم تشترى بوابه كامله
متنساش الصور وبلاش المراكبى علشان سمعت عنه كلام مش كويس

[mrwho1982]

لو عندك حد كويس عند مينة نصر او جسر السويس اكون شاكر