اسئلة عن البرسونا اليجانس 2012

[hesham.sma]

بسم الله الرحمن الرحيم
كنت ناوى ان شاء الله اشترى برسونا على اخر السنة .......وعندى كذا سؤال كدا عالماشى
1- استهلاك البنزين فى الزحمة عامل ازاى مع التكييف .....وعالطوالى كام
2- هل يوجد فى السيارة كروز كنترول (مثبت سرعة)
وشكرا

[Al-Farooq]

- استهلاك البنزين فى الزحمة مينفعش حسابه - لأن ممكن اقف فى اشارة ساعة وواحد غيري يقف خمس دقائق والعربية طبعاً اتو يعني استهلاكها بيكون مرتفع عن المانيول.
- الاستهلاك على الطريق السريع لو بحرق متقطع ومش كثير ممكن 8 لتر فى ال100 ، وبتعمل ارقام احسن من كدة بكثير على سرعة 90 ، والعربية ممتازة فى الاستهلاك خصوصاً في السفر ، لو الطرق اللى بتمشي عليها اغلبها زحمه كثير فمنصحكش ب 1600سي سي اساساً.
- العربية فيها كروز كنترول.

[hesham.sma]

شكرا للرد السريع.طب معلش انا محتار بينها وبين الصنى الجديدة.بيقولو ان التانك 42 لتى وبتجيب اكتر من 510 كيلومتر.بس طبعا الاوبشنز اقل كتير.وبيقولو فى تعليقة فى الفتيس عند النقلات وهى اتوماتيك...دا غير الكاوتش الصينى بيقوبو وحش

[hesham.sma]

معلش بكتب من الموبايل والدنيا صعبه

[Karim Ibiza]

متابع

[Al-Farooq]

شكرا للرد السريع.طب معلش انا محتار بينها وبين الصنى الجديدة.بيقولو ان التانك 42 لتى وبتجيب اكتر من 510 كيلومتر.بس طبعا الاوبشنز اقل كتير.وبيقولو فى تعليقة فى الفتيس عند النقلات وهى اتوماتيك...دا غير الكاوتش الصينى بيقوبو وحش

شوف انا معرفش الصني الجديدة عاملة ازاي ،فهتكلم على اللى اعرفه بعيداً عن الشكل .
لأن لو مقارنة من حيث الشكل اظن واضح النتيجة هتكون لصالح مين ،بأبعادها وبتصميمها الرهيب الجديد بتاع الصني دة
- العفشة فى البرسونا رياضية ونظام التعليق الخلفي ملتي لينك مش تورشن بيم زي الصني.
- ثبات العربية على السرعات العالية - الكل تقريبا اجمع انها ممتازة - ، فهي عربية سفر درجة اولي من حيث ثباتها ومن حيث استهلاك البنزين فى السفر علي السرعات الطبيعية ، لكن فى المدينة بيكون الاستهلاك صعب انك تحسبه ولو حسبته اكيد هيطلع علي حسب عدد ساعات الزحمة اللى وقفت فيها.
- البرسونا بتنزل بجنوط رياضية المنيوم مقاس 15 ، وكاوتش Goodyear وهي ألماني تقريبا.
- التنك فى البرسونا الاليجانس 50 لتر.
- البرسونا 1600 سي سي كامبرو 110 حصان ، الصني 1500 ، 99 حصان زي مابيقولوا. " بالمناسبة الساجا عندنا 1300 سي سي كامبرو ، 95 حصان" .
- استهلاك العربية غير اقتصادي فى داخل المدينة ، زي اغلب العربيات الاوتو ، ومفيش فيه تكنولوجيا معينة تخفض استهلاك داخل المدينة فى الزحمة .

[د.هشام]

شكرا للرد السريع.طب معلش انا محتار بينها وبين الصنى الجديدة.بيقولو ان التانك 42 لتى وبتجيب اكتر من 510 كيلومتر.بس طبعا الاوبشنز اقل كتير.وبيقولو فى تعليقة فى الفتيس عند النقلات وهى اتوماتيك...دا غير الكاوتش الصينى بيقوبو وحش

ايه تعليقة الفتيس دي

[hesham.sma]

ايه تعليقة الفتيس دي

تعليقة الفتيس لما بتكون ساحب على اوفر درايف وبعدين تنقل على ال d بيكون الفتيس زى مايكون مهنج اقل من ثانيتين كدا وبعدين بيبقى طبيعى.....والكلام دا منقول من منتدى الصنى على النايل موتورز [shfaf1]http://www.nilemotors.net/Nile/295379-7.html[/shfaf1]

[hesham.sma]

انا معلش مش متأكد من الوصف عشان ماسقتش اوتوماتيك قبل كدا

[hesham.sma]

تعليقة الفتيس لما بتكون ساحب على اوفر درايف وبعدين تنقل على ال d بيكون الفتيس زى مايكون مهنج اقل من ثانيتين كدا وبعدين بيبقى طبيعى.....والكلام دا منقول من منتدى الصنى على النايل موتورز [shfaf1]http://www.nilemotors.net/Nile/295379-7.html[/shfaf1]

نقلتلك الكلا بالنص اهو
((الحاجة الاخيرة هو عند النقل بين الغيارات فى الاتوماتيك بطريقة مانيول .. يعنى انا اللى بتحكم فيها من 1 الى 2 الى d واقفل الاوفر دريف بلاحظ بين كل نقلة ونقلة تاخير حوالى ثانتين .. وبكون حارق وموصل الغيار الى 6500 اربى ام .. بس ده بسبب اكيد ان الماتور 1500 سى سى .. لان مش بيحصل عندى فى التيدا .. ولكن عند وضع الفتيس على الd وبسيبها بتنقل لوحدها مش بحس باى شئ ولا حتى بنتشة فى النقل زى ما ذكرت فى بداية كلامى))
واسف على الوصف الخطأ

[Karim Ibiza]

نقلتلك الكلا بالنص اهو
((الحاجة الاخيرة هو عند النقل بين الغيارات فى الاتوماتيك بطريقة مانيول .. يعنى انا اللى بتحكم فيها من 1 الى 2 الى d واقفل الاوفر دريف بلاحظ بين كل نقلة ونقلة تاخير حوالى ثانتين .. وبكون حارق وموصل الغيار الى 6500 اربى ام .. بس ده بسبب اكيد ان الماتور 1500 سى سى .. لان مش بيحصل عندى فى التيدا .. ولكن عند وضع الفتيس على الd وبسيبها بتنقل لوحدها مش بحس باى شئ ولا حتى بنتشة فى النقل زى ما ذكرت فى بداية كلامى))
واسف على الوصف الخطأ

كنت سايق اكسنت 2007 اوتوماتيك وكانت بتعمل معايا كده بالضبط وكانت لسه زيرو

[D . a .\ AYMAN]

شكرا للرد السريع.طب معلش انا محتار بينها وبين الصنى الجديدة.بيقولو ان التانك 42 لتى وبتجيب اكتر من 510 كيلومتر.بس طبعا الاوبشنز اقل كتير.وبيقولو فى تعليقة فى الفتيس عند النقلات وهى اتوماتيك...دا غير الكاوتش الصينى بيقوبو وحش

التانك حسب الكتالوج 50 لتر وبتعمل معايا لغاية دلوقتي حوالي 220 كيلومتر / 20 لتر .. والأداء في تحسن لأن أول ما استلمتها كانت بتعمل حوالي 200 كيلومتر / 20 لتر فقط

الكاوتش عندي جوديير ماليزي الصنع

نقلتلك الكلا بالنص اهو
((الحاجة الاخيرة هو عند النقل بين الغيارات فى الاتوماتيك بطريقة مانيول .. يعنى انا اللى بتحكم فيها من 1 الى 2 الى d واقفل الاوفر دريف بلاحظ بين كل نقلة ونقلة تاخير حوالى ثانتين .. وبكون حارق وموصل الغيار الى 6500 اربى ام .. بس ده بسبب اكيد ان الماتور 1500 سى سى .. لان مش بيحصل عندى فى التيدا .. ولكن عند وضع الفتيس على الd وبسيبها بتنقل لوحدها مش بحس باى شئ ولا حتى بنتشة فى النقل زى ما ذكرت فى بداية كلامى))
واسف على الوصف الخطأ

أنا جربت أسوق مرة مانوال على 1 2 3 d سواء بالراحة أو جامد لغاية آخر الآر بي إم وما حسيتش بالكلام اللى بتقوله ده

وعلى فكرة هية سواقتها أتوماتيك أقوى وأسرع من النقلة اللى انت هاتديهالها لو سوقتها مانوال

[Al-Farooq]

أنا جربت أسوق مرة مانوال على 1 2 3 d سواء بالراحة أو جامد لغاية آخر الآر بي إم وما حسيتش بالكلام اللى بتقوله ده

وعلى فكرة هية سواقتها أتوماتيك أقوى وأسرع من النقلة اللى انت هاتديهالها لو سوقتها مانوال

يا دكتور هو كان بيتكلم فى موضوع النتش دة عن الصني.
وكاوتش جود يير على ما اعتقد ألماني مش ماليزي.

[D . a .\ AYMAN]

يا دكتور هو كان بيتكلم فى موضوع النتش دة عن الصني.
وكاوتش جود يير على ما اعتقد ألماني مش ماليزي.

أنا اللى فهمته إنه بيسأل هل النتشة دي موجودة برضه في البيرسونا ولا لأ بالمقارنة بالصني اللي بيقولوا عليها كدة ...

الكاوتش عندي جوديير صناعة ماليزية أكيد

[tutankhamoun]

وكاوتش جود يير على ما اعتقد ألماني مش ماليزي.

الكاوتش عندي جوديير صناعة ماليزية أكيد

للآسف كاوتش جود يير أصله أمريكي صهيوني و عندهم مصانع في آسيا كتير .
جود يير اللي راكب في البروتون دلوقتي
ماليزي الصناعة .