زرار الزجاج الأمامى للساجا

[manchie]

كل سنة أونتم طيبين
انا كنت فى التوكيل من اسبوع كده وكان الزراير بتاعت الزجاج الامامى كلها باظت فاجأة مش عارف ليه المهم المفروض انها تتغير بس مش موجود منها ستوك دلوقتى وهما حجزوها ليا وانا المطلوب منى انى استحمل العربية لغايه ميحنو عليا بيها
المهم لو فيه حد واجهته المشكلة ديه ياريت يقولى ايه النظام عمل ايه معاهم ولو مستنيها ياريت يخلينى معاه على الخط علشان اروح اركبها
وشكرا

[akmm]

الملاحظ ان كل التوكيلات مافيهاش ستوك قطع غيار ياترى ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mememsaid]

اسال عليها دلوقتي

[yaseenmohamed]

لو حضرتك مستعجل أو الموضوع عامل لك مشاكل جيبهم من بره وركبهم في التوكيل
انا كنت بسأل علي حاجه كده في محل مكه وعرفت منهم ان في بضاعه جديده وصلتهم وفيها حاجات كتير ممكن تسأل هناك

[hesham_tawfiq]

واجهتنى نفس مشكلة حضرتك وللاسف ماوفروش قطعة الغيار الا بعد 5 اسابيع وبعد ما اتخانقت معاهم

[M_SALLAM]

يا عم هو توكيـــــــــــــــــــل عز العرب كد و انا مش عارف الناس بتتعامل مع التوكيل الزبالة دة ليه و على فكرة متزعلش لأن فى ناس كتير قابلك قعدوا 3 شهور علشان المساعدين الأمامية و فى واحد موتور عربيته فوت و عملوله عمرا و بعدها فوت تانى و مرضوش يغيروله العربية مع ان قانونا المفروض العربية كلها تتغير بعربية تانية خالص او يردوله مبلغ العربية كامل و بعد خناق و مشاجرات بين التوكيل و الأعضاء لفترة طويلة جدا جدا غيروله الموتور يعنى عربية عاملة 9000 كيلو و تغير موتور من اولها كدة يعنى حرام ولا حلال !!!!
دة حتى التوكيل مفيهوش برانتر يا عم ان مش عارف توكيل ايه دة اللى مفيهوش برانتر ههههههههههههههههه ...

[eng.m7md.ali]

موضوع تأخر قطع الغيار ده مش بس في عز العرب ده في كل التوكيلات
الموضوع ده ظهر من بعد الثورة عشان يقدرو يحصرو موضوع تهريب الفلوس برة البلد اللي كان بيحصل
بس ده بردو مش مبرر لكدة

[hesham_tawfiq]

اسمحلى اختلف مع حضرتك .... طالما التوكيل عنده سبب مقنع لتحويل عمله صعبه بره مصر وهو استيراد قطع غيار وبفواتير رسميه يبئى محدش يقدر يرفض - بما فيهم البنك المركزى -
تانى حاجه نفس الموقف دا حصلى برضه مع عز العرب بس فى تغيير البطاريه بعد ما استلمت العربيه باسبوع وعلشان اغير البطاريه استنيت عشر ايام لحد ما التوكيل يشتريلى البطاريه واظن البطاريه دى مش هيستوردها
واضح ان سياسة عز العرب فى قطع الغيار انو يعمل اوردر شراء كل فتره بدل ما يحتفظ بمخزون

[manchie]

لو حضرتك مستعجل أو الموضوع عامل لك مشاكل جيبهم من بره وركبهم في التوكيل
انا كنت بسأل علي حاجه كده في محل مكه وعرفت منهم ان في بضاعه جديده وصلتهم وفيها حاجات كتير ممكن تسأل هناك

والله انا ممكن أعملكده بس كده هبقى دفعت فلوس والمفروض انها تتغير على حساب التوكيل

[eymofouad]

على فكرة مفتاح الزجاج عمل كده معايا وده بسبب غسيل المياه هما شوية نظافة للمفاتيح عند أي كهربائي وهيشتغلو زى الفل

[mo7hamedemad]

تم بحمد الله دخول شحنة ضخمة جدا تغطى كل ما يجتاجة العميل لمدة عام

ممكن حضرتك تتصل بيهم وتحجز معاد وتروح دلوقتى

ولو فى اى مشكلة ارجو منك ارسال رسالة شخصية لى على

https://www.facebook.com/groups/Proton.Saga.Egypt.club/

[manchie]

تم بحمد الله دخول شحنة ضخمة جدا تغطى كل ما يجتاجة العميل لمدة عام

ممكن حضرتك تتصل بيهم وتحجز معاد وتروح دلوقتى

ولو فى اى مشكلة ارجو منك ارسال رسالة شخصية لى على

https://www.facebook.com/groups/proton.saga.egypt.club/

والله انا كلمتهم قالولى مفيش حاجة دخلت مش عارفليه هو انت طيب سألت مين ولا فين
انا سألت المخزن بتاع أبورواش