جين2 صعب الحصول عليها ارجو المشوره

[amrelsha3er]

السلام عليكم احلى شباب بروتون وكل عام وانت بخير وعيد سعيد عليكم جميعا
الموضوع باختصار انا كنت مقدم على عربيه جين2 وبعد مالموضوع مشى وربنا سهلها من عنده والمفروض بيشوفوها فى المخازن مش لاقينها خلصت (انا بجييها من اباظه) المهم قالولى انها هتاخد وقت لان حتى عز العرب نفسه بيطلعها بالحجز وهما طبعا وكيل ليه فى الغردقه وهيجيبوها منه المهم الرجل بيقنعنى بالبيرسونا(انا هجيب مانيوال) وفرجنى عليها كانت بتاعه واحد جاى يستلمها مانيوال برضو المهم العربيه حلوه وكل حاجه الفروق طبعا نور التابلوه بيرسونا فضى فى احمر مش برتقالى زى الجين2 كراسى بتاعتها عاديه مش طياره زى الجين2 الشنطه طبعا ودى اكتر حاجه ملحوظه من الخارج
بصراحه كنت مصمم على الجين2 ومش شايف غيرها بس ابتديت افكر فى البيرسونا وامرى لله مع ان الجين2 احلى فى نظرى برضو
كنت بسمع على طول شكاوى من ملاك البيرسونا عن الجين2 مش عارف الموضوع ده فعلا ولا ايه
وبعدين موضوع ان البيرسونا مش منتشره برضو زى الجين اكيد ده هياثر فى البيع وفحجات تانيه لان انتشار الجين دى شىء يحسب لها
مش عارف اعمل ايه اتوكل على الله واجيب البيرسونا ولا استنالى بتاع 3 اسابيع ولا شهر على الجين2!!!!!
هل فعلا مشاكلها اكتر من الجين2!!! ده السؤال المهم وبرضو الجين2 عشان اصغر فااكيد فى الجرى احلى والثبات؟!
افيدونى شكرا ليكم

[Raul_7]

لا فيها مشاكل ولا حاجة هي زي الجين 2 بالظبط باستثناء بعض الحاجات اللي قلتها.

عامة مادام عايز جين 2 يبقي تستني الجين 2 في رأيي, عشان هتفضل باصصلها كل ما تشوفها و تقول يا ريتني.

[virus2007]

راى تستنى الجين 2 عشان انتا عاوز جين 2 .... متجبش عربية انتا مش مقتنع بيها :)

[S O P H O S]

انا شايف ان الجين فعلا تستاهل الانتظار
مدام مقتنع بيها
موفق ان شاء الله ..

[mody855]

استنى اوعى تغلط غلطتى اللى بندم عليها دلوقتى
انا كنت عاوز جين 2 ومراتى قعدت تزن على ودانى - عاوزين عربية بشنطة كبيرة عشان السفر - عاوزين عربية بشنطة كبيرة عشان السفر وهكذذذذذاااااا - وقعدت تزنننننننننننننننننن وربنا مايوريك زن الستات :))
لحد ماشتريت البيرسونا فعلا ودلوقتى والله كل مابشوف جين 2 بتضايق جدا واقولها ياريتنى ماسمعت كلامك :(((
انصحك متتسرعش واستنى احسن - البيرسونا دى مش شبابية خاااااااااااالص دة غير انها فى الريسيل تعبانة جدا

[Al-Farooq]

مدام بتحب الجين جيبها ومتجبش غيرها !!

[zangry]

متجبش حاجة انت مش عاوزها اصل مش كل يوم هتشتري عربية !! وكل ما هتشوفها هتضايق انك مش راكبها

والبيرسونا هتحس انها مش حلوة واى حاجة بسيطة هتضايقك هتفضل تلعن العربية :d

[hoko]

السلام عليكم احلى شباب بروتون وكل عام وانت بخير وعيد سعيد عليكم جميعا
الموضوع باختصار انا كنت مقدم على عربيه جين2 وبعد مالموضوع مشى وربنا سهلها من عنده والمفروض بيشوفوها فى المخازن مش لاقينها خلصت (انا بجييها من اباظه) المهم قالولى انها هتاخد وقت لان حتى عز العرب نفسه بيطلعها بالحجز وهما طبعا وكيل ليه فى الغردقه وهيجيبوها منه المهم الرجل بيقنعنى بالبيرسونا(انا هجيب مانيوال) وفرجنى عليها كانت بتاعه واحد جاى يستلمها مانيوال برضو المهم العربيه حلوه وكل حاجه الفروق طبعا نور التابلوه بيرسونا فضى فى احمر مش برتقالى زى الجين2 كراسى بتاعتها عاديه مش طياره زى الجين2 الشنطه طبعا ودى اكتر حاجه ملحوظه من الخارج العربيتين حاجه واحده وبره اسم البرسونا هى gen 2 سيدان ولا اختلاف الا ماذكرته
بصراحه كنت مصمم على الجين2 ومش شايف غيرها بس ابتديت افكر فى البيرسونا وامرى لله مع ان الجين2 احلى فى نظرى برضو
كنت بسمع على طول شكاوى من ملاك البيرسونا عن الجين2 لو فى شكاوى فهى واحده فى الاثنين مش عارف الموضوع ده فعلا ولا ايه
وبعدين موضوع ان البيرسونا مش منتشره برضو زى الجين حاليا بدأت فى الانتشار ولكن موش زى الجين 2 طبعااكيد ده هياثر فى البيع وفحجات تانيه لان انتشار الجين دى شىء يحسب لها
مش عارف اعمل ايه اتوكل على الله واجيب البيرسونا ولا استنالى بتاع 3 اسابيع ولا شهر على الجين2!!!!!:copy of rfds:
هل فعلا مشاكلها اكتر من الجين2!!! لا اطلاقاده السؤال المهم وبرضو الجين2 عشان اصغر فااكيد فى الجرى احلى والثبات؟!بردو لا
افيدونى شكرا ليكم

وعموما يفضل انك تشترى الحاجه اللى انت بتحبها والله الموفق

[eng.m7md.ali]

+111 على كلام الرجالة
وانا اضم صوتي لصوتهم واسألني انا لاني كنت عايز جين2 الاول وملقيتش غير واجا وبيرسونا

[الغزالى]

قولى عايز لون ايه ... وانا اجبهالك من المعرض عندنا ان شاء الله .
كلمنى بكره على رقمى 01000454869 غزالى ... بس اتوماتيك .. مانيوال موعدكش أوى بس هاشوفهالك لان محدش تقريبا بسيب الفتيس ال Cvt وياخد مانيوال خصوصا ان فرق السعر مش كبير .. حوالى 6000 الف جنيه

[mido_soliman]

قولى عايز لون ايه ... وانا اجبهالك من المعرض عندنا ان شاء الله .
كلمنى بكره على رقمى 01000454869 غزالى ... بس اتوماتيك .. مانيوال موعدكش أوى بس هاشوفهالك لان محدش تقريبا بسيب الفتيس ال Cvt وياخد مانيوال خصوصا ان فرق السعر مش كبير .. حوالى 6000 الف جنيه

فتيس اية ال cvt يا باشا ؟؟؟؟
الجين2 فتيس اوتو عادى والبرسونا كمان
مفيش cvt غير فى الساجا الفيس ليفت و البريف ودول مش فى مصر اساسا

[DESIGNER105]

استنى الجين2 طبعا ..ايه يعنى 3 اسابع

[RedBull_30]

انا كمان عاوز اعرف ايه هو الفتيس ال cvt اللي في الجين 2 ؟

[yaseenmohamed]

1- استني ...جينا تستاهل تستني سنه مش شهر
2- هو الفتيس الاوتو في جين تو الموديل الجديد cvt ؟؟؟؟ يا ريت حد يفيدنا

[mido_soliman]

1- استني ...جينا تستاهل تستني سنه مش شهر
2- هو الفتيس الاوتو في جين تو الموديل الجديد cvt ؟؟؟؟ يا ريت حد يفيدنا

لاء يباشا الفتيس عادى متغيرش