اين الواجا

[grnada]

يا جماعة هو ما فيش واجا جديد ولا ايه
ياريت تسعفونا

و جزاكم الله خيرا

[fahd_628]

لأ يا باشا مفيش واجا زيرو

انتظر الموديل الجديد لو عاوز يقال انة حينزل فى شهر 8 او 9

[MohabSaeed]

بالظبط زى ما قال فهد . احتمال تنزل فى شهر 9 بموتور ال سى بى اس مع تغير شكلها من الامام .
لكن حضرتك ممكن تلاقى واجا زيرو موديلات 2006 , 2007 عند بعض المعارض .

[grnada]

متشكرين يا رجالة بس ايه اخبار الموديل الجديد

[MohabSaeed]

الموديل الجديد 125 حصان " فعلى مش كلام جرايد زى الكورولا و الانسر و كلام الفارغ ده " - و عزم 150 نيوتن , و متوقع سعرها يكون فى حدود 100 الف جنيه . تحسين واضح فى جوده المواد المستخدمه فى الصالون .
منتظرين نشوفها على ارض الواقع علاشان نحكم عليها اكتر بس فعلا من الصور ..

[Migo123]

الموديل الجديد 125 حصان " فعلى مش كلام جرايد زى الكورولا و الانسر و كلام الفارغ ده " - و عزم 150 نيوتن , و متوقع سعرها يكون فى حدود 100 الف جنيه . تحسين واضح فى جوده المواد المستخدمه فى الصالون .
منتظرين نشوفها على ارض الواقع علاشان نحكم عليها اكتر بس فعلا من الصور ..

طيب على ما الموديل الجديد ينزل يا باشا ما تحاول تعملنا تقييم شامل للعربيه من وجهة نظرك .... على فكره انا عارف انك معاك العربيه من زمان بس ملقيتش تقييم ليها من خلالك الا في مشاركات متفرقه مش موضوع كامل

انا آسف لو كنت بتعبك ... بس ناس كتيير محتاجه الموضوع ده عشان تحدد موقفها من العربيه وانت اكيد ادرى واحد بمميزاتها وعيوبها ... بدل ما نمشي ورا كلام الجاريد والاعلانات

[MohabSaeed]

طيب على ما الموديل الجديد ينزل يا باشا ما تحاول تعملنا تقييم شامل للعربيه من وجهة نظرك .... على فكره انا عارف انك معاك العربيه من زمان بس ملقيتش تقييم ليها من خلالك الا في مشاركات متفرقه مش موضوع كامل

انا آسف لو كنت بتعبك ... بس ناس كتيير محتاجه الموضوع ده عشان تحدد موقفها من العربيه وانت اكيد ادرى واحد بمميزاتها وعيوبها ... بدل ما نمشي ورا كلام الجاريد والاعلانات

الحقيقه انا مش معايا الواجا من زمان , هما يادوبك كام شهر و شاريها مستعمله , لانى ملقتهاش زيرو , وفعلا انا ناوى اكتب تقيمى ليها " على ارض الواقع " .... ان شاء الله فى القريب العاجل .

انما بالنسبه للموضوع الى كتبته عن الواجا ومواصفاتها الفنيه " انا كنت كاتب الموضوع ده اساسا من سنه 2006 , لانى مالقيتش فى اى حد عارف عنها حاجه ولما حاولت ادور على معلومات برده مالقيتش حد بيتكلم عليها .

[meramor81]

اخر معلومات وصلتنى من محسن صالح عن الواجا لانى كنت بسأل عليها لوالدى هاتنزل اخر شهر 7 والحجز من دلوقتى عليا وبتتدفع الف جنيه وسعرها فى التسعينات زى الجين تو بس والله نسيت قالى كام بالضبط لانى كنت مهتمه بالبيرسونا اكتر

[eng_elnaggar]

انا معايا الواجا من سنه تقريبا وعملت بيها حوالي 40 الف كيلو متر وكنت شاريها زيرو من عز العرب في اسكندرية ...

العربية بفضل الله جيده جدا .... الموتور بتاعها ميتسوبيشي 1600 سي سي 102 حصان و العربية الحمد لله شغاله معايا كويس ما عدا كان فيها مشكلة في التكييف عملوها ليا في الضمان وهى الحمد لله ماشية كويس برغم اني باقسى عليها جامد لان انا استعمالي جامد للعربية يعني مشاويري كتير وطويله وده واضح من الكيلومتري اللي انا عملته خلال المده من ساعة ما اشتريتها...

قطع الغيار معظمها متوفر في محلات معروفة في شارع دمشق وفي الجيزة... وعفشة العربية تقريبا هى هى اللانسر وبالتالي المقصات والمساعدين هم هم اللانسر وهم متوفرين في كل مكان...

الفوانيس اسعارها معقوله بره التوكيل يعني مثلا الفانوس الخلفي ب 180 جنيه والفانوس الامامي 320 والشبوره 280 ... وهكذا ..
الماتور والفتيس زى ما قلت هم هم بتوع الميتسوبيشي لانسر وبالتالي نفس فلتر الزيت...

التكييف ياباني بس مش فاكر نوعه وهو كويس ما عدا العيب اللي كان فيه وصلحوه في الضمان..

الخامات المستخدمه جوه العربية معقوله وجيده ولا مقارنه بين خامات الواجا وخامات الجين تو ... خامات الواجا انضف كتير..

دي تقريبا الحاجات الرئيسية في العربية ولو عزت اى معلومة اضافيه انا تحت امرك

[Migo123]

ياريت يا باشا تقييم لنا العربيه من حيث :

- العزل وصوت الموتور عالي ولا معقول ولا كويس
- انا اعرف ان العربيه استيابل مظبوط ولا ايه ....
- استهلاك البنزين
- وضعية القياده مريحه في المسافات الطويله ولا ايه ؟
- العفشه مريحه ولا ناشفه
-وسع الاصالون والشنطه

و مشكوور يا باشا

[eng_elnaggar]

ياريت يا باشا تقييم لنا العربيه من حيث :

- العزل وصوت الموتور عالي ولا معقول ولا كويس
- انا اعرف ان العربيه استيابل مظبوط ولا ايه ....
- استهلاك البنزين
- وضعية القياده مريحه في المسافات الطويله ولا ايه ؟
- العفشه مريحه ولا ناشفه
-وسع الاصالون والشنطه

و مشكوور يا باشا

بص يا باشا

-بالنسبة للعزل الداخلي نقدر نقول 80 % صوت الموتور تقريبا لا يوجد
- العربية استيبل جدا على الطريق بس انا عادة سواقتي هادية مش باعمل غرز والملفات على السريع والكلام ده بس انا انا جربتها في بعض المواقف وكانت تمام التمام بالنسبة للثبات.
- تقريبا اللتر بيعمل 13 كم
- القعدة في العربية مريحة سواء لقائد السيارة او للركاب الاخرين مع العلم ان انا طولي 195 سم والحمد لله باكون مرتاح ، وعلى فكره كرسي السائق يمكن تعديله بحركتين واحده لظهر الكرسي والاخرى لقاعدة الكرسي.
- العفشة تقدر تديها 65% واعتقد انها كده عشان العفشة رياضية الى حد كبير وما تنساش ان الجنوط 16"/215 وبالتالي فبتدي احساس الى حد ما بالنشفان.
- الشنطة بتفتح على الصالون وهى معقوله الى حد كبير زيها زى اللانسر تقريبا.

[MohabSaeed]

بص يا باشا

-بالنسبة للعزل الداخلي نقدر نقول 80 % صوت الموتور تقريبا لا يوجد
- العربية استيبل جدا على الطريق بس انا عادة سواقتي هادية مش باعمل غرز والملفات على السريع والكلام ده بس انا انا جربتها في بعض المواقف وكانت تمام التمام بالنسبة للثبات.
- تقريبا اللتر بيعمل 13 كم
- القعدة في العربية مريحة سواء لقائد السيارة او للركاب الاخرين مع العلم ان انا طولي 195 سم والحمد لله باكون مرتاح ، وعلى فكره كرسي السائق يمكن تعديله بحركتين واحده لظهر الكرسي والاخرى لقاعدة الكرسي.
- العفشة تقدر تديها 65% واعتقد انها كده عشان العفشة رياضية الى حد كبير وما تنساش ان الجنوط 16"/215 وبالتالي فبتدي احساس الى حد ما بالنشفان.
- الشنطة بتفتح على الصالون وهى معقوله الى حد كبير زيها زى اللانسر تقريبا.

استاذ محمد- نسبه استهلاك ديه بالتكيف ولا بدون التكيف

* هل حضرتك جربت وحطيت بنزين 95 قبل كده ؟
لانى سعات بسمع تسقيفه بسيطه اوى ... وشاكك ان يكون ده بسبب البنزين " اساسا التانك مكتوب عليه NOT LESS 95 RON " وانا بحط 92 .


:) اخيرا لقيت حد معاه واجا اقدر اتبادل معاه المعلومات .

[eng_elnaggar]

انا بأحط 90 او 92 والاتنين بيشتغلوا عادي معايا بدون اى صوت

وانا العياذ بالله من الشيطان الرجيم عمري ما حطيت 95 وعلى فكره التانك عندي مش مكتوب عليه حاجه غير ان لابد ان يستخدم بنزين خالي من الرصاص...

واهلا بيك اخ فاضل ومرحبا بجميع استفساراتك وعلى فكره فيه مهندس في التوكيل صديقي لو عايز اى حاجه ممكن يبصلك عليها بره التوكيل لو اتزنقت وهو راجل محترم جدا...

[MohabSaeed]

ربنا يكرمك ويبارك فيك يا استاذ محمد .

ممكن اعرف اسم المهندس الى حضرتك تعرفه ؟ و ياريت رقم تلفونه لانى ممكن اروح التوكيل بكره لو كده اقابله هناك علاشان انا محتاج اغير المساعدين ومضطر اغيرهم فى التوكيل . لانهم مش موجودين بره , و محتاج اعرف حد ثقه وعنده ضمير فى التوكيل علاشان محدش " يشتغلنى و يعمل البحر طحينه " .

المشكله الى فى المساعدين ان فى مساعد منهم متنى و العجله مفتوحه سنتى لبره و المساعد التانى برده فى لوحه بسيطه , اظاهر صاحب العربيه الاول دخل فى مطب جامد اوى ودلوقتى العربيه مش مظبوطه بسبب المساعد ده ......
واحد بتاع زوايا قالى اعملهولك زرجينه و حترجع زى الاول ...... بس انا فضلت انى اغيرهم " اضمن "

* سعر المساعد الواحد فى التوكيل 660 جنيه

[temoz]

اخر معلومات وصلتنى من محسن صالح عن الواجا لانى كنت بسأل عليها لوالدى هاتنزل اخر شهر 7 والحجز من دلوقتى عليا وبتتدفع الف جنيه وسعرها فى التسعينات زى الجين تو بس والله نسيت قالى كام بالضبط لانى كنت مهتمه بالبيرسونا اكتر

Sorry , can i ask if you have any news about the Persona ?thanks