عندي ويرا ٢٠٠٤

[denko]

المشكله عندي ان الاضاءه بتاعت الجزء اللي فيه مفاتيح التكيف والكاسيت مش شغاله بس باقي التابلوه شغال ... واستفسار كمان عايز اجيب مفاتيح الزراير بتاعت الزجاج وشكرا

[yousefsemsem]

روح لكهربائي هيفكها الوش ويشيل اللمض المحروقه وهيغيرها لو انت هتعرف تفك اعملها هي لمض ضغيره اوي شيل واحده وغيرها انا عملتها قبل كده لوحدي
اما بقي علي موضوع الزراير ده هتدوخ عليه شويه بس متوفر في المنصورة وبورسعيد لانه زي بتاع النسر البطه لو مالقتهوش في زراير بتاعت تيوتا او نيسان بتركب بس هاتها بالفيشه انا عندي بتاعت نيسان وراكبه وزي الفل هي هيها مش فارقه حاجه

[mrwho1982]

اهلا بيك في قسم بروتون

مبدئيا كده انسي انك تروح تدور علي لوحة المفاتيح بتاعة الازاز ولو لقيتها هتلاقيها غالية

طب هاتقولي اعمل ايه

اقوللك روح لكهربائي بيفهم ولازم يكون بيفهم

هيقطع الفيشة القديمة ويركبللك فيشة المفاتيح بتاعة دايو نوبيرا او كيا

اي حاجة في السعر الحنين

بتكون لوحة المفاتيح ب 120 او 150

انا عملت القصة دي عندي

وللعلم العربية عيبها في 3 حاجات

1 لوحة مفاتيح الزجاج ودي غششتك حلها

2 الموبية ودي بتتجاب استراد وفي الصيني الجديد بس تعبان

3 بوابة الانجكشن ودي بتاثر في التكييف بس

ارجو اني اكون ساعدتك

[denko]

شكرا جدااا للمعلومات الفيده واسف الشكر تآخر لاني يوم الجمعه اللي فاتت ماشي في طريق الواحات في اكتوبر عربيه النترا دخلت في عربيتي بوظ الشنطه والاقصدام والفانوس وكنت مشغول في تصليح العربيه

[Karim Salem]

انا رأيى قبا ما تغيير اللمض راجع الفيوزات
من كام شهر كان عندى نفس الموضوع و روجت لكهربائى غيرى فيوز و الدنيا نورت زى الفل.

بالنسبة لموضوع مفتاح الازاز بتاع النوبيرا
ممكن شرح اكتر لأن الازاز خلاص هيجننى

[denko]

السلام عليكم .. استاذ / كريم لو سمحت اراجع الفيوزات الموجوده في العلبه جنب البطاريه ولا في مكان علبه فيوزات فمكان تاني ... شكرا

[yousefsemsem]

في مكان فيوزات تحت التابلوه جنب الدبرياج تحت