عربية بروتون واجا 2009 اتوماتيك العربية بتبطل لوحدها و انا ماشى!!!!!!!!!!

[polk77]

ارجو المساعدة
اول مرة يظهر العيب ده معايا
العربية بتبطل و تفصل لوحدها و انا ماشى فى الطريق و لمبة الcheck engine تنور
اجى ادورها تانى ماترضاش لازم استنى على الاقل 5 دقايق و بعدين تدور امشى 5 دقائق و تبطل تانى!!!!!!!
انا بعمل الصيانات فى و قتها العربية عاملة 55000 كيلو و العربية مافيهاش تنتيش و لسه مغير البطارية من 3 شهور بس
ارجو ان حد يفيدنى ياجماعة

[polk77]

انا فصلت كابل البطارية و ركبته تانى و لسه العيب موجود و الغربيه ممكن تبطل برضه بعد شوية حتى و انا واقف مكانى

[eng.m7md.ali]

البوجيهات يا صديقي
قبل مااعمل صيانة ال 20 الف كان عندي نفس المشكلة لما احرق على الغيار والعربية تفصل لوحدها
اعتقد هو ده الحل والله اعلم ممكن تسمع اراء تانية

[polk77]

انا هاروح مركز عصام صفا بكره, بس فى و احد قالى ممكن تبقى الموبينه؟؟؟؟

[mido_soliman]

حتغير البوجيهات وتجرب لو اتكررت يبقى فى موبينة بتسخن وتقطع كهربا من اللى عندك

[mido_soliman]

عربيتك 2009 غالبا الموتور الكامبرو ودة على 4 موبينات واحدة منههم غالبا اللى بتقطع ولازم يشيكوا عليهم كويس هناك ويقارنوا بين حرارتهم
اللى حرارتها عالية فيهم العيب منها

[polk77]

شكل الموبينه ده ايه ؟ حد عنده صورة ليها؟
و لو حبيت اغيرها اشتريها منين و سعرها كام؟
و البوجيهات ايه احسن نوع و سعرها كام؟

[د.هشام]

شكل الموبينه ده ايه ؟ حد عنده صورة ليها؟
و لو حبيت اغيرها اشتريها منين و سعرها كام؟
و البوجيهات ايه احسن نوع و سعرها كام؟

متضامن معاك في نفس الاسئلة
وسؤال كمان زيادة: هو ينفع ميكانيكي عادي يعمل القصة دي, قصدي مش محتاجة أجهزة مصوصة للكشف؟

[mido_soliman]

طالما لمبة الاتشيك نورت يبقى الايرور اتسجل لازم تكشف عليها كمبيوتر وتعرف العيب منين انصحك بالتوكيل او عصام صفا متوديهاش لحد يلعب فيها
والموبينة يا سيدى موجودة تحت الغطا البلاستيك مباشرة



شايف السلك الاخضر اللى خارج من كل موبينة اهم دول ال 4 موبينات وكل واحدة راكبة على بوجية من ال 4 اللى عندك على كل سلندر
دة غير طبعا ان كل اللى بنقولة دة تكهنات وممكن العيب يبقى حاجة تانية خالص بس طالما اللمبة نورت يبقى الخطا اتسجل على كمبيوتر العربية وان شاء الله سهل معرفة العيب بمجرد الدخول على كمبيوتر العربية ودة مش حيكون غير عند التوكيل او مركز صيانة معتمد
نصيحة
روح التوكيــــــــــــــــــــــــــــــــــــــــــــ ــــــــل او مركز صيانة معتمد يحطها على الكمبيوتر

[artofa]

90 في 100 حاجه اسمها حساس الكرنك ممكن تعمل كده خاصه لما ذكرت انها عامله 55000 ك اتاكد منه عند اي ميكانيكي

[a7mad_mo7amad6]

في انتظار معرفة سبب المشكله