تسريب زيت جين 2

[RedBull_30]

السلام عليكم
لاحظت تسريب زيت جاي من عند وش التاكيهات او وش السلندر .. بصراحة معرفش اسمه ايه بالزبط .. غسلت المحرك عشان كنت شاكك انه يكون احتمال وانا بغير الزيت يكون نقط الزيت عليه وهي اللي عملت كده و بعد الغسيل بقى واضح انه تسريب ..
العربية جين تو 2008 معملتش فيها اي شغل غير تغيير سير الكاتينة و كان في مركز الاغلبية بتشكر فيه ..
انا سواقتي عادية جدا مش من النوع اللي بحرق حتى على الغيار و وقت السفر السرعه القصوى بتكون 120 .
يا ريت اعرف ايه اللي ممكن اعمله عشان اوقف التسريب ده ولو فيه قطع غيار هجيبها يا ريت اعرف منين و بكام ؟
شكرا لوقتكم

[ganash]

ممكن يكون الوش عاوز يتربط عليه اعتقد استنى رأي الخبراء برده

[MohammedAladel]

متابع باهتمام

بس غسلت الموتور إزاى ؟

[mido_soliman]

الوش بس حيتربط علية ولو التسريب استمر حتغير جوان وش الكامة او جوان التاكيهات
اهم حاجة تتابع مقاس الزيت وخلاص
انصحك ترجع لنفس المركز علشان من الممكن ان السير يكون السبب فى كدة وان التقسيمة مش مظبوطة

[DESIGNER105]

لازم تتابع مستوى الزيت كل يوم الصبح قبل متمشى بالعربيه ولو لقيتو نقص زودو لحد متصلح العيب...لان نقص الزيت ده خطير جدا وممكن يكسر اجزاء الماتور لو نقص بكميه كبيره ...اتاكد وانت بتقيس الزيت ان العربيه على سطح مستوى تماما .. وتكون ركنا اكتر من سعنين بدون تشغيل الموتور طبعا ... لو لقيت مستوى الزيت ثابت بعد 3 مرات كده يبقى مفيش تسريب غالبا ...وبردو الخبراء يفيدوك اكتر

[RedBull_30]

الوش بس حيتربط علية ولو التسريب استمر حتغير جوان وش الكامة او جوان التاكيهات
اهم حاجة تتابع مقاس الزيت وخلاص
انصحك ترجع لنفس المركز علشان من الممكن ان السير يكون السبب فى كدة وان التقسيمة مش مظبوطة

شكرا يا اخي الكريم لاهتمامك بالرد ..
اجابتك هتخليني اسئلك سؤال وهو : هو تغيير سير التقسيمة بيتم عن طريق انه يفك وش الموتور؟
كمان ازاي لو التقسيمة او السير مش معمولين بالشكل السليم ينتج عنهم رشح الزيت اللي انا شوفته ؟
يا ريت يا فندم تجاوبني واشكرك لاهتمامك

[RedBull_30]

متابع باهتمام

بس غسلت الموتور إزاى ؟

امتلك انا و اخواتي مغسلة سيارات عندنا فيها جهاز بخار عالي الجودة و قوي جدا لغسيل المحرك و بنستخدم معاه مواد المانية

[RedBull_30]

لازم تتابع مستوى الزيت كل يوم الصبح قبل متمشى بالعربيه ولو لقيتو نقص زودو لحد متصلح العيب...لان نقص الزيت ده خطير جدا وممكن يكسر اجزاء الماتور لو نقص بكميه كبيره ...اتاكد وانت بتقيس الزيت ان العربيه على سطح مستوى تماما .. وتكون ركنا اكتر من سعنين بدون تشغيل الموتور طبعا ... لو لقيت مستوى الزيت ثابت بعد 3 مرات كده يبقى مفيش تسريب غالبا ...وبردو الخبراء يفيدوك اكتر

هو فعلا فيه تسريب .. بس مش بالشكل اللي حضرتك متخيله .. مش لدرجة انه يعمل نقص في الزيت .. بس انا حابب اقول معلومة للجميع ولكل واحد استعجل و غير سير الكاتينة زيي على 60 الف .. سير الكاتينة بيتغير على 80 الف كيلو وانصحكم تبقو واقفين فوق دماغ اي واحد بيغيره ..
مبقاش فيه ضمير ..
مشكلتي ان بعد ما غيرت السير و في نفس غيرت الزيت برضه وافتكرت ان اللي غير الزيت وقع منه زيت على الموتور ومتخيلتش ان بسبب تغيير السير حصل معايا كده ..
والله يا جماعه ما اعرف الناس دي بتعرف تنام ازاي بعد انعدام الضمير

[eng.m7md.ali]

الله يكون في العون
من الاحسن فعلا ترجع للمركز وتروح للمهندس .... شخصياً
وتحكيله اللي حصل والمشكلة اكيد من الصنايعية الاغبية اللي عنده

[K3A]

هو فعلا فيه تسريب .. بس مش بالشكل اللي حضرتك متخيله .. مش لدرجة انه يعمل نقص في الزيت .. بس انا حابب اقول معلومة للجميع ولكل واحد استعجل و غير سير الكاتينة زيي على 60 الف .. سير الكاتينة بيتغير على 80 الف كيلو وانصحكم تبقو واقفين فوق دماغ اي واحد بيغيره ..
مبقاش فيه ضمير ..
مشكلتي ان بعد ما غيرت السير و في نفس غيرت الزيت برضه وافتكرت ان اللي غير الزيت وقع منه زيت على الموتور ومتخيلتش ان بسبب تغيير السير حصل معايا كده ..
والله يا جماعه ما اعرف الناس دي بتعرف تنام ازاي بعد انعدام الضمير

الحمد لله انك عرفت سبب المشكلة ... بس ممكن حضرتك توضح أكثر كيف يكون تغير السير سبب في تسريب الزيت ... وكيف تمت المعالجة وعند مين ..

تحياتي

[RedBull_30]

الحمد لله انك عرفت سبب المشكلة ... بس ممكن حضرتك توضح أكثر كيف يكون تغير السير سبب في تسريب الزيت ... وكيف تمت المعالجة وعند مين ..

تحياتي

نفس سؤال حضرتك انا سئلته ل ميدو سليمان وهو لغاية الان مردش عليا .. انا لغاية الان محلتش المشكلة بس ان شاء الله هغير السير من الاول في اقرب وقت وهغير معاه الجيوان بتاع التاكيهات واحتمال الموضوع يكون في خلال اسبوع او 10 ايام بالكتير ..