سوست سبور ولا ultra racing bars ؟

[eng.m7md.ali]

الحمد لله الواحد هيخرج ان شاء الله من الضمان بعد تغيير ال 4 مساعدين في الضمان ( بعد ماروحي طلعت معاهم )
المهم دلوقتي فاضل شهر بالظبط على الخروج من الضمان
كنت هناك في التوكيل يوم الاربع تقريبا وحكيت كل حاجة للمهندس ( مش فاكر اسمه ) بس هو محترم جداً وطلع جرب العربية معايا وقال انها محتاجة مساعدين ورا .. بس قولتله ركز من قدام هتلاقي ترزيع جامد وبعد الكشف اتحجز 4 مساعدين وياعالم هيجو امتة
المهم عشان مطولش عليكم
بفكرر في سوست سبور او بارات
ياترى لو سوست هتنفع عليها ايه العربية دي؟
ولو بارات اجيب كام قطعة عشان احس بفرق في ال handling ؟؟!
وايه الاحسن من ناحية االاداء .. علما ً بان الجنوط 16 مع كاوتش 205-55 قدام .. و 225-55 ورا


اه صحيح
احب اشكر المهندس احمد ياسين مهندس الاستقبال الجديد

[yoko]

جيب البارات عشان متوطيش العربيه ويطلع عينك إلا لو طرقك كلها سريعة زي ساعتها حط سوست بس المساعدين هيضربوا بسرعة وهتضر تجيب مساعدين سبور والعربيه هتنشف جامد قوي بعد المساعدين

[eng.m7md.ali]

جيب البارات عشان متوطيش العربيه ويطلع عينك إلا لو طرقك كلها سريعة زي ساعتها حط سوست بس المساعدين هيضربوا بسرعة وهتضر تجيب مساعدين سبور والعربيه هتنشف جامد قوي بعد المساعدين

شكرا يا هندسة على الرد
العربية عندي فعلا عالية بغباء مانت اكيد عارف الواجا عاملة ازاي
وبقت اعلى اكتر مع الجنوط ده
وبالنسبة للنشوفية مش مشكلة عندي لان العربية كدة كدة ناشفة مع المساعدين دي ( محجرة)
وكمان معايا جولف 2 فيها كوني فالعملية مش مشكلة بالنسبة ليا :)

ايه رأيك ؟

[yoko]

راي حط الإتنين مع بعض وعيش

[eng.m7md.ali]

انا يهمني اكتر ان العربية متميلش في الملفات او الغرز الصعبة

[eng.m7md.ali]

راي حط الإتنين مع بعض وعيش

الماديات حالياً لا تسمح غير لحاجة واحدة
ابتدي بالبارات ولا السوست؟؟
ولا استنى شوية واجيب مساعدين وسوست مع بعض؟

[yoko]

إبتدي بالبارات هي السوست هتثبت اكتر بس بدام نو كاش يبقى بلاش سوست غير لما يكون معاك فلوس تكفي تكيب مساعدين بالمرة ومتغلطش غلطتي

[eng.m7md.ali]

انت مركب سوست سبور على المساعدين ستوك؟

[yoko]

أيوه وشهر بالظبط المساعدين سلموا نمر مع إني موطتش غير 3سم

[eng.m7md.ali]

بس انا اعرف ناس بتوطي العربية من غير مالمساعدين يبوظو بالسرعة دي
اكيد الاستهلاك اللي قبل التركيب ليه عامل بردو

[yoko]

أكيد بس عموما السوست الأقصر بتجيب مساعدين بدري

[Formulator]

أيوه وشهر بالظبط المساعدين سلموا نمر مع إني موطتش غير 3سم

3 سم بس؟؟!!!
يامفترى؟!! ههههههههههههههههه

بس انا اعرف ناس بتوطي العربية من غير مالمساعدين يبوظو بالسرعة دي
اكيد الاستهلاك اللي قبل التركيب ليه عامل بردو

وكمان مساعدين اللينيا-الجراند التربو بـdamping-rate ومشوار قصير.. متوجهة Stability أكثر منها Comfort

بس عموما السوست اللى بتوطى 2.5/3.0 سم كتير،
والـ5.0 سم lowering بتبقى إفترا.. بس دى ماتتعملش إلا بدامبرات سبور!!

بالنسبة للموضوع الأساسى
أنا لسه عند رأيى: العفشة قبل الـStrut-bars؟؟!!!
خصوصا لو إرتفاع العربية يسمح..؟!!
Rgds،

[TFSI]

أنا كنت مركب سوست eibach lowering 3 CM لمدة سنة فى عربيتى اللى بيعتها GP Tjet بتربو Abarth و exhaust Fredreich وكانت 185 حصان وما حصلش اى مشاكل خالص

[eng.m7md.ali]

3 سم بس؟؟!!!
يامفترى؟!! ههههههههههههههههه




وكمان مساعدين اللينيا-الجراند التربو بـdamping-rate ومشوار قصير.. متوجهة stability أكثر منها comfort

بس عموما السوست اللى بتوطى 2.5/3.0 سم كتير،
والـ5.0 سم lowering بتبقى إفترا.. بس دى ماتتعملش إلا بدامبرات سبور!!

بالنسبة للموضوع الأساسى
أنا لسه عند رأيى: العفشة قبل الـstrut-bars؟؟!!!
خصوصا لو إرتفاع العربية يسمح..؟!!
rgds،

:)
مفيش فلوس :)
حتى فكرت اجيب استيراد بس المشكلة الكلام ده مبيبقاش مضمون

أنا كنت مركب سوست eibach lowering 3 cm لمدة سنة فى عربيتى اللى بيعتها gp tjet بتربو abarth و exhaust fredreich وكانت 185 حصان وما حصلش اى مشاكل خالص

غالبا بيبقى على حسب الاستعمال وطريقة السواقة وان كان الواحد حذر في الطرق المكسرة اكتر ولالا

ان شاء الله قررت اجيب الباراات بس طبعا لازم احجز الاول عند عادل وجدي

[mido_soliman]

يا فيلكس يا خويا
متجيبش البارات لانى عندى شبة يقين انها مش حتديلك اللى انت عايزة
اللى انت عايزة بجد هوة الاتى
مساعدين وسوست سبور
وفر فلوس البارات اللى انا حاسسها اشتغالة على العفشة الاستوك اصلا
وحوش لعفشة سبور على طول
وعموما مدام حجزت المساعدين وحيجوا زيرو
هات السوست وركبهم عليهم ولحد ما يبوظوا تكون ظبط فلوس المساعدين الاسبور
دة رائى ولك حرية الاختيار