تقيم Gen 2

[hozayfa]

من خلال تجربتي الشخصيه مع الصني السوبر صالون والرينو فلونس و السيراتو و من خلال اراء ملاك الجين 2 بحاول اقارن بينهم في اكتر من حاجه علشان انا ناوي علي الجين 2 ان شاء الله

- طبعا الصني عفشتها انشف من الفلونس طيب لو حد جرب الصني والجين مين فيهم عفشته انشف

- انا متاكد ان ثبات الجين قريب جدا من الفلونس واكيد احسن من الصني لو حد عنده راي مختلف يا ريت يوضح

- تكيف الصني احسن من تكيف الفلنوس طبعا بس معرفش حاجه عن تكيف الجين وديه نقطه مهمه اوي يا ريت الملاك يقول رايهم

- استهلاك البنزين في الفلونس والصني عالي وسمعت انه في الجين عالي بس يا تري اعلي من الصني!!!!

- دركسيون الفلونس ناعم جدا علي السرعات القليله وتقيل علي السرعات العاليه وهو طبعا اخف من دركسيون الصني علي السرعات القليله بس انا سمعت ان دركسيون الجين تقيل هل هو اتقل من الصني زي السيراتو كده مثلا ولا ايه بالظبط ؟

[SAMEH_FOUAD]

الفلوانس ماتنفعش تتقارن اصلا فى الفئة دية نهائى , فرق السعر وفرق الخامات , وفرق الراحة والعزل والاوبشن والكماليات , والفخامة , كلة فى صالح الفلوانس , فدية فئة تانية خالص ماتنفعش تتقارن بينهم نهائى

اما الجين 2 والصنى

الاتنين عفشتهم ناشفة , الاتنين استهلاك بنزين عالى

ثبات الجين 2 احلى

محرك الجين 2 اقوى

شكل الجين 2 شبابى اكتر

الصنى ارتفاعها اعلى

تكييف الصنى افضل

اعتمادية الصنى احسن

[eng.m7md.ali]

هو اللي اعرفه ان ثبات الجين2 قريب فعلا من ال سيتروين c4 او الرينو الميجان 2
الحقيقة مجربتش الفلوانس
بس مفيش مقارنة بين ثبات الصني والجين2 اكيد الجين2 احسن وده عليه عوامل كتير زي العفشة الخلفية للعربيتين وتصميم الشاسيه وتصميم البودي نفسه
الناس والله فاهمة الثبات غلط وناس بتقولك العربية جابت 190 وكانت ثابتة ههههههههههههههههههههههه يعني ايه الكلام ده؟ الثبات بيتقاس في الغرز والمناورات والملفات على سرعة عالية مش بس المشي في طريق مستقيم وخلاص

عموما انا مش هزود على كلام الاستاذ سمسم لان كلامه مظبوط في كل حاجة

[S O P H O S]

الرينو فعلا اعلي
والمقارنة هتكون اسهل ما بين الصني والجين

[K3A]

من خلال تجربتي الشخصيه مع الصني السوبر صالون والرينو فلونس و السيراتو و من خلال اراء ملاك الجين 2 بحاول اقارن بينهم في اكتر من حاجه علشان انا ناوي علي الجين 2 ان شاء الله

- طبعا الصني عفشتها انشف من الفلونس طيب لو حد جرب الصني والجين مين فيهم عفشته انشف

- انا متاكد ان ثبات الجين قريب جدا من الفلونس واكيد احسن من الصني لو حد عنده راي مختلف يا ريت يوضح

- تكيف الصني احسن من تكيف الفلنوس طبعا بس معرفش حاجه عن تكيف الجين وديه نقطه مهمه اوي يا ريت الملاك يقول رايهم

- استهلاك البنزين في الفلونس والصني عالي وسمعت انه في الجين عالي بس يا تري اعلي من الصني!!!!

- دركسيون الفلونس ناعم جدا علي السرعات القليله وتقيل علي السرعات العاليه وهو طبعا اخف من دركسيون الصني علي السرعات القليله بس انا سمعت ان دركسيون الجين تقيل هل هو اتقل من الصني زي السيراتو كده مثلا ولا ايه بالظبط ؟

بص حضرتك انا عربيتي بيرسونا و سوف اجيبك على اسئلتك بالنسبة للبيرسونا و اعتقد انه نفس الحال بالنسبة للجين

- بالنسبة للعفشة فهي زي الصني 2010 او أنشف قليلا .. وخصوصا لو ضغط الهواء زايد شويه في الكاوتش

-بالنسبة للثبات فانا لا اظن ان الفلوانس اعلى من الصني لكن البيرسونا ثباتها ممتاز مثل الصني او الميجان ... لكن مين الافضل في الثلاثة ؟ ده شيء يصعب الاجابة عليه لانه عايز ممارسة على الاقل 5000 كيلو سواقة لكل سيارة في الطرق السريعة و الملفات

-تكييف الصني هو رقم 1 في فئة 1600 سي سي .. قوي سريع التبريد حتى في أصعب الظروف ... تكيف البيرسونا جيد نهارا .. شديد البرودة ليلا ... بطيء التبريد في ظروف الحر القاسية نهارا و خصوصا لو لون العربية اسود او غامق و ركنة في الشمس فترة

-استهلاك البنزين في البيرسونا مش حيضبط قبل 10 ألاف كيلو ... و في الاوتوماتك بيكون في متوسط 8 لتر لكل 100 كيلو مع تشغيل التكييف على الطرق السريعة وسرعة متوسطة 90 كيلو \ساعة و ار بي لم 2.5 - نوع النزين 92 ... و ملكش دعوة بقرأة الاستهلاك بتاعة كمبيوتر العربية لانها في العادة اقل ب 1.5 او 2 من الاستهلاك الفعلي

يجب الاشارة ان استهلاك البنزين في البروتون مش متناسب طردي مع السرعة ... بمعنى ان اسلوب و طريقة السواقة عليهم عامل كبير في الاستهلاك ... كذلك الاستهلاك بعد 120 غير محسوب و قد يختلف حسب حالة الطريق .. و مقاومة الرياح ... وطريقة السواقة ... وجودة البنزين

الدركسيون هو باور ميكانيك مش كهرباء ... وهو تقله ثابت باختلاف السرعة ... ممكن تقول عليه زي الصني او اتقل سنه خفيفة

تحياتي

[hozayfa]

الف شكر يا رجاله علي الردود
اكتر حاجه عجباني في العربيه شكلها وثباتها بس في كام حاجه مقلقاني
- الي فهمته من الكلام ان الجين عفشه انشف من الصني يعني زي السيراتو :'( !!!
- التكيف جيد زي الفلونس واقل من الصني
- اهم سؤااااااااااااااااااااااال الدركسيون تقيل زي السيراتو ؟
النقطه ده مهمه جدا جدا يا ريت لو حد جرب سيراتو بذات يقول لان بجد دركسيون السيراتو تقيل اوي ويكرهك في العربية وانت بتركن مش زي الصني خالص ياريت بس حد يرد علي النقطه ديه هو تقيل للدرجه دي !!!!!!!

[eng.m7md.ali]

الف شكر يا رجاله علي الردود
اكتر حاجه عجباني في العربيه شكلها وثباتها بس في كام حاجه مقلقاني
- الي فهمته من الكلام ان الجين عفشه انشف من الصني يعني زي السيراتو :'( !!!
- التكيف جيد زي الفلونس واقل من الصني
- اهم سؤااااااااااااااااااااااال الدركسيون تقيل زي السيراتو ؟
النقطه ده مهمه جدا جدا يا ريت لو حد جرب سيراتو بذات يقول لان بجد دركسيون السيراتو تقيل اوي ويكرهك في العربية وانت بتركن مش زي الصني خالص ياريت بس حد يرد علي النقطه ديه هو تقيل للدرجه دي !!!!!!!

دريكسيون السيراتو تقيل؟
انا اول مرة اسمع كدة بس ده طبيعي انه فعلا تقيل بالنسبة للالنترا لان دي هيدروليك ودي كهربة

بس انا جربت السيراتو كتير حسيته سهل وخفيف جداً بس مش زي الالنترا طبعا
ممكن نقول ان الجين 2 زي النوبيرا مثلا او الاوبترا في الباور
من رأيي تجربها بنفسك وشوف ايه رأيك فيه

[Al-Farooq]

عفشة الجين انعم من السيراتو.
الدركسيون عمره ما دايقني فى الركنة ، جايز دي بتختلف من شخص لآخر بس هو مش سلس اوي زي الباور الكهرباء.

[lanos2004]

هو اللي اعرفه ان ثبات الجين2 قريب فعلا من ال سيتروين c4 او الرينو الميجان 2
الحقيقة مجربتش الفلوانس
بس مفيش مقارنة بين ثبات الصني والجين2 اكيد الجين2 احسن وده عليه عوامل كتير زي العفشة الخلفية للعربيتين وتصميم الشاسيه وتصميم البودي نفسه
الناس والله فاهمة الثبات غلط وناس بتقولك العربية جابت 190 وكانت ثابتة ههههههههههههههههههههههه يعني ايه الكلام ده؟ الثبات بيتقاس في الغرز والمناورات والملفات على سرعة عالية مش بس المشي في طريق مستقيم وخلاص

عموما انا مش هزود على كلام الاستاذ سمسم لان كلامه مظبوط في كل حاجة

انا بمشى 210 وبخاف اخد غرز على 130 العربيه تروح مترجعش واتقلب
الجين تو ثبات ممتاز طبعا بلا شك

[eng.m7md.ali]

انا بمشى 210 وبخاف اخد غرز على 130 العربيه تروح مترجعش واتقلب
الجين تو ثبات ممتاز طبعا بلا شك

انت لازملك عفشة سبور صدقني مدام انت بتحب الجري كدة :)