الاخوه الاعزاء اعطونى نصيحتكم للمره الاخيره!!

[eng.m7md.ali]

اتكل على الله
انت عارف ان عربيات بروتون هتخسر لما تيجي تتباع
هات احسن كسر زيرو عشان متحسش بالخسارة دي
بس حاول بقى تتكلم على 85 الف
وكمان الفرش زي ماقال الاستاذ توت ده اقل واجب 2000-3000 جنيه كمان + الترخيص + الصيانة
يعني الراجل دافع كتير وصارف على العربية على الاقل 5000 جنيه :))

[Al-Farooq]

إذا كانت الحاله ممتازة ، والخبطة دي هيعملها على حسابه او ينزل ثمن تصليحها من الثمن الاصلي وتبقي تصلحها انت او تسيبها زي ماهي ... براحتك.
يبقي ركعتين تطوع وتقول فى التشهد الأخير دعاء الاستخارة و توكل على الله خلص فيها ، وربنا يبارك لك فيها :).
وممكن تتعتب نفسك شوية وتكشف عليها فى التوكيل بس هتتطمن من ناحيتها فى المقابل .

[amrelsha3er]

إذا كانت الحاله ممتازة ، والخبطة دي هيعملها على حسابه او ينزل ثمن تصليحها من الثمن الاصلي وتبقي تصلحها انت او تسيبها زي ماهي ... براحتك.
يبقي ركعتين تطوع وتقول فى التشهد الأخير دعاء الاستخارة و توكل على الله خلص فيها ، وربنا يبارك لك فيها :).
وممكن تتعتب نفسك شوية وتكشف عليها فى التوكيل بس هتتطمن من ناحيتها فى المقابل .

مونت باشا ربنا يكرمك انشاء الله ربنا يوفق
الف شكر ليكو ياجماعه كلكم ربنا يجزيكم خير على المشاركات :)

[bondok20002002]

أستاذ عمرو .
بُص لو العربية جديدة ب 95 ألف و هو منزل 9 الاف جنيه .
و انت بتقول انه صارف عليها فلوس في الفرش و رخصة لمدة 3 سنين كمان ادام ....... و صيانة 20 هو اللي هايعملها .
أعتقد ده معقول .

شوف أنت لو جبتها جديدة .
هاتصرف 3 سنين رخصة يعني حوالي 1300 جنيه .
و لو فكرت تحط فرش من عند جينز كار يعمله بتاع 1000 جنيه .
يعني تحط حوالي حوالي 2300 جنيه زيادة على 95 ألف يعني الجديدة تقف عليك ب 97 ألف .
و المستعملة واقفة ب 86 ألف .

شوف انت العربية تستاهل و لا لاءة .
انا متهيالي لو العربية مفيهاش حاجة .
معقول 86 خصوصا انها موديل السنة نفسها . و الله اعلم ... أنا برضه مليش في المستعمل و اسعاره قوي فأنتظر آراء تانية .

هو ده الكلام المظبوط فعلاً كلام صح جداً انا لو من رأيي إتكل على الله لانها فرصة حلوة جداً عربية نضيفة وفرشها كويس بس علشان تتأكد إكشف عليها ويارب يباركلك فيها ويكفيك شرها يارب العالمين ومبروووووووووك مقدماً
تحياتى